EURO-2012-ä gatnaşýan ýygyndylardan nämelere garaşýas?! (Daniýa we Fransiýa)

DANIÝA
Baş tälimçi: Morten Olsen
Milli ýygyndyň kapitany: Daniel Agger
FIFA reýtingi: 10
Dünýä çempionatynda iň gowy netije: 1998ý (1/4 final)
Ýewropa çempionatynda iň gowy netije: 1992ý (çempion)
Konfederasiýa kubogy: 1995 (çempion)

EURO 2012-niň «Ölüm grupbasy» diýip atlandyrylýan B toparçasynda çykyş etjek Daniýalylar Germaniýanyň, Gollandiýanyň hem-de Portugaliýanyň garşydaşy boldular.

B toparçadaky Milli ýygyndylaryň 4-siniň hem FIFA reýtinginiň ilkinji 10-lygyna girýändigini gözöňünde tutanymyzda, onda bu toparçadaky oýunlaryň ählisi hem edil final oýny ýaly çekeleşikli bolar diýip arkaýyn aýdyp bileris. Daniýalylaryň bu «Ölüm grupbasyndan» diri çykyp biljegine ynanmak kyn. Sebäbi Daniýalylara bu toparçada soňky dünýä çempionatynyň finalçysy Gollandiýany, soňky ýewropa çempionatynyň finalçysy Germaniýany, EURO-2004-iň finalçysy Ronaldoly Portugaliýany utmak aňsat düşmezmikä diýýän. Saýlama oýunlarda Portugaliýanyň 2-nji ýer alan toparçasynda Daniýanyň 1-nji ýer alandygyny gözöňümizde tutanymyzda, Portugaliýadan oçko almak Daniýa üçin gaty bir kyn bolar öýdemok. Emma Gollandiýa we Germaniýany utmak hem-de soňky 8-lige galmak Daniýa üçin sürpriz bolar.

EURO 2012-de Daniýanyň esasy umyt baglaýan futbolçylary Daniel Agger, Christian Poulsen, Nicklas Bendtner, Dennis Rommedahl dagylar bolarmyka diýýän. Emma Christian Poulsen soňky ýyllarda yzygider alan şikesleri sebäpli öňki formynda däldigi, onuň sostawa alynmazlygyna sebäp hem bolup biler.

Bu çempionatda Daniýanyň esasy maksady elbetde 1/4 finala çykmakdyr. Emma hakyky futbol gözi bilen seredeňde Daniýanyň bu toparçadan çykyp biljegi ikuçsyz görünýär.


FRANSIÝA
Baş tälimçi: Laurent Blanc
Milli ýygyndyň kapitany: Hugo Lloris
FIFA reýtingi: 16
Dünýä çempionatynda iň gowy netije: 1998ý (çempion)
Ýewropa çempionatynda iň gowy netije: 1984ý we 2000ý (çempion)
Konfederasiýa kubogy: 2001ý we 2003ý (çempion)

Soňky ýewropa çempionatynda we soňky dünýä çempionatynda şowsuz çykyş eden Fransiýa bu çempionatda Laurent Blancyň tälimçiliginde üstünlik gazanmak isleýär.

Fransuzlar bu çempionatyň D toparçasynda çykyş ederler. Olar bu toparçada Angliýa bilen birlikde 1/4 finala çykjak faworitler hasaplanýar. Emma faworit diýmek olar toparçadan çykar diýmek däl. Fransuzlar 1/4 finala çykmak üçin ýer eýesi Ukraýinany hem-de taryhynda hiç duşuşyp görmedik ýygyndysy Şwesiýany yzda galdyrmaly bolarlar. Şu toparçada Ukraýinleriň ýer eýelik hukugyndan peýdalanyp, sürpriz edip 1/4 finala çykyp biljek ýygyndydygyny pikir etsek, onda Fransuzlara ýer eýesi bilen oýnaljak oýunda örän dykgatly oýnamaly bolarlar. Toparçadaky Angliýa we Şwesiýa bilen oýnaljak oýunlarda bolsa Fransiýalylara meýdançada aňsat bolmadyk 180 minut garaşýar.

EURO 2012-de Fransiýany iň gowy ýerlere äkidip biljek birnäçe tejribeli futbolçylary bar. Olardan bu ýyl Bawariýanyň Çempionlar Ligasynyň finalyna barmagynda uly rol oýnan Franck Riberyny, Real Madridiň Ispaniýanyň çempiony bolmagyna öz goşandyny goşan Karim Benzemany, Manchester Citylylar Gaël Clichyny hem-de Samir Nasrini, Manchester Unitedli Patrice Evrany, Chelsealy Florent Maloudany görkezmek bolar. Aslynda bu sanawymyza Montpellieriň Fransiýaň çempionatynda çempionlyga oýnamagyna uly goşant goşan we 21 gol bilen häzirlikçe League 1-de iň köp gol salanlaň sanawynda birinji ýerde duran Olivier Giroudy hem-de ýewropanyň iň güýçli derwezebanlary bilen ady geçýän Hugo Llorisi hem goşup bileris.

Barcelonaly Erik Abidal hem-de Arsenally Bacara Sagna şikeslidikleri sebäpli bu çempionata öz öýlerinde tomaşa etmeli bolarlar.

EURO-2012-niň öň ýanynda Fransiýanyň iň esasy kynçylyk çekjek meselesi olaryň çempionatynyň beýleki çempionatlara seredeňde gijiräk gutarýanlygydyr. Bu mesele bolsa tälimçi Laurent Blanca sostawa futbolçy çagyrmakda hem-de öňümizdäki ýoldaşlyk oýunlarda League 1-da oýnaýan futbolçylary isledigiçe peýdalanmakda kynçylyklar döredip biler.

France-1998 we Euro-2000-däki günlerini küýseýän fransuzlar hemişe bolşy ýaly bu çempionatyň hem faworitleriniň biri hasaplanýar. Fransuzlaň maksady iň bolmanda final oýnamak bolup durýar. Muny başararlarmy ýa-da başarmazlarmy ony bize wagt görkezer. Özüm Fransiýaň Milli ýygydysynyň fanaty. Nesip bolsa çempion bolarys diýip umyt edýän.

Tema barada sizem öz pikirleriňiz paýlaşsaňyz minnetdar bolardym. Indiki tema Germaniýa we Gollandiýa barada bolar.
Sag boluň.

Goşmaça:
EURO 2012-ä gatnaşýan ýygyndylardan nämelere garaşýas?! (Angliýa we Çehiýa)

Senem men ýaly Fransiýaň fanatymy?

Hawwa(40%, 2 adam)

Ýok(60%, 3 adam)