SOÑLANMADYK HEKAÝA
Yşk ýoluna ýeke çykdym nädeýin?!
Arzuwlardan asmanymy bezedim.
Gussa basan günlerimi gädeýin,
Söýgiň okun gursagymdan gezediň.
Sap duýgymyň sarsylmajak gaýasy,
Dünýäme giripdiň şol gün ýagyşda.
Deňdi maňa asman zemin arasy,
Bakyşlarym bakyşlarňa çakyşsa.
Wah duýmadyň nalalarmyň sesini,
Syrdan doly didelerim sem galdy.
Dogulmadyk söýgiň tutdum ýasyny,
Meň içimde gutarnyksyz jeň galdy.
Umyt şemim ýyl geçdikçe kiçeler.
Aýak sesiň getirmedi köçeler.
Awtor: Uzuk Agamyradowna
Arşivin durumu
● Tam metin
● 1/1 yorum korunmuş
Yayımlandığı site: yurekdesh.ru · Kaynak: Common Crawl kopyası — yurekdesh.ru, 10 Aralık 2025 · Common Crawl dizini ↗
Yorumlar 1
..........