Aýalymyzy perizat edeli.

Telewizoryñ öñünde ýatan Myrada aýaly igenip bashlady. "Gün-uzyn ýatyrsyñ, barda öýdäki hapany dasharyk zyñyp gel" diýip aýaly gygyrdy. Göwünli-göwünsüz Myrat hapany dasharyk alyp çykdy. Içini hüñledip gelýär: " Men bagtsyz adam, näme üçin mende azhdarha ýaly aýalym barka, iññirdisindenem irdim."
Muradyñ samyrdap oturanyny eshiden garryja ýashuly "Nämeden kösenýäñ?" diýdi. Myrat bolýan ýagdaýlary jikme-jik düshündirdi.
Ýashuly: "men seniñ iññirdiýän we betnyshan aýalyñy peri ýaly edip bilerin."
Myrat: "Sen kim ýashuly?"
Ýashuly: "Men ýagshyzada, men saña kömek edip bilerin.
Myrat: "Meniñ aýalymy owadan, akylly, maña düshünýän edip bilersiñmi?"
Ýashuly: "Elebtde ederin, ýöne ol ýuwash-ýuwashdan bolar. Aýalyñ shu gün peri bolmaz. Ýöne az salymdan peri bolar"

Myrat bu sözleri eshidip, ynanmazlyk bilen öýüne ýöredi. Eline gazedi alyp, diwanada oturup telewizory açdy. Ne gazet okap bilýär, ne-de telewizor görýär. Kellesinde diñe ýashulynyñ aýdan sözleri aýlanýar. "Dogurdanam aýalym peri ýaly bolýamyka? Gowusy görüp geleýin" diýip ashhana ýöredi. Aýaly günortandan galan gap-gaçlary ýuwýar. Aýaly Myradyñ seredip duranyny duýup, arkasyna bakdy. Myrat bolsa aýalyny ünslije synlaýar. Aýaly "Näme seretýäñ?" diýip ýylgyrdy. Myrat aljyrap, näme diýjeginide bilmän " Saña gap-gaçlary ýuwmana kömek edeýinmi?". Aýaly tozup ýatan saçlaryny timarlap, öñündäki öñlügini aýyrdyda " Men eýýäm ýuwup bolduma" diýip mylaýymja ýylgyrdy. Myrat bu ýylgyrshy ilkinji gezek görýär. "Hakykatdanam peri bolup barýar".

Ertiri gün Myrat ishden ir gaýtdy. Ol öýüne howlukýar, sebäbi aýaly perizada öwrülip barýar. "Gel periñ ýanyna bosh barmaýyn diýip, owadanja ter bägül güllerini alýar". Öýüne gelse, aýaly owadan köýnekde eken. Saçyndaky matajyk ýüzüne hasam owadanlyk goshup durdy. Myrat gözellege haýran galdy. Elindäki güli aýalyna uzatdy. Aýaly diýseñ begendi. Gözleri söýgüden doldy.
Myrat içinden pikir edip bashlady " Ba, ol ýashuly hakykatdanam aýalymy perizada öwürüp bashlapdyr". Aýaly Myradyñ pikire batanyny görüp, "Myrat, telewizor göresiñ gelýän bolsa göräý" diýdi. Myrat ýene içinden "Ýok, men perimi ýeke goýmaýyn". Aýalyna seredip "gel ikimiz teatyra gideli, ýöne gitmänkäk saña teatyra geýer ýaly owadan köýnek alaly". Aýaly bu sözleri eshidip hasam ýüzi nurlandy. Ol ýylgyryshlar. Gözlerde söýgi ody ýanýar. Myrat aýalyny beýle owadan halda görmändi.

Görogly Agaýunus periden çaga görüp bilmedi. Myrat periden çaga isläp ugrady. Aýalyna bolan söýgi hasam güýjedi. Ol dyzyna çöküp, "Ezizim, men senden çaga isleýän" diýdi. Aýaly elini Myradyñ çep kiptine goýdy. Aglady, gözden akýan ýashlar bagt ýashydy. Ol begenjine aglaýardy diýip Myrat uklap galan agtygynyñ üstüni ýapdy.