Azapdan halas edip Jennede eltýän süre…
Pygamberimiz (s.a.w.) käbir süreleriň üstünde köp durupdyr. Esasanam fazylatlaryndan, peýdalaryndan söz edipdir, ynsany sünýä we ahyrýet gaýgy-gamlaryndan gutarjagyny habar beripdir.
Bu süreleriň biri-de Kuran’yň 67-nji süresi bolan Mülk Süresidir.
Pygamberimiz (s.a.w.) bu süräni her gije hökman okardy. Hz. Jabir’yň aýdyşyna görä, “Resulullah (a.s.m.), Elif, Lam Tenzilü (Sejde Süresi) we Tebarakellezi bi-ýedihi’l-mülk (Mülk) Sürelerini okaman uklamazdy.”
Mülk Süresiniň iň uly aýratynlygyny Pygamberimiz (s.a.w.) şeýle habar berýär:
“Mülk Süresi gabyr azabyna böwet bolan we gabyr muşakgatyndan halas eden süredir.”
Süräniň bu tarapyny Ibni Abbas Pygamberimiz döwründe bolup geçen bir waka bilen şeýle gürrüň berýär:
Resulullahyň (s.a.w.) sahabalarynyň käbiri, şol ýeriniň mazarlykdygyny bilmän, bir mazaryň üstüne çadyr gurdylar. Emma ol ýeri bir mazarlyk eken. Mazardaky adam Tebarake Süresini soňuna çenli okady.
Has soňra Resulullah (s.a.w.) gelende soradylar:
“Ýa Resulullah, çadyrymy bir mazaryň üstüne gurdym, emma men ol ýeriniň mazarlykdygyny bilmeýärdim. Görüp otursam, ol ýeri bir mazarlyk eken, içindäki adam Mülk Süresini soňuna çenli okady.”
Mundan soňra Resulullah (s.a.w.) şeýle buýurdy:
“Ol süre azapdan uzaklaşdyryjydyr, azapdan goraýjydyr. Ol gorkyny giderijidir, ol süre okany gabyr azabyndan emin eder.”
Arşivin durumu
● Tam metin
● 22/22 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 11 Mayıs 2012 · Orijinal sayfayı gör ↗
Yorumlar 22
Uly sahabalardan Abdullah bin Mes’ud bolsa Mülk Süresiniň gabyrda ynsana uly bir kömek edip biljegi hakynda şu hadysy aýdýar:
“Kişi mazaryna getirilende, ilki aýagy getiriler. Aýaklary diýer: ‘Meniň tarapymdan siziň üçin bir ýol ýokdur. Çünki bu ynsan Mülk Süresini okaýardy.’
Soňra gögsi ýa-da garny tarapyndan geliner. Olaram edil şeýle görnüşde diýer: ‘Meniň tarapymdan siziň üçin bir ýol ýokdur. Çünki bu ynsan Mülk Süresini okaýardy.’
Soňra başy tarapyndan geliner. Olam edil şeýle ‘Meniň tarapymdan siziň üçin bir ýol ýokdur. Çünki bu ynsan Mülk Süresini okaýardy.’ diýer. Ol böwet bolujydyr. Ynsany gabyr azabyndan gorar. Bu sure Töwrat’da-da Mülk Süresidir. Kim ony gije okasa sogaby has köp bolar we gözelleşer.
Kim her gije Mülk Süresi'ni okasa Allah ondan gabyr azabyny böwetlär hadysyny rowaýat eden bir başga sahabi-de Resulullah'yň döwründe biz bu sürä ‘böwet bolujy’ adyny beripdik diýýär.
Mülk Süresi, okan kişini beýleki menzillerinde-de yalňyz goýmaz. Mahşaryň aýylganç döwründe şepagat edýär. Pygamberimiz (a.s.m.) bu buşlugy şeýle berýär:
Kur'an'da otuz aýatlyk bir süre bardyr. Okan kişä bagyşlanýança şepagat eder. O-da Mülk Süresi'dir.
Süre munuň bilenem galmaýar, mü'mini jennede çenli alyp gidýär.
Hz. Enes'iň rowaýatyna görä Resulullah (a.s.m.) şeýle buýurýar: Kur'an'da bir süre bardyr, okan kişini jennede gönükdirmäge çalyşar.
Beýle fazylatly bir süräni okamak ýetmez, mümkin bolsa ýat tutmagam gerek. Muny Pygamberimiz (a.s.) höweslendirýär: Tebarekellezi bi-ýedihi'l-mülk'üň her mü'miniň kalbynda bolmagyny islärdim.
İbni Abbas bolsa bu paýlaşymy ösdürmegimizi isleýär we bir şahs bilen aralarynda şu gürrüň bolup geçýär:
Saňa kalbyňa arkaýynlaşma berip begendirjek bir hadysdan habar bereýinmi?
Adam, Hawa, buýuryň diýýär.
İbni Abbas şeýle diýýär: Tebarakellezi bi-ýedihi'l-mülk'i oka, onu aýalyňa, bütin çagalaryňa, öýüňdäki kiçilere we goňşularyňa öwret. Ol süre kyýamat gününde okan kişi hakynda Rabbine ýalbarar-ýakarar, onuň jehennem (dowzah) azabyndan goranmagyny islär.
salam Akmyrat,,men hem namaz okayan yone bir wagtkysyny yagny sabah namazyny! dogryy aytsam men yaynda okap basladym,son mumkin bolsa size srag bersem!? meselem okayan fatiha suresinde son haysam bolsa gurhany kerimden bir sany sure okalya,,sonda gunde okanynda dine hemse okayanyny aytmalymy ya-da her gun basga aydylsa hem bolyamy?? nadeyus dusunensiniz?!!! hayys jogap yazaysanyz!!!
Waleykim salam Solnyshka dogan. Namazda okalyan Fatiha Sure'sinden sonra uytgeshik-uytgeshik sureler okalyp bilner. Her Fatiha'dan sonra shol bir surani okamaly diylen bir duzgun yokdur. Gayta, her namazda Fatiha'dan sonra shol bir surani gaytalamaklyk, beyleki sureleri yat tutmaklyga yaltalyk etmek hasap edilyar.
Bas akmyrat dost
kp sag bolun jogabynyz ucin! howa men okamaly diylen yerinde hic hacan gacamok,,bos wagtlarym okayan yone dorymy aytsam yatdan bilemok,yone manysyny bilyan,,,sagja bolung! :-))
Agam shu zyna hakdada 1 mowzuk achsanyz,yashlara peydaly bolar belkem
Gozleri achyang sag bol. Shol kitaplary turkmenche okara yerler barmy? Biz tekst bolsa skachat edip almana. Minnetdar kesbingden kemal tap. Sozum dinglan yok diyip umsum oturma. Sag bol +
Salam Akmyrat dogan!
ßu edyan hyzmatlaryñ ucin, Allatagala senden razy bolsun!
ßeydip dowam edip dur.
Bah,ßondandyr biz turkmenlerde 'tebaregi' bilmek Kurany yatdan bilene barabar gorulyani🙂
Dayaga, 'zyna' ya 'zyna etmek' diyip internetden gozledip gor, belkem cykar. Akmyrady helak edip yorme bar bolsa🙂
Millet, telefondan nadip '+' goyup bolyar-a? Ya bolanokmy?
gulagyndan cekmeli bolupdyr senin...
kawagt pikir edyan calaja bir zat ucun yalkanyp Jennede dushayjek yaly, a kawagt bolsa
bir adimin ucun guna gazanan yaly bolyan
Sag bol Akmyrat
wiiii yogsada ol gun Akmyradam saytdan gitdi diydiler gidenok ekena,
yone adamlary gynandyrjak bolup dursynyz
Akym, ellerine saglyk dost!!👍
Mowzuk barada: Pygamberimiz (s.a.w.) käbir süreleriň üstünde köp durupdyr. Esasanam fazylatlaryndan, peýdalaryndan söz edipdir, ynsany sünýä we ahyrýet gaýgy-gamlaryndan gutarjagyny habar beripdir.
Bu süreleriň biri-de Kuran’yň 67-nji süresi bolan Mülk Süresidir.
goşmaça maglumat: Tebärek/Mülk süresi 29-njy jüziň ilkinji süresi. Kuranyň 561-nji sahypasy. 2.5 sahypadan ybarat we türkmenleriň ýörgünli/meşhur süresi.
Bagyşlaň, mowzukdan daşary ýazjak. Özüm täze agza bolamsoň öwrenýän kä zatlary.
men ýokarda: ...Millet, telefondan nadip '+' goyup bolyar-a? Ya bolanokmy? ... diýipdim. Jogabyny hem tapdym:
administratordan: ...Ýokarda aýtmak ýatdan çykypdyr. Agzalyk derejesi Özümiziňki we ondan ýokary bolanlar ses berip bilýärler...
şeýle bolsa men entäk 7 tamdyr çörek iýmesem bolanok ekeni :(
Hmm, Magtymguly Pyragy diýýär-ä:
Bäş ýylda bir kitap eden işimiz,
Gyzylbaşlar gelip, weýran eýledi.
mende beýle-hä bolmady welin, ýene-de azyrak balym bardy welin, ýom-ýok bold-a 1 sekundyň içinde bary 🙂
Akmyrat dost,
Gaty gowy zatlar, mashallah. Allah razy bolsun.
Turkmenler Tebarek (Mulk suresi) chykyarlar yone manysynam aytsalar has gowy boljak we sogaply. Allah hemme zada guyji yetyar, adam yhlas bilen Kurany yat tutayyn diyip hereket etse, Allah ol adama Kurany yatdan biler yaly edyar.
[quote=turkmentalyp]...Turkmenler Tebarek (Mulk suresi) chykyarlar yone manysynam aytsalar has gowy boljak we sogaply. Allah hemme zada guyji yetyar, adam yhlas bilen Kurany yat tutayyn diyip hereket etse, Allah ol adama Kurany yatdan biler yaly edyar. [/quote]
67. M Ü L KS Ü R E S I
Mekkede inderilendir, 30 aýat. Adyny birinji aýatda geçýän Allahyň bütin barlyklary ýaradyp, ony edara edýän mülk eýesidigini, hökümdardygyny aňladýan “el-Mülk” sözünden alýar. Şeýle hem Tebareke, Münjiýe, Müjadele, Mani
a, <SPAN style=mso-spacerun: yes> </SPAN>Wakiýe adlary-da bardyr. Sürede Allahyň dünýäni ähli mümkinçilikleri bilen ynsanlara bagş edendigini, ynsanlara göz, gulak, kalp berendigini, başga-da hikmet bilen ýaradanlarynyň Onuň täk ýaradyjy, täk Allahdygyny bildirip, ahyretde Oňa hasap berjegine ynanmaýanlaryň özlerini nähili agyr kynçylyklar içerisine sokýandyklary görkezilýär. Allaha we buýruklaryna uýanlaryň nähili bagtyýar boljakdyklary bildirilenden soň, ikinji bölümde käfirleriň we gadyr bilmezleriň soňunyň erbetligi düşündirilýär.</I></SPAN><br /> <I style=mso-bidi-font-style: normal><SPAN style=mso-ansi-language: CS lang=CS><SPAN style=mso-tab-count: 1> </SPAN>Bu süräniň gudraty barada Hezreti Pygamberimiz (a.s.m) şeýle diýýär: “Kurandan 30 aýatly, bir süre bir adama şepagat etdi we onuň günäsi bütinleý geçildi. Bu süre, Tebärek süresidir” (Tirmizi).Tefsir alymy Alusy şeýle diýýär: “Bu süräniň fazylaty, gudraty barada ençeme delilleriň barlygy üçin, bu süräniň her gije okalmasynyň mendupdygy, edep-adatdygy aýdylandyr”.
Bismillähirrahmanirrahim.
1. Häkimiýet elinde bolan Allah eýik mukaddesdir, haýry we berekedi tükenmezdir, Ol ähli zada güýji ýetýän Kadyrdyr.
2. Kimiň has ýagşy işi edip biljekdigini synag üçin, ölümi we ýaşaýyşy (haýaty) ýaradan Oldur. Ol güýç-gudrat sahyby Azizdir we örän bagyşlaýjy Gafurdyr.
Haýat, manysyz bir ýaşaýyş bolmaýşy ýaly, ölüm hem netijesi hiç bolan bir ýoklygy aňlatmaz. Haýat, haýyrly işlerin amal edilýän meýdany, ölüm bolsa edilen haýyrly işleriň gaýtargysynyn alynjak baky ýaşaýşyň ilkinji menzilidir.
3-4. Ýedi gat asmany bir-birine örän sazlaşykly ýaradan-da Odur. Rahmanyň ýaradanlarynda hiç bir näsazlyk, kemçilik görmersiň. Gözüňi aýla-da seret, heý bir kemçilik görüp bilýärmisiň? Näçe gezek gaýtalap-gaýtalap baksaň-da gözüň ejizläp, ýadaw halda yzyna döner.
5. Biz ýere iň ýakyn gökýüzüni ýyldyzlar bilen dolduryp bezedik. Bular şeytanlara atylan daşlardyr (güllelerdir). Şeýlelikde olara alowlaýan ataş azabyny häzirledik.
Iň ýakyn asman - ýyldyzlary we hemralary gözümiz bilen görüp bolýan gökýüzüdir. Ondan aňyrdakylary emeli hemralaryň we gurallaryň kömegi bilen görüp bilýäris.
Jyn şeýtanlary beýik gaýyp älemini diňläp, o taýdan eşiden habarlaryny dünýädäki ýaranlary - aldawçylara we palçylara bermek islänlerinde, olar oduň ýalny bilen kowalanarlar (37,8-10). Gaýyp älemde bolan hadysalary görünen älemde alamatlandyrmak Jenaby Allahyň ygtyýarynda bolan zatdyr.
6. Rabbini inkär edenlere jähennem azaby bar. Gidiljek o ýer niçiksi elhenç!
7. Olar o ýere atylansoň, jähennemiň eýmenç arryldysyny, lasyrdap gaýnaýan oduň uwwuldysyny eşiderler.
8. Jähennem gaýzyndan (gaharyndan) ýaňa ýaryljak ýagdaýdadyr. Her gezek o ýere täze topar atylanda, o taýynyň sakçylary: “Sizi bu azapdan ägälendiriji (nezir) bir habar gelmedimi” – diýip, sorarlar.
9. Olar şeýle jogap bererler: “Elbetde, bize ägälendiriji (nezir) geldi, ýöne biz olary ýalançy saýdyk we Rahman hiç bir wahý (habar) indermedi, gaýta siz bütinleý ýoldan azaşanlarsyňyz” – diýdik.
10. Hem-de üstüni ýetirerler: “Eger-de biz hakykaty eşiden we aklyny işledenlerden bolsadyk, elbetde, biz ataş alawyna girenlerden bolmazdyk”.
11. Şeýlelikde günälerini ykrar ederler. Rahmetden uzak bolsun, jähennemlik bolanlar.
12. Emma Rabbini görmeseler-de, Ondan (azabyndan) gorkýanlara ýalkanyş we beýik serpaý nesip eder.
13. Sözüňizi isleseňiz ýaşyryn saklaň, isleseňiz aýan ediň, parh etmez. Sebäbi Allaha kalbyňyzyň her bir urgusy-da aýandyr.
14. Heý-de Ol öz ýaradanynyň halyny bilmezmi? Sebäbi iň gizlin zatlar aýan bolan Latyf we ähli zatdan habardar bolan Habyr Odur.
15. Ýerýüzüni size hyzmata häzir, häsiýetli, boýun egiji ulag ýaly kylan-da Odur. Eger şeýle bolsa, sizem ýeriň omuzlarynyň üstünde rahat aýlanyň. Onuň eçilen ryskyndan iýiň, peýdalanyň. Emma öleniňizden soň dirilip, Onuň huzuryna barjaklygyňyzy-da unutmaň!
Ýer ynsanlara häsiýetli bir ulag ýaly hyzmat edýär. Atyň sagrysy onuň iň duýgur ýeridir. Münýäniň omzuna atlanmasyna aňsat razy bolmaz. Eger omuzlaryň üstünde ýörelýän bolsa, munuň özi bütinleý boýun bolmany aňladar.
Jenaby Allah ýaşadýan million dürli mahluklaryna görä kiçijik bolan bu dünýäni, sanamak mümkin bolmadyk aýry-aýry görnüşleri üçin ýüzmüňlerçe dürli azyk we zerur zatlar bilen doldurýar. Bu ýerýüzüni gämi ýaly älem ummanynda çalt hereket etdirip, möwsümlere ýollamak bilen, bahary we tomusy sansyz iýmitden dolduryp, her gyş azygy tükenen jandarlaryň dadyna azyk gämisi hökmünde gönderýar.
16. Beýikleriň beýigi bolan Allahyň sizi ýeriň teýine sokmajagyndan, ýer çaýkanyp sizi basyp galmajagyndan amanmysyňyz?
Bu aýdylanlar Allahyň ýokarda, beýiklikdedigi manysyny berýär. Doga-dileg edilende eller ýokary göterilýär. Wahýlar, kitaplar, perişdeler, buýruklar ýokardan gönderilýär. Bu müteşabih (meňzetmeler) arkaly deňeşdirilen aýatlar ynsana hyýalynda janlandyrmasy üçin itergi berýändir. Olar hakykatdanam Allahyň beýikligini mälim ederler. Şeýlelikde: “Onuň hiç meňzeşi ýokdur” (42,11), “Ýüzüňizi nirä öwürseňiz, Allah şol tarapdadyr” (2,115) ýaly muhkem (anyk) aýatlaryň yşygynda hakykat mälim bolýar.
17. Ýa-da Onuň üstüňize daş ýagdyrjak apy-tupan göndermejeginden arkaýynmysyňyz! Bu duýduryşymyň nämedigini ýakyn wagtlarda bilersiňiz!
18. Olardan öňkülerem (dini, pygamberleri) ýalan hasapladylar. Emma meniň red we inkär etmäm, ar alyşym nähili boldy, bilendirler!
19.Üstlerinde ganat ýaýyp-ýygnap uçan guşlary hiç görmeýärlermi? Olary Rahmandan başga howada tutan ýokdur. Elbetde, Ol ähli zady görýän Basyrdyr.
20. Eýsem, Rahmandan başga size kömek edip biljek kim bar? Dogrusy, käfirler örän uly ýalňyşlygyň içindedirler.
21. Eger Allah size beren ryskyny kesäýse, size rysk berjek başga kim bar? Ýok, olar azgynlyk we ýigrenç içersinde aýak diräp durandyrlar.
22. (Bir zada düşüniň!) Ýüzüni ýere salyp, başyny egip ýöreýänmi ýa-da tekiz, dogry ýolda dim-dik ýöreýänmi, bularyň haýsysy hak ýoly tapar?
Bu taýda ahyreti inkär edenler ruhy bir delil bilen ynandyrylar: Ynsan ýaradylyş aýratynlygyna görä howupdan uzak durmaga çalyşar. Hat-da onda bir, ýigrimide bir ähtimaly bolan hatarly ýoldan gitmek islemez. Bähbidini, peýdasyny kepillemek islär. Jenaby Allah oňa şuny ýatladýar: Ahyrete ynansaň, tekiz ýolda ynamly, arkaýyn, şähdiaçyk menzil alarsyň. Emma ahyreti inkär edeniň işi örän kyndyr, edil emedekläp ýol geçjek bolýanyňky ýalydyr. Heý-de ynsan şeýle bolmak islärmi? Her demde ýakasyndan tutuljak gaçgagyň gününe düşmek islärmi?
23. Diý: Sizi ýaradan we size gulakdyr göz, köňül beren Odur. Şeýle bolsa-da siziň şükrüňiz juda az!
24. Sizi ýaradyp, nesiller halynda ýerýüzüne ýaýan Odur. Ölümden soňra dirilip, ýene Onuň huzurynda toplanarsyňyz.
25. Emma olar diňe şuny sorarlar: Eger aýdýanyňyz çyn bolsa, ynanmadyk ýagdaýymyzda wada edýän jezaňyz haçan geler?
26. Diý: “Muny diňe Allah biler. Men bu ýagdaýy açyk we kesgitli mälim eden nezirdirin (ägälendiriji, duýduryjy, oýaryjy)”.
27. Haçan-da azaby garşylarynda ýakyndan gören wagtlary olaryň ýüzleri gap-gara bolar we özlerine: “Ine, siziň garaşyp duran jezaňyz” – diýiler.
28. Diý: “Maňa aýdarmysyňyz: Allah meni we meniň ýanymdaky mü`minleri islese heläk eder, islese-de merhemet. Ol islänini eder. Ýöne käfirleri bu elhenç azapdan kim halas eder?”.
29. Diý: “Sizi imana çagyran ilahymyz Rahmandyr. Biz Oňa iman etdik. Oňa daýandyk. Kimiň bütinleý azaşandygyny ýakyn wagtda bilersiňiz”.
Bu aýat Allahyň barlygyny tassyk edýän jedelsiz bir delili orta goýar. Bu şeýle güýçli delil bolansoň, inkärçini sem eder, oňa aýdara zat goýmaz. “Biz Oňa ynandyk. Biziň hiç bir ýitirýän zadymyz bolmaz. Emma siz, bar bolan bir hakykaty inkär edeniňiz üçin, ebedi jeza çekersiňiz”.
30.Diý: “Maňa aýdyň, eger suwuňyz çekilip, ýeriň düýbüne gidäýse, size ol akar agyzsuwuny kim getirip biler?”.
sitata almagy owretjek yokmay aranyzda?!
synag-1 :
, <blogquote> salam </blogquote>
bärde ýazanlaryňa seredibem bolanok eken-ä .
öňem goňşusyndan palta sorap, ýok! jogabyny alan biriniň:Bermeseň bermän geç, özümiňkini ulanaýaryn! diýenine döndi. Öwretmeseňiz özüm öwrenäýerin 🙂
Akmyrat, seň mübärek mowzugyňda bu fludlary etmeli-hä däldim welin, täzeräk diýip geçirimlilik edäýmeseňiz, men-ä çyzykdan çykdym öýdýän. Bagyşlaň!
Mülk süresini ýat tutjak bolýanyňyz barmy? Men hem synanyşsam nähili bolarka?!
Maslahat berýäňizmi?
Tazerak dost,
Berekellah gaty gowy edipsin. Indi okalyan Tebaregin manysynam okap owrenibermeli. Allah razy bolsun.
Agzalar! Allah hemmäňizden razy bolsun! Iki dünýäňiz abat bolsun! Tebäregi bilmeýänime ökünýän. Ýöne entek giç däl. Nesip bolsa, derrew öwrenerin. Sag boluň, Taňyrýalkasyn!
Agzalar! Allah hemmäňizden razy bolsun!