1-nji kitap: 8-nji bap: Gala gatlagynda bir hadysa. Ata Gowşudowyň 'Perman' romany
Sekizinji bap: GALA GATLAGYNDA BIR HADYSA
Edil Öwezmyrat batyryň iki sany şübheli atly gören günüdi. Gökdepe galasy hemişeki bolşy ýaly, adamlaryň sesinden, çagalaryň gykylygyndan, kömrüni tapsa, demrini tapman, demrini tapsa, kömrüni tapman ýören ussalaryň çekiçleriniň hem ýekedabanlarynyň, mal-garalaryň seslerinden ýaňa uly güwwüldi bolup durdy. Işsiz adamlar gala gatlaklaryna, janpenalaryna, derwezeleriň agyzlaryna üýşüp, gyzykly gürrüňler etmegi, küşt, düzzim oýnamagy özlerine adat edinipdiler. Şeýle gürrüňçiliklere barman, daş-iç çykman, diňe öýde aýal, oglan-uşaklaryň arasynda oturýan adamlar kemally adamlar hatarynda-da hasaplanmaýardy, ýigrenji görülýärdi, hiç ýerde-de ol adamlara san-sala salynmaýardy. Asylkysyny aýdanda, eger seniň duluňda hemme esbaplary bilen üpjün ala tow hyrlyň asylgy duran bolmasa ýa-da duluňda päkize jöwher gylyjyň tärimiň başyndan asylgy bolup, işigiňde-de kişňäp duran atyň bolmasa, seniň gapyňda daýhançylyk esbabynyň müňüsi üýşsün, harwar-harwar jöwen, bugdaý, arpa hasyl al, tapawudy ýok, bir gürrüňçilikde birden sen gatyrak güläýseň, ilki bilen öz kowumyňdan biri: «Sen näme gürleýäň, bar çaýryňy çap» diýer. Töwerekdäki oturanlar bolsa, «şol hakykat, ýerlikli aýdylan gürrüň» diýip düşünerler. Hatda şol gyjalatly sözi eşiden adamyň özi-de muny şeýle kabul eder. Sebäbi şol adat Ahalda resmi edilipdi, däp bolupdy.
Şonuň üçinem Ahalyň dag-çeşmeleri diňe ýazda, tomusda az-owlajyk ýeri suwarýan bolaýmasa, köplenç öz ugruna ram eder akar ýatardy. Gyş, güýz pasyllarynda bolsa olar bütinleý başyna kowlup, gumlara siňip gidýärdi. Adamlar bolsa galanyň güneýinde ýa-da guzaýynda üýşüşip gürrüňe meşguldylar. Gökdepe galasynda häzirem şol resim, şol adat dowam edýärdi. Işsiz adamlar ýygnanyşyp, öz gürrüňleri bilen gümrady.
Galada nähili hadysanyň bolup geçendigi sizi gyzyklandyrýarmy?
Hawa, gyzyklandyrýar. Men tutuş romany gyzyklanyp okaýaryn ahyry. Dowamynam ýetirip dursana, dost!!!(71%, 5 adam)
Ýok, gyzyklandyranogam, bildirenogam. Meni Barca bilen Real-yň oýunlary gyzyklandyrýar. Edebiýatdan peýda ýok, şepe!!(28%, 2 adam)
Arşivin durumu
● Tam metin
● 53/53 yorum korunmuş
Yayımlandığı site: ertir.com · Kaynak: Web Archive kopyası — ertir.com, 29 Mayıs 2012 · Orijinal sayfayı gör ↗
Yorumlar 53
Ol baryp duldaky sozany aldy. Sozanyň çakmagyna saran esgisini aýyrdy. Agzyna dykan esgisini hem aýyrdy. Onuň hereketini synlap oturan Täzegül:
— Sen indi nirä şaýyňy tutuberdiň? — diýip sorady.
— Men Öwezmyrat batyryň ýanyna barmasam boljak däl. Şu gün men ony tapyp, hökman ýanyna barmaly — diýip, Gutlymyrat pugtalap aýtdy. Onuň şu sözünden soň hökman gitjekdigine göz ýetiren Täzegül torba çörek salmak bilen boldy.
Gutlymyrat çörek torbasyny boýnundan asdy. Okly hataryny biline guşandy. Oraçadan çykmazdan öňürti Täzegül bilen hoşlaşdy:
— Hoş, sag bol, Täzegül. Kim meni sorasa, mergenler bilen gitdi diýip aýt. Haçan geljekdigini bilmedim diýip aýt. Düşdüňmi?
Täzegül onuň yzy bilen gapa çykdy:
— Bar, sag bol.
Gutlymyrat öýlänler şäheriň ilerki derwezesinden çykyp gitdi.
Zehinli ýazyjy Ata Gowşudowyň 'Perman' romanynyň 'Gala gatlagynda bir hadysa' atly 1-nji kitabynyň 8-nji babynyň soňy.
Bu eser ýa bu bap baradaky pikirleriňizdir ýa-da romanyň dowamyny ýazmak baradaky teklipleriňizi şu aşakda ýazyp bilersiňiz.
P.S. Romany elektron görnüşe geçirýärkäm, bilmezlikden goýberen säwliklerim ýa-da harp ýalňyşlary bar bolsa we eger ol harplar siziň romany okamagyňyza päsgelçilik döredýän bolsa, kyn görmän aýtmagyňyzy isleýärin. Men indikile ol ýalňyşlary düzetmekçidirin.
Sawýer dost umuman, soraglar köp ýüze çykyp biler. Aýdaly 1 nji gezek okaýanlar üçin: Gutlymyrat Öwezmyrat batyryñ ýanynda nähili gar$ylanar?(çaklamalar elbetde). We iñ esasam agzalaryñ gahrymanlara, we bolýan wakalara bolan $ahsy garaý$y meni gyzyklandyrýar(agzalar garaýy$larny ýazsalar. Soraglaram ýüzede çykar. Jogabynam tapar
Sawyer sag bol ýetireniñe, dowamyna'da gara$ýas.
$u perraç diýmek nöker diýmekmikä?
Sagbol Sawyer dost azabyn uchin.
Sag bol, Gülçemen, halanyň üçin. Nesip bolsa, dowamynam ýazaryn.
Hawa, 'perraç' diýmek, 'nöker' diýmek bolýar.
Şunça okalan, bary-ýogy 7 adam halapdyr-aý. Bäh!!.. Şeýle erbetmikä??..
Merikk dost, senem sag bol. Henizem sen biläýýäň çekilen azaby. Minnetdar!!
sawyer sag bol omrun uzak bolsun !👍
Aý, agam, bu ýerde bu meseleler bilen diňe siz gyzyklanýan bolaýmasaňyz... Başgalar (beýleki agzalar) üçin Gutlymyrat kim, Öwezmyrat kim, Seýitmyrat kim, bildirenok. Bular üçin bolar-bolgusyz, hiç kime gerekmejek futbol toparlary we olaryň geçiren gollary üçin birek-birek bilen gyrlyşmak, gülkünç däl, köplenç hem '+18' anekdotlar, ýürege düşgünç söýgi ýaňramalary we ş.m.-ler has gyzyklydyr. Şonuň üçinem bu ýerde meniň edibiljek zadym ýok. Goý agzalar özleriniň bu roman baradaky garaýyşlaryny ýazsynlar, menem olaryň soraglaryna jogap bereýin.
Onsoňam, Merdan dost, iliň garaýşyna garaşyp durman, biz öz garaýyşlarymyzy ýazaýaly-la. Ýazyň siz öz pikirleriňizdir garaýyşlaryňyzy, menem siziň soraglaryňyza jogap bereýin. Ylalaşdykmy?
Aýdanyň gelsin, Nusay dost! Senem köp sag bol!