EJEM OGLY

Juma namazyndadyk. Sag tarapymda bir garry adam, onuň sagynda bolsa bir adamlyk boş ýer bardy. Garry adam namazyň parzyna turanynda yzyna seretdi we boş ýeriň aňrysynda duran 14-15 ýaşlaryndaky ýaş oglana:
– Boş ýeri doldur, ogul. Gel ýanyma.- diýdi.
Çaga gynançly bir şekilde:
– Mümkin bolsa bu ýerde okamak isleýärin. Ol ýere başga biri geçip biler.- diýip sakawlady.
Garry adam çaganyň aşagyndaky ýaşyl ýüň halyny görkezip:
– Näme, indi ol ýer ýumşagrak diýip gelmejek bolýarsyňmy?- diýdi we gaharjaňlyk bilen dowam etdi:
– Haý, ejem ogly diýsänim...
Namaz tamamlananyndan soňra garry adama; “Namazyňy Alla kabul etsin! diýdim. Yzdaky ýaş oglan hem gelip onuň elini öpdi. Ol adam aýdanlaryna puşman bolupdy. Ýigidiň nurly ýaňaklaryny sypalap:
– Saňa “ejem ogly” diýendigim üçin gaty görme, oglum. Birden agzymdan sypaýdy.- diýdi.
Çaganyň gözleri ýaşdan doludy. Başyny ýere egip:
- Bu aýdýanlaryňyz dogrudyr. Üstünde namaz okamagy halaýan halym ejem bu dünýä bilen hoşlaşanynda tabydyna ýapylypdy. Onuň üstünde sejdä baranymda ejem meni gujaklan ýaly bolaýýa...