Alma däl, EÝESİNE bil bagla...

Günlerden bir gün, Oraz aga agtygy Osmanjygy ýanyna çagyryp oňa bir alma berýär. Osmanjyk şeýle bir begenýär. Onun begenjini gören Oraz aga ýene bir alma berýär. Osmanjygyň begenji hasam artýar. Ýene birini bereninde çagajyk begenjinden däliräýjek bolýar. Dördünji almany bereninde bolsa, almalar eline sygman ýere gaçýar. Bu gezek Osmanjyk aglamana başlaýar...

Durmuş gaty täsin.. Hiç hili ýoklukdan ýaradyldyk soň bolsa elimize käbir nygmatlar berildi. Emma biz ol nygmatlaryň gözbaşyna hiç seretmedik. Berilene kaýyl bolmadyk onuň şükrüni ýetirmedik, elimizden gideninde bolsa aglap şikaýat etdik. Emma bu nygmatlaryň hemmesi hem amanatdy ahyry, bellidi bir gün elimizden alynjagy ýada elimizden gaçyryp gözýaş dökjegimiz. Belki göz ýaşy hem dökmeýärdik. Olar ýaly köp dünýe malyny höwes etmedik bolsak...

Aslynda heniz hem giç däl. Geliň elimizde bar bolanjalar üçin sagbolsun aýdaly bu barlygy, bu nygmaty bize eçilene...