E N E M E
Sen meni ýaman gözlerden gorap saklajak bolduň,
Sen meni süýt-gaýmak bilen ekläp-saklajak bolduň.
Juda ýagşy suwlar bilen teşneligmi gandyryp,
Ýolumdaky ýaman sözleň baryn çöplejek bolduň.
Güldür atyr sepmekçidiň ýollaryma, yzlaryma,
Goraň muny diýmekçidiň meniň söýjek gyzlaryma.
Ýetmezimi ýuwmakçydyň, ýagşyň ýeri ýuwşy ýaly,
Öz mähriňi bermekçidiň gury çykan sözlerime.
Sen meni ýaman gözlerden gorap saklap bilmediň,
Sen meni süýt-gaýmak bilen ekläp-saklap bilmediň.
Iliň içýän suwy bilen teşneligmi gandyrdyň,
Ýolumdaky ýaman sözleň baryn çöpläp bilmediň.
Hemmelerden artyk borum islediň sen başky günüm,
Ine, görseň iliňkiden ne artyk, ne kemdir günüm.
Ýöne käte nämüçindir ýa şat bolsam, ýa-da girýan,
Örän, örän, örän tanyş sesiň bilen öýe girýäň.
Ine, durun seň öňüňde sakal-murty gelişiksiz,
Nämüçindir arzuwyň däl, nämüçindir tagaşyksyz.
Bu dünýäniň bir ajaýyp, bir gazaply kanuny bar.
Bolmaly, bolmasyz zatar enä hiç geňeş salmaýar.
Ine, durun seň öňüňde diňe ak süýdüňi emen,
Meni hiç bir zatdan gorap bilmedik ýalňyz enem.
Awtory Gurbannazar Ezizow.
Şular ýaly goşgular seňem agyňy tutdurýarmy?
Hawa(89%, 17 adam)
Ýok(10%, 2 adam)
Goşgy okamok(0%, 0 adam)
Arşivin durumu
● Tam metin
● 18/18 yorum korunmuş
Yayımlandığı site: ertir.com · Kaynak: Web Archive kopyası — ertir.com, 1 Mayıs 2012 · Orijinal sayfayı gör ↗
Yorumlar 18
Ezizowyň iň gowy goşgularynyň biri. Dünýäň ähli enelerine mahsus ahwalatyň beýany. Şu gussa dünýäň ähli adamsynda barmyka diýýän.
Ertir ejeme oakp beraysemikam tolgunar öza
sag bolun! shular yaly goshgulary okadygym sayy okasym gelyar!
sag bolun paylashanynyz uchin!
sho goshgyny okadygynca okasyn gelyar, sag bolun paylashanynyz un
sho goshgyny okadygynca okasyn gelyar, sag bolun paylashanynyz un
ejemi göresim gelip gitdi
oňat goşgy.
Ak kagyza nagyşlap ýazaýynda, ir bilen ejeme okadaýyn. Ýene bir bellemek isleýän zadym: <<gaýmak-süýt>> sözlerini okap mamam pahyr ýadyma düşüp gitdi. Ýaňyja ýalydy tomus dynç alyşynda mamamlarda geçirip, günde ir bilen mamamyň dograp beren çöregini ýyljajyk süýde ezip, üstüne şeker goşup iýýän günlerim. . .
gowja goshgy eken, sag bol Kab aga, duygulananymy ozum bilman galdym..
Goshgynyn adyny okap,ýene bir goşgyňyzmyka diýdim,okap başlanymdan bildim Gurbannazar aganyňkydygyny.
Näçe gezek okasam-da düşünmedim şu ýerine :
Meni hiç bir zatdan gorap bilmedik ýalňyz enem.
Sagbolun Kab aga
dida mena sho tayyna dushunmedim birem shu kupletina:
Sen meni ýaman gözlerden gorap saklap bilmediň,
Sen meni süýt-gaýmak bilen ekläp-saklap bilmediň.
Iliň içýän suwy bilen teşneligmi gandyrdyň,
Ýolumdaky ýaman sözleň baryn çöpläp bilmediň.
gurlejek yone damagym doldy, gurlap bilemok...
calm down. everything will be ok: ) we're with you and she too: )
...
Su gunler ejemjanyn saglygynyn ugry yok welin, bu gosguny okap bozuldym. Sagbolun
:( gozume yash aylanyp gitdi chyndanam