MÜBÄREK günler we gijeler (3)

MÖWLIT KANDILI (PYGAMBERIMIZIŇ DOGLAN GÜNI)

Adamzadyň halas bolmagy üçin iberilen soňky we iň uly pygamber, biziň pygamberimiz hezreti Muhammet (s.a.s.) 571-nji ýylda kameri aýlarynda Dört tirkeşigiň birinji aýynyň (Rabiül-ewwel) 12-nji gijesi doglupdyr. Bu mübärek gijä "Möwlit kandili" diýilýar.

Onuň doglan wagtynda dünýäniň her bir tarapynda jahyllyk (sowatsyzlyk), zulumdyr ahlaksyzlyk gaplap alypdyr. Alla ynanjy unudylypdyr, adamkärçilik elhenç we garaňkylyk donuna bürenip, dünýä ýaşalmajak ýagdaýa düşüpdir. 

Mähriban pygamberimiziň doglumagy bilen dünýä äýdyňlandy, ýeke-täk Alla, Biribara bolan ynanç bilen ýürekler nurlandy. Deňlik, adalatlylyk, doganlyk geldi. Oňa ynanan jemgyýetler hakyky eşrete gowuşdy. Oňun doglan gijesi adamzadyň halas bolmagy üçin haýyrly we mübärek bir başlangyçdyr.

Bu gije musulmanlaryň arasynda uzak asyrlardan bäri uly şatlyk bilen gutlanylyp gelinýär. Hormatly pygamberimiziň çuňňur bir hormat bilen ýatlanylýar. Beýik türk alymy Süleýman Çelebi tarapyndan ýazylan we hakyky ady "Wesiletün nejat" bolan möwlit kitaby onuň doglan gününi, başarnygydyr üstünligini hem-de täsinliklerini örän ajaýyp görnüşde beýan eden bir eserdir.

Pygamberimiziň doglan günlerinde okalan möwlitleri hormat bilen diňlemek, onuň mübarek ruhuna aýatdyr doga okamak uly milletimiziň mähriban pygamberimize bolan çuňňur minnetdarlygynyň bir beýanydygyna hiç hili sübhe ýokdur.

Şunuň bilen bir hatarda onuň ahlak we görüm-göreldeden doly durmuşyny öwrenmek we özümize nusga almak esasy wezipelerimiziň biridir. Hut şeýle edenimizde onuň söýgüsini we hoşallygyny gazanyp bileris.

GYSGAÇA DOGA
Ýöret bizi eý Allam,
Nury sönmez ýaluňdan...
Aýyrma hiç sen bizi,
Mähriban Resulyňdan...

Bileris seň keremiň,
Egsilmez hiç guluňdan...
Çäresiziň, ejiziň,
Tutup götar golundan...

Mahrum galmaz tobasy,
Tapar her kim pälinden...
Ýöret bizi eý Allam,
Resulyň päk ýolundan...

E.Aly Sipahi