"Hajygolak" sazynyñ döreýi$i.

Hywanyň hökümdary Allaguly han
köplenç öz Türkmenleriniň üstüne
çapawulçylyk edipdir.Bir
çapawulçylykda bolsa, onuň leşgeri
tutuş bir obany diýen ýaly sürüp
han-yň hüzürine eltýär.Han leşgeriň
tutuş bir obany sürüp getirmegi
aýratyn bir sebäbi bardy.Olar Hajy
sazandanyň obasynyň adamlarydy.
Allaguly han Hajy sazandany öňem üç
gezek köşgüne çagyryp, han
sazandasy bolmagyny towakga edip,
köp ýalbarypdy.Emma Hajy sazanda
boýun bolmady.
Ummasyz sowgat-serpaý
hüdürledi.Şonda-da Hajy köşk
sazandasy bolmakdan ýüz öwürdi.
Ynha, bu gezek bolsa Allaguly han “
Ederini bilendirin “ diýip, içini
gepletýärdi.Şonuň üçin arz soraýan
jaýyna Hajy sazandaň girenini
göreninden tagtda oturan ýerinden
arkan gaýyşyp, jakgyldap güldi.Onuň
gülküsi bütin köşgi ýaňlandyryp
gitdi.
-- Ỳeri, Hajy ýeser! Ỳagdaýlar niçek?
-- Erbet däl Han.
-- Ỳogsa-da, sen ol saraýdaky
ýesirleri gördüňmi?Olar seň
ildeşleriň-ä däldir-dä ?
-- Howa, Han, şolar-a meniň
ildeşlerim.
-- Bilýän bolsaň, Hajy ýeser, gel egri
oturup, dogry gepleşeli.Barybyr sen
näçe ýeser bolsaňam, şu gezeg-ä
utulan bolsaň gerek.Aýratyn seň
obaň ulydan-kiçä sürülmegi-
niň sebäbine gözüň ýetýär gerek.
-- Hawa, düşünýän han, bu
wagşylygy sen meni amana getirjek
bolup edensiň.
-- Ony bildiň, sazanda, hany indi
amana gelmänem bir gör, ildeşleň
baryny dara atyp taşlaýyn.
Hajy sazanda ýüzüni esli aşak salyp
durdy.Ahyry ulydan demini alyp
gürledi.
-- Bolýa, han, men seň köşgünde üç
ýyl sazanda bolup bereýin.
-- Baý-bow üç ýyldanam bir zat
bolarmy?!
-- Bar bäş ýyl bolsun han.
-- Ỳok, az bolýar, maňa hemişelik
gerek.
-- Gel, onda bir zat edeli, bendeleri
häziriň özünde boşat, onsoň men
saňa ýedi ýyl hyzmat edeýin.7 ýyla
çenlem bir sazanda şägirt ýetişdirip
bereýin.Ine, han, meň gutarnykly
jogabym.
Allaguly han esli salym duňuz diňini
salyp oturdy.Onsoň başyny
galdyrdy-da sypaýy gepledi :
-- Ynha, bu şertiň bilen ylalaşýan.7
ýyl köşkde sazanda bolsaň, şol
möhletiň içinde-de, bir şägirt
ýetişdirip berseň, maňa bolýar.Şertiň
kabul Hajy sazanda.
************************
Bir gün Allaguly han ir
ikindinler ,ýaňy garaňky gatlaşanda
ukudan oýandy.Bimahal ýatyp,
bimahal turany üçinmi, ýa-da
şeraby aşa köp içeni üçinmi, garaz
hanyň haly teňdi.Ỳüzünden gar
ýagýardy.Hanyň keýpine , onuň
daşyna hozanak bolýardylar.
Öňüne çaý getirildi.Han “ Ỳok ediň “
diýen manyda elini salgady.Gyzlar
öňünde oýnap başlady.Han birneme
imrinjek ýaly etdi-de, olara-da “ ýok
bolsun “ diýip, elini
salgady.Hyzmatkärler name
etjeklerini bilmän
elewreşdiler.Allaguly han, agzyny
ýokaryk tutup yzly-yzyna
pallady.Onsoň hyzmatkärlerine
gözüni agdaryp seretdide, elini
dutar kakýan ýaly hereketlendirdi.Şo
bada Hajy sazanda häzir
boldy.Sazanda dutaryny düzüp, çalyp
başlady.Kaşaň köşkde dutaryň sesi
has güýçli ýaňlanyp gümmürdedi.
Esli salym çalansoň han elini salgap
sazandany saklady :
-- Hany, sazanda, bu çalýan sazlaňy
men öňem ýüz gezek
eşitdim.Täzesini çal, täze
sini ! Heniz eşitmedik sazlamdan,
düşündiňmi ?
Sazanda dutaryň gulagyny towlap,
has belent heňlere tutdurdy.Han
ýene-de elini salgady.Dutaryň sesi
tapba ýatdy.
-- Hajy ýeser, sen ýesersireme-de
meň diýýän sazymy çal !
-- Siziň diýýäniňiz haýsy sazdyr
Hökümdar ?Adyny aýdyň ahyry.
--Ynha men ýaňy ýatyrkam
gulagyma bir owaz geldi.Ana, şol
owaz iňňän şirin owaz ekeni.Ana,
şony çalyp ber maňa, Hajy ýeser !
Düşündiňmi ? ….
-- O nä owazdyr hökümdarym ?
Han zöwwe ýerinden galyp
heňkirdi :
-- Şony bilmeseň, sendenem bir
sazanda bolarmy ?
Hanyň dikdüşdüligini edip, gazaba
münendigini gören sazanda
eşidilmedik owazlary gözläp, gör,
nirelere tutdyryp barýardy.Calyp
oturşyna hanyň ýüzüne-de göz
aýlaýardy.Hanyň ýüzi käte ýagtylajak ýaly
edýärdi-de, ýene-de öňkidenem
beter çytylýardy.
-- Bes et !!! .. Jellat !!!! ….
Eli aýpaltaly,ýüzi gara örtükli iki sany
mahluk gelip, hanyň öňünde tükge
ýatdy.
-- Hajy ýeseriň kellesini alyň !

dowamyny ýazaýynmy?

Howwa(80%, 4 adam)

Ýok gerek däl(20%, 1 adam)