Türkmenlerde çaga dakylýan atlar
Umuman türkmenlerde at gapyşan ýaly. Islendik okuw klasyny alsaň, şol bir 15 sany at bardyr. Şükür, goşa at dakmak azaldy, ýöne üýtgeşigräk at tapmaga synanyşýan adamlar meniň pikirimçe gaty az. Goşa adyň kynçylyklaryny daşary ýurda giden goşa atlylarymyz bilýändirler.
Köp medeniýetde ogul çaga islenilýär, sebäbi ogul çaga maşgalanyň adyny dowam etdirýär. Käbir ýurtlarda bu has hem kellä sygdyrmak kyn ýagdaýlara eltýär. Türkmenistanda bu isleg diňe gyzlara dakylýan atlara täsirini ýetirýär. Meselem, şu döwürde-de Ogulgerek, Ogulşirin, Ogulbagt, Ogultäç, Doýduk ýaly atly gyzlara duş gelmek bolýar. Geň ýeri, bu atlaryň käwagtlar birinji çaga hem dakylmasy. Belki bu yrym bilen baglydyr, emma neneňsi ogul isläniňde-de bu atlar gyzlara gelişýän atlar däl-ä. Ol gyzlardan daşary ýurtlarda atlarynyň manysyny sorasalar, şeýle jogaplar peýda bolýar: Need-son, Son-happiness, Son-crown, Had-enough.
Çagalaryňyza at dakanyňyzda derňew geçiriň, sebäbi gowy at saýlamak aňsat däl ýöne beren adyňyzy çagaňyz ömür boýy götermeli :-)
Arşivin durumu
● Tam metin
● 36/36 yorum korunmuş
Yayımlandığı site: ertir.com · Kaynak: Web Archive kopyası — ertir.com, 1 Mayıs 2012 · Orijinal sayfayı gör ↗
Yorumlar 36
Öldürdi 😆
Gyz atlary
ABADAN Bagtyýar, oňat.
AÇAP Açayýp owadan gyz
AGAGÜL Agalarynyň güli, ilkinji dünýä gelen owadan gyz.
AKBÄBEK Iň soňky gyz bagtly bolsun.
AKJAGÜL Bagtly – owadan gyz bolsun.
AKJEMAL Bagtly – owadan gyz bolsun.
AKMEŇLI Ýüzünde meň bolan bagtly gyz.
AKSOLTAN Gyzlaryň soltany – seresi bolsun.
ALTYN Altyn – tylla ýaly gymmat bahaly bagtly gyz bolsun.
ASLY Asyl sözünden ýasalan, asylly ,terbiýeli gyz bolsun.
AÝBIBI Nurana – owadan gyz bolsun.
AÝBIKE Han – Begiň aýalyna ýüz tutlup aýdylýan söz. Owadan gyz.
AÝJEMAL Nurana – görmegöý gyz bolsun. (görk, gözellik).
AÝLA Dolan aýda dünýe gelen gyz.
AÝLAR Aýlaryň aýy , gözelleriň gözeli, iňňän owadan gyz.
AÝNA Aýna ýaly düri - arassa gyz bolsun.
AÝNUR Aý ýaly nurana – gözel gyz bolsun.
AÝSEL Aý ýaly, selbi (Serwi) boýly gyz bolsun.
AÝSEN Aý ýaly gözel gyz bolsun.
AÝSERE Aý ýaly gözel gyzlaryň seresi – başy bolsun.
AÝSOLTAN Aý ýaly gözel gyzlaryň soltany – seresi bolsun.
AÝŞA-ÄŞE Muhammed (A)-iň bir aýalynyň ady. Ýaşamaga çalyşmak.
AÝŞAGÜL Gül ýaly owadan gyz köp ýaşasyn.
BAGDA Bagdagül diýen adyň gysgalan görnüşi
BAGTY Bagtygül diýen adyň gysgalan görnüşi.
BAHAR Baharda (ýazda) dünýä gelen gyz.
BAHARGÜL Baharyň güli ýaly owadan gyz bolsun.
BÄGÜL Bägül ýaly gözel gyz bolsun.
BIBI Hormatly, abraý gyz bolsun. Hormatly aýala aýdylýar.
BIBINIÝAZ Dilenip-ýalbarlyp alynan gyz.
BIBISARA Hormatly, abraýly gyz bolsun.
BIKE Hormatly uly derejeli gyz bolsun.
JAHAN Dünýäsi giň, asmany düri bolsun.
JAHANAÝ Asmanyň aýy-gözel gyz.
JEMAL Jemal, owadan gözel gyz.
JEMILE Owadan, görmegöý gyz bolsun
JENAN Janlaryň –jany,mähriban gyz bolsun.
JEREN Keýik-Maral, owadan-çalasyn gyz bolsun.
ÇEMEN Gülli otlar gögerýän ýer.
ÇYNAR Çynar ýaly başy dik bolsun, kän ýaşasyn.
DESSE Desse-desse gül ýaly owadan gyz bolsun.
DILEG Dileg-arzuw edilip ýetilen gyz.
DOÝDUK Gyzdan doýduk, indi bize ogul gerek manyda dakylýan at.
DÖNDI Şu gyzyň yzyndan oglan bolsun, ogla tarap dösün.
DURNA Durna guş ýaly owadan, aram, sabyrly gyz bolsun.
DURSUN Dursun, ölmesin, köp ýaşasyn.
DÜNÝÄ Dünýäsi giň, asmany düri bolsun.
EJEGYZ Ejesiniň gyzy.
EJEKE Aýrylan uly aýaldoganynyň ady dakylan gyz.
EJEŞ-ENEŞ Eje sözi bilen gelýän atlaryň gysgalan görnüşi.
EJOW Aýrylan ejäniň ady dakylan gyz. Eje sözi bilen-de gelýär.
ENE Dädesiniň aýrylan enesiniň ady dakylan gyz.
ENEKÄBÄ Dädesiniň aýrylan enesiniň ady dakylan gyz. Käbe ýaly.
ENEKE Enekäniň ady dakylan gyz.(Eneke: başgasynyň oglanyny saklaýan).
GEŇLIK Geň. Ata-enesiniň guwanji gyz.
GÖWHER Göwher ýaly gymmat bahaly söýülen gyz bolsun.
GÖZEL Owdan-gelşikli, görmegöý gyz bolsun.
GUNÇA Açylmadyk gül, gunça ýaly owadan gyz bolsun.
GÜL Gül ýaly owadan, ýakymly, özüne çekiji gyz bolsun.
GÜLNAR Naryň güli ýaly owadan gyz bolsun.
GÜLNUR Gül ýaly nurly owadan gyz bolsun.
HAJAR Göçüp ýören Ebrahym (A)-niň aýalynyň ady.
HAJAT Gerek zat, zerur zat. Isleg-arzuw edilip ýetilen gyz.
HALIMA Ýuwaş-rehimli, mylaýym gyz bolsun.
HATYJA Hz.Muhammediň birinji aýalynyň ady.
HESEL Asel, bal, süýji dilli ýakymly gyz bolsun.
HURMA Süýji dilli, uly derejeli gyz bolsun.
HÜÝRI Hüýri, peri ýaly owadan gyz bolsun.
MAHYM Aýym, aý ýaly gyzym.
MAMA Mamasynyň ady dakylan gyz.
MAMAGÜL Mamasynyň güli.
MARAL Maral ýaly owadan gyz bolsun.
MAÝA Maýa ýaly ýuwaş mähirli gyz bolsun.
MAÝSA Gögerip oturan ýaş arpa bugdaý. Maýsa ýaly öwüşgünli.
MELEK Perişte, perişte ýaly haýyrly.
MERJEN Merjen ýaly gymmat-baha gözel gyz. Ýakub-merjen.
MERÝEM Semiz-sagdyn gyz. HZ. Isanyň ejesiniň ady.
MIWE Süýji dilli gyz bolsun.
NABAT Nabat ýaly süýji – ýakymly gyz bolsun.
NÄZ Niýaz sözi bilen goşma atlaryň gysgalan görnüşi.
NÄZIK Mylaýym, ýumşak, täzeje.
NÄZLI Näzli , gözel gyz bolsun.
NERGIS Sary ýaprakly owadan gül. Nergis.
NIGÄR Görmegöý, owadan gyz.
NOWBAHAR Baharyň başlanan wagty dünýä gelen gyz.
NOWÇA Sagdyn, ýaş owadan gyz.
NOWGÜL Täze gül.
NURGÜL Nurana, gülýüzli gözel gyz.
OGULBAGT Bagtly gyzyň yzyndan ogul bolsun.
OGULJAN Şu owadan –jan gyzyň yzyndan ogul bolsun.
OGULGEREK Gyzymyz ýeterlik, indi bize ogul gerek.
OTAGA Başymyzyň bezegi-täji gyz.
OWADAN Owadan, görmegöý, gözel gyz.
OWLAK Şadyýan – ýakymly.Owlak ýaly gyz bolsun.
ÖMÜR Ömri bolsun, kän ýaşasyn.
ÖWSER Öwsün(Äfsun) atyp duran parlak-owadan gyz bolsun.
PAMYK Ýymşak, mylaýym, mähriban gyz bolsun.
PATMA HZ. Muhammediň gyzynyň ady.
PERI Perizat ýaly owadan gyz bolsun.
RABYGA Rabia, Dördünji.
RAGNA Owadan.Rana bir gülüň ady.
REÝHAN Hoş ysli ösümlik.
RYZWAN Jennetiň bir ady.
SAÇLY Uzyn saçly dünýä gelen gyz.
SADAR Gymmatly daş, eziz gyz.
SARYÝA Saryýagyz-owadan gyz.
SÄHER Säherde-daňdan dünýä gelen gyz.
SELBI Serw agajy.Serwi boýly owadan gyz bolsun.
SELIMÄ Sagdyn-kemsiz gyz bolsun.
SENEM Owdan, söýgüli, gözel gyz bolsun.
SOLMAZ Solmasyn,elmydama ter bolsun.
SOLTAN Saltan, padyşah, häkim, atly-abraýly.
SONA Ýaşylbaş , owdan ördek,görmegöý gyz.
SONAŞ Sona sözi bilen gelýän goşma at.
SÜLGÜN Owadan-görmegöý, ajaýyp gyz.
SÜMBÜL Sünbül, gowy ysli ösümlik. Gül ady.
SURAÝ Ülker yyldyzyň ady. Parlak gyz.
ŞEKER Şeker-gand ýaly süýji-ýakymly gyz bolsun.
ŞEMŞAD Şemşad, gaty, sagdyn hem owadan agajyň ady.
ŞIRIN Süýji, datly, tagamly.
TARLAŇ Laçyna meňzeş guş, algyr, aw guşy.
TAWUS Tawus guş ýaly owadan-görmegöý gyz bolsun.
TÄZEGÜL Ter-täze gül ýaly owadan gyz bolsun.
TOGTA Togtasyn, dursun,ölmesin,kän ýaşasyn.
TOGTAGÜL Gözel gyz togtasyn, ölmesin.
TOKAR Keýgiň owlugy ýaly gözel gyz bolsun.
TOTAÝ Gyz-aýal atlarnyň goşma ady, Hormatly abraýly bolsun.
TOTY Toty guş ýaly owadan bolsun.
TOWŞAN Ýüwrük, ýyldyrym bolsun, duşmana ýetdirmesin.
TUMAR Hormatly owadan gyz bolsun.
TURAN Gadymy Türk ýürdy.(Iran-Turan).
ÜLKER Ülker ýyldyzy, (süreýýa) ýaly parlak gyz bolsun.
ÝILDYZ Ýyldyz ýaly parlak owadan gyz bolsun.
ÝÜPEK Ýüpek ýaly ýumşak owadan gyz bolsun.
ZÖHRE Ýyldyz ady bolup, şol ýaly parlasyn diýen arzuw.
Gyz-oglan atlary
BAÝJAN Baý hem jana ýakymly gyz-oglan bolsun
BAÝRAM Baýramda- Aýd güni dünýä gelen çaga.
JUMA Anna güni dünýä gelen perzent.
HALLY Bu at oglan-gyza dakylýar: Hal-ýagdaýy we bagty ýagşy bolsun.Endamynda haly bolan gyz-oglan.
DEŇIZ Deňiz ýaly giň görümli, we döwletli bolsun.
DERÝA Deňiz ýaly giň, derýa (akar suw) ýaly joşgunly bolsun.
DIDAR Öýümize ýüzi düşen, owadan-gelşikli gyz bolsun.
DURDY Dursun, ölmesin.
MELE Bugdaý reňk gyz-oglan.
MEŇLI Bedeninde (ýüzünde) meň bolan gyz-oglan.
MERET Şaban ýaly dünýä gelen. Myrat-maksat.
NARLY Bedeninde narly (gyzyl tegmili) bolan gyz-oglan.
NÄZ Niýaz diýen adyň gysgalan görnüşi.
NURY Nur sözi bilen gelýän goşma at.
TOÝ-TOÝLY Toý güni dünýä gelen toýy kän bolsun.
TUWAK Ýüzi perdeli-örtgüli gelen gyz-oglan. Goşma at.
Oglan atlary
BABA Babasynyň ady dakylan oglan. Baba bolsun.
BABAJAN Babasynyň jany.
BABAHAN Babasynyň Han ogly.
BABAYR Bäbiyr, (Ýolbars, Peleň) ýaly güýçli bolsun.
BAGTYÝAR Bagty ýary bolsun.
BAKY Köp ýaşasyn diýip arzuw edilen oglan.
BALKAN Balkan-da dünýä gelen-Balkan dagynyň ady dakylan.
BATYR Bahadyr, ýürekli oglan bolsun.
BAÝAR Baý-Döwletli oglan bolsun.
BAÝLY Baý-Döwletli oglan bolsun.
BAÝRY Baý hem tejribeli oglan bolsun. Agyzly oglan.
BAZAR Bazar (ýekşenbe) güni dünýä gelen oglan.
BÄŞIM Bäşinji perzend.
BEGÇE-BEGENÇ Abraýly. Kiçijik beg - begendiren oglan bolsun.
BORJAK Çöl ösümligi, çöl çöpi ýaly kän bolsun.
BÖKE Pälwan-Güýçli bolsun.
BUGRA Iki Örküçli düýe ýaly ederman bolsun.
BURKAZ Bir Türkmen urugynyň ady.
BÜRGÜT Bürgüt guş ýaly güçli we algyr bolsun.
JELIL Abduljelil, uly-Şohratly, Allahnyň guly.
JEPBAR Abduljepbar, Taňrynyň guly, güýçli oglan bolsun.
JEÝHUN Jeýhun derýasy ýaly joşsun.
JORA Ýoldaş-hemra, dost-boýdaş.
JOŞGUN Joşgunly, şadyýan, suw joşanda dünýä gelen gyz.
JÜNEÝT Az sanly gişun. Goşun ýaly güýçli bolsun.
ÇARY Seljuk soltanyň ady, çagyrlan.
ÇAKAN Çalymtyk-mawy gözly alagöz.
ÇAWDUR Gadymy Türkmen taýpasynyň ady.
ÇERKEZ Bir ösümligiň ady,ot.
ÇOPAN Mal-garaly ýaly bolsun, Çopan.
ÇÜWDE Paltanyň ýaňsesi, kelläň ýeňse tarapy.(Berk-sagdyn).
DAGDAN Dag agajy ýaly berk, sagdyn-daýaw bolsun.
DAŇATAR Daň atan wagty, daňdan dünýä gelen perzent.
DAÝANÇ Ata-enesiniň daýanjy bolsun.
DIÝAR Watan-ülke, il-gün.
DÖRTGULY Dördünji oglan.
DÖWLET Döwletli, baý bagtly bolsun.
DURMUŞ Dursun-ölmesin, köp ýaşasyn.
DÜŞEM Hepdäniň düşenbe güni dünýä gelen oglan.
EMIN Ynamly–dogurçyl oglan bolsun.
ERKIN Azat-erkin ýaşasyn.
ESEN Aman-esenlik, dynçlyk. Hasan adynyň üýtgän görnüşi.
ETREK Etrek derýasy boýnunda dünýä gelen oglan.
EÝMIR Türkmeniň Eýmir taýpasynyň ady dakylan ogalan.
EÝÝÜB Eýýüb pygambaryň ady dakylan oglan-hormatly.
FAÝZULLAH Allahnyň faýzy siňen-sahawatly oglan bolsun.
FAZYL Bilimli, akylly ,dana oglan bolsun.
GAJAR Gajar diýen Türkmen taýpasynyň ady dakylan oglan.
GADYR Gadyrly-gymmatly. Gadyr gijesi dünýä gelen oglan.
GANDYM Çöl ösümligi bolan Gandym ýaly düzümli hem kän bolsun.
GAPBAR Abdulgapbar(abdulgaffar), Hudaýyň guly, magfiret ediji.
GAPUR (GAFUR) Abdulgafur (Hudaýyň guly), geçirimli.
GARLY Garly howada dünýä gelen oglan.
GOWŞUT Sag adam, Ata-enesine gowşan oglan.
GAÝYP Oglanlary durmaýan maşgalalarda dakylýan at.
GAÝLY Gaý turan güni dünýä gelen oglan.
GAÝRAT Gaýratly-edermen oglan bosun.
GYLYÇ Akylly, kesgir-ötgür bolsun.
GIÇGELDI Wagtyndan gijä galyp dünýä gelen oglan.
GORGAN Gala, Gala ýaly gorysyn, saklasyn.
GUWANÇ Guwançly, söýgüli oglan bolsun.
GÜRGEN Sagdyn agaç.Gürgen derýasynyň boýnunda dünýä gelen.
GÜÝÇGELDI Kynlyk bilen dünýä gelen oglan.
HABIP Hebip, ýakyn ýöldaş-dost, Söýgüli-ýar.
HAKAN Arabaçy. Gadymy Türk han soltany.
HALIL Abdulhalyl (Allahnyň guly). Wepaly dost.
HALIM Abdulhalym (Allahnyň guly). Rehimli, mylaýym, ýuwaş.
HAMID Abdulhamid (Allahnyň guly). Öwgä mynasyp.
HAÝDAR Arslan – ederman adam.
HEKIM Abdulhekim (Allahnyň guly). Bilgir-tebip.
HYDYR Hizir. Gök-ýaşyl öwüsýän.
MAGTYM Bir Türkmen taýpasynyň ady. Aga, ýolbaşçy-baştutan.
MAHMUD Öwgüli, öwgä mynasyp.
MAŞAL Bedeninde tegmili bolan bäbek. Maş; al: Şöhleli, nurly.
MÄMI Mämed-muhammed diýen adyň gysgalan görnüşi.
MÄTER ???????
MÄTI Mehdi, Dogry ýol bilen alyp baryjy.
MEJIT Abdulmejid (Hudaýyň guly). Görmegeý, şanly, şöhratli.
MERGEN Nyşana dogry urýan. Mergen oglan bolsun.
MUHAMMED Öwgä mynasyp.Ahyrzaman.Iň soňky pygambaryň ady.
MURTAZA Saýlantgy, seçilen. HZ Aliniň lakaby.
MUSA HZ.Muhammetden öň geçen pygamberiň ady.
MUSTAFA Saýlanan,s eçilen. HZ. Muhammediň lakaby.
NADYR Nedir, seýrek duş gelýän, gyt.
NAGMAT Nygmat diýen adyňözgeren şekli.
NASYR Abdulnasyr (Allahyň guly). Kömekçi, hemaýatçy.
NAZAR Garaýyş, esewan boluş.
NEJEP Hz. Aliniň jaýlanan ýeriniň ady.
NEPES (NEFES) Dem, dem alma .
NYGMAT Nagmat, döwletli bolsun.
NOBAR Ilkinji ýetişen miwe.
NOBAT Gezek. Öz gezeginde dünýä gelen oglan.
NOHUR Nohur taýpasynyň ady dakylan oglan.
NOWRUZ Täze gün. Hijri-şamsi ýyliň başlanan güni.
OGŞUK Iki ýaşynyň içindäki düýe ýaly aram ogul bolsun.
OGUZ Awuz ilkinji süýt. Päk niýet, Oguzhanyň ady.
OMAR Dört çaryýaryň biriniň ady.
OSMAN Dört çaryýaryň biriniň ady.
ÖDE Ata-enäniň, il-günüňtamasyn ödesin.
ÖRE Örlesin,keselinden gutarlsyn.(soňradan dakylan at).
ÖWEÇ Üç ýaşyna giren goýun. Mally-döwletli bolsun.
ÖWEZ Öwezine gelen. Bäbekleri durmaýan maşgalalarda dakylýar.
PELEŇ Peleň-ýolbars ýaly güýçli-haýbatly bolsun.
PENA Maşgalanyň-iliň penasy bolsun.
PIGAM Peýgam, habar, sargyt, buşluk.
PIHI Pygamyň gysgalan görnüşi.
POLAT Polat ýaly berk janly we sagdyn bolsun.
RAHYM Abdulrahym (Allahnyň guly). Rehimli.
RAHMAN Abdulrahman (Allahnyň guly). Rehimli.
RAHMET Ýüka ýürekli, rehim etmek.
REJEP Erejep. Gamary aýyň 7-njisi.
RESUL Ilçi, pygamber.
REŞIT Akylly, akly kemala ýeten.
RYZZAK Abdyryzzak(Allahnyň guly).Ryzk beriji.
RYZA Kanagatly. 12-nji imamiň 8-njisi. Razy bolmak.
RÖWŞEN Nurana, ýaldurawuk.
SADYK Wepaly, dogurçyl, göni.
SAHY Eli açyk, jomart.
SAID Bagtly oglan. (saide:bagtly gyz).
SALYH Abdulsalyh (Allahnyň guly). Ýagşylyk, dogurçyl.
SANJAR Duşmanlary sançýan, ýeňýän, ogul bolsun. Ýeňer.
SAPA Safa, rahat.
SARY Saryýagyz gelşikli oglan, Saryk taýpasynyň ady.
SATLYK Çagalary durmaýan maşgalalarda, satyn alýan ýaly at dakylýar.
SAÝAT Türkmen taýpasynyň ady. Seýýadyň gysgalan görnüşi.
SAÝLAW Saýlaw güni dünýä gelen oglan (Täze at).
SELJUK Oguz Türkmenleriň uly serdaryň ady.
SELIM Sagdyn-kemsiz oglan.
SENA Öwgi, doga, alkyş.
SERDAR Başlyk, ýolbaşçy.
SETDAR Abdulsetdar (Allahnyň guly). Günäniň üstüni ýapyjy.
SEÝDI Seýit, aňyrlaryny pygamberden alýan toparyň ady.
SEÝFULLAH Allahnyň gylyji.
SÖÝEG Daýanç, direg, kömekçi. Ata-enesiniň daýanjy bolsun.
SÖÝÜNÇALY Söýündiren, begendiren, belent derejeli oglan.
SÖZEN Çöl ösümligi ýaly bolsun, köp ýaşasyn.
SUMBAR Sumbar derýasynyň ady. Şol derýanyň kenarynda dünýä gelýän.
SUBHAN(SUWHAN) Öwgi, Söhrat. Allah tagalanyň ady.
SÜLEÝMAN Ýer ýüzündäki hemme haýwanlaryň dilini aňlan pygambar.
ŞÄHER Şäherde dünýä gelen oglan.
ŞEÝDA Hetden aş aşyk, däli.
ŞIR-ŞIRI Şir-ýolbars.
ŞIRLI Şir sözi bilen gelýän atlaryň gysga görnüşi.
ŞÖHRAT Şöhratly, at-abraýly, meşhur oglan bolsun.
TAGY Tagwa, dindar. Daýy sözüniň gadymy görnüşi.
TAHYR Arassa-päk.
TAÝMAZ Aýagy taýmasyn, sürüşmesin, kän ýaşasyn.
TÄŞLI Täçli ulalsyn, at-abraýly bolsun. Goşma at.
TEJEN Tejende dünýä gelen oglan.
TIRKEŞ Tirkeşsin, kän oglan bolsun.
TORGAÝ Torgaý guş ýaly görmegöý bolsun.
TORUM Köşek ýaly aram, mally-döwletli bolsun.
TOÝÇY Toý tutsun, toýy köp bolsun.
TÖRE Baştutan, başlyk. Urp-adat.
UGUR Bagt, maksat, tarap.
UMYT Umyt-tamany ödejek oglan bolsun.
WELLEK Weli sözi bilen gelýän atlaryň gysga görnüşi.
ÝAGMYR Ýagyş ýagan mahaly dünýä gelen oglan.
ÝAHÝA Ýahýa pygamberyň ady dakylan oglan.
ÝALKYM Ýalkymla-nurly. Nurana oglan bolsun.
ÝARAN Ýar sözüniň köplük görnüşi.
ÝAŞAR Kän ýaşar, ölmez.
ÝYLDYRYM Ýyldyrym ýaly çalasyn-ýykdam bolsun.
ÝYLGAÝ Bir Türkmen tiresiniň ady.
ÝUNUS Kepderi-gögerçin. Ýunus pygamberyň ady.
ÝUSUP Ýusup-Ýakup pygamberyň ady.
atlar köplenç bir sebäp bilenem dakylýar,meselem, biriniň çagasy bolýada ýogalýar, ýa-da bolmasa ýeke gyz bolýar,ýa-da ýeke ogul bolýar, onsoň yrym sebäplem dakylýar !
Menä durmuşdada iki at ulanýan 1.dokumentdaky 2 özsaýlap alanym dokumentdäkini tutýanam bok
gülsenagüsenemgülalekbahargülaylarmaysamaral
chagaň bolasym gelmezdi chynym ... =)
GÖWHER Göwher ýaly gymmat bahaly söýülen gyz bolsun.
GÖZEL Owdan-gelşikli, görmegöý gyz bolsun.
GUNÇA Açylmadyk gül, gunça ýaly owadan gyz bolsun.
GÜL Gül ýaly owadan, ýakymly, özüne çekiji gyz bolsun.
GÜLNAR Naryň güli ýaly owadan gyz bolsun.
GÜLNUR Gül ýaly nurly owadan gyz bolsun.
👍👏
http://www.turkmenkultur.com/menu/ml/adlar/ad-a.html
http://www.turkmenkultur.com/menu/ml/adlar/ad-a.html
şu wagta çenli tkmde iň samsyk dakylan atlardan Gerekmez we Doyduk diylen atlara sataşdym
Alan ýeriñ çeshmesini görkezip almaly.onsañam hem.me atlary ýazmansyñ.
Ynha ýene käbir galan atlañ hem manysyny shu linikden gözläp tapyp bilersiñiz.
http://www.turkmenkultur.com/menu/ml/adlar/ad-a.html
'Gyzsoňy' diýibem at bar eken
Sag bol belligiňe we maslahatyňa. Elleriňe saglyk.
Мен даш товерешимдэкилере середип айтсам, Мырат - атлылар копуси алкаш ве яланчы : D , Бегенч, Гуванч, Байрам- атлылар овунжен, Берди - улумсы, Сердар - коп гурлейэн, Рустам - хытыр пишик : D, Руслан - блотной. Идили таншым егай дашымда : D