Her milletiň öz gyzlarynyň gözelligi

Owadanlyk.... 

Hemmämizem iň owadany, iň gözelini halaýas, şoňa ýetmek isleýäs.  Her zat özüniň owadanlygy bilen gowy görülýär, söýülýär. 
Esasanam gyzlarymyz. 
Ýeri owadan gyz nähili bolmaly? Eger bu sowaly maňa berseler jogap şeýle bolardy: iki örüm uzyn gara saç, gara göz, gara gaş, ýaý ýaly kirpik, aý ýaly ýüzi, ýaňajyklary bişip çala gyzaran şetdaly ýaly, dodagy edil gyzyl bägül ýaly, inçejik bil... (agzymyň suwy akyp ugrady   garaz düşünikli.  
Ýöne biziň gyzlaryň başga milletdede şeýle owadanlygyny kabul edýärlermikä, başga ýurtdada owadan saýýarlarmyka??? Belki olar biziň gyzlara owadanam diýip durmazlar, sebäbi olar owadanlyk diýip başga zatlara aýdýan bolsa nätjek?!

• Kabir sährasynda ýaşaýan tuareg kabylasynda eneleri gyzlaryny mejburläp kän nahar iýdirýär eken. Sebäbi olarda gyzlaryň semizligi owadanlyk nyşanasy bolup rol oýnaýar. Eger gyz öňe sähel eňilende onuň garnynda hasyl bolýan bükilmeler (bogumlar) 12-den geçmese, ony hiç kim aýal edip almazmyş.
• Papua - täze Gwineýada bolsa, gyzlaryň göwsi näçe uly bolsa şonçada durmuşa çykmaga mümkinçiligi kän eken.

Malaysiadaky Borneo adasynyň ilaty gözellik diýip umuman başgaça zada düşünýärler: o ýerde gyzyň gulagynyň aşagy (ýagny sallanyp duran ýeri) näçe uzyn bolsa şonça owadan hasaplanýarmyş. Şonuň üçin bu ýerde gyzlarynyň gulagyna magsus bronzadan ýasalan agyr daş asdyrýalar. Gyz ýaşy ulaldygy saýyn daşyňam agyryny asyp ýörýärler, we şoňa ýaraşada gulaklary çozulyp baryberýär. Kä halatlarda gyzyň ýaşy ýetende gulagy çozulyp ýelkesine duşup durýan eken. Ana size - Gözellik!  Eger goşmaça ýene gözellik üçin, şol gyzyň barmagynyň ujyndan tä tirsegine çenli tatuirowka çyzylan bolsa onda ol el ýetmejek peri-peýker hasaplanýar eken.

• Tene azasyny çozmak (uzaltmak) boýunça Birma halky birinji ýeri ele alan bolsa geň däl, olar uzyn boýly aýal gyzlary bilen dünýä tanalan. Munyň üçin gyzlarynyň boýnuna mis halka dakyp goýýarlar, ýaşy ulaldygy saýyn halkalar sanyda köpeldip barýarlar. Netijede gyzlarynyň boýunlaryda çozulyp baryberýär, hatda 50 sm-e çenli uzalan halatlaryda bolýar. Ana şol žirafasypat boýunly gyzlar şo ýerde iň owadan hasaplanýar. Emma bunuň bir amatsyz ýeri eger şol halkajyklar alyp taşlansa uzyn, ejiz boýjagazlar kelläni göterip bilmez eken. Şonuň üçinem bu ýerde ärine hyýanat eden aýalyň boýnundan halkajyklary alyp taşlanýan ekeni.
• Gyzlaryň gulagyny uzaltmak Afrikadada adat ekeni. 
  
  Keniýada ýaşaýan masai kabylasy diňe gulak uzaltmak bilen çäklenmän eýsem bar ýerini eleme-deşik edip her hili çöp, süňk asyşdyryp goýýan eken. Ýene bir tarapy bu ýeriň aýallary saçsyz ýagny, kellelerini kel edip ýörýärler. Beýle owadanlygam bar-ow...