1-nji kitap: 6-njy bap: Dykma serdar. Ata Gowşudowyň 'Perman' romany
Altynjy bap: DYKMA SERDAR
Dykma uruşjaň hem ökde serdardy. Möjek ýaly nebsewürdi. Bularyň üstesine-de ol gaty zalymdy. Ol özüniň bu häsiýetleriniň etdirýän işlerini diňe halkyň bähbitleri üçin edilýän iş hökmünde görkezjek bolup jan edýärdi. Her näme-de bolsa, halk onuň nebsewürligini hem owarram edip taşlap, zalymlygy üçin ony pisleýärdi hem ýigrenýärdi. Onuň möjek ýaly nebsewürliginiň soňunyň näme eltjegi hakynda oýlanýan adam ýokdy.
Ýöne il oňa nebsewürligi üçin Dykma dakamyny goýupdy. Uruşjaňlygy üçin bolsa serdar sözüni goşup, onuň adyny Dykma serdar diýip tutýardylar.
Onuň asly çyn ady Nurmyratdy. Emma Dykma lakamyny aýtman, ýeke onuň çyn adyny tutsaň, hatda onuň özüniň dogan-garyndaşlary hem tanamaýardylar. «Ol haýsy Nurmyrat?» diýip, sorap-idäp, ahyry Dykma lakamynyň üstünden barandan soň tanaýardylar. Iliň oňa goýan Dykma serdar lakamy onuň häsiýetlerine laýyk edilip, adalatly dakylan atdy.
Siziň pikiriňizçe, Dykma serdar dönük bolupdyrmy?
Hawa, muny Ata Gowşudowyň 'Perman' romanynda hem görýäris.(40%, 4 adam)
Ýok, heý Dykma serdaram bir dönük bolarmy? Ýalňyş maglumat!(60%, 6 adam)
Arşivin durumu
● Tam metin
● 35/35 yorum korunmuş
Yayımlandığı site: ertir.com · Kaynak: Web Archive kopyası — ertir.com, 7 Mayıs 2012 · Orijinal sayfayı gör ↗
Yorumlar 35
Mirasymyz dost, görýän weli, maňa ynanmazçylyk edýäňiz öýdýän. 🙂
Emma meniň subutnamam taýýardyr dost. 🙂
Ýazyjy Ata Gowşudowyň 'Perman' romany, daşy çernil reňkli kitap bolup, Aşgabat şäherinde 'Türkmenistan' neşirýaty tarapyndan 1989-njy ýylda neşir edildi.
Ýazyjynyň 'Dykma serdar' atly bu baby ady agzalan kitabyň 72-nji kitabyndan başlap, 76-njy sahypasynda tamamlanýar.
Mundan başga nähili subutnama gerek bolar, Miras dost. 🙂
P.S. Eger kitap sizde ýok bolsa, onda Milli Kitaphana gidip, okap bilersiňiz. Bolmasa-da, Teke bazaryň ýanynda kitap satýan garaýagyz pyýada bardyr. Şol ýerde 'Perman' kitaby täze puldan 60 manatdan (köne puldan 300 müň manat) satylýar. Emma, siz ol kitaby eliňize alyp, şol sahypalary sanlyja minudyň içinde mugtuna hem okap bilersiňiz. 🙂
Hawa, dogrudanam, Merikk dost, Dykma serdar barada her kim bir zat diýýär. Ýazyjy Ata Gowşudowyň näme diýýändigini-hä, ine, gördüňiz. Galan maglumatlary hem derňäp görmeli-dä.
Sawýer aga diýýänä, geliň indi mümkin bolsa şu bapda okan ýerlerimiz we bizde galan täsirleri barasynda agzalar bilen pikir alyşsak, dowamyny okamaga hasam höweslener köp agzalar.. sitatada görşümiz ýaly agazalara täsir edişi parhly
Salam Merdan! Gowumy ýagdaýlaryňyz?
Siz örän dogry belläp geçdiňiz. Biz romany ýöne bir okap görmän, eseriň içinde bolup geçýän wakalar, eserde hereket edýän gahrymanlar, olaryň häsiýetleriniň çylşyrymlylygy barada okyjylar, ýagny saýtyň agzalary bilen, elbetde ,gürrüň alyşmaly. Emma bu saýtyň agzalarynyň köpüsi bu romany okandan we bu barada pikir alşandan futbol barada, Barcelona we Real-Madrid ýa bolmasa, bolar-bolgusyz söýgi wakalary barada pikir alşanlaryny has gowy görýärler ahyry. Men-ä şeýle pikir edýärin!
Geliñ romana sözsoñy ýazan ýazyjyñ bir eserine seredeliñ, onda Dykma serdara ba$gaça häsiýet berilýär(haýsy eserdigini eýýäm añansyñyz)
Bu elbet Sawýer agañ ba$da belläp geçen komissýasynyñ eserdäki gahrymanlara häsiýetnana bermekde üýtge$me girizmändir diýen ynamymyzy berkitýär
Merdan aga, siz bu ýerde ýazyjynyň haýsy eserini göz öňüne tutýarsyňyz? Men doly aňmadym welin...
Edebiyaty dushunen okayar Sawyer.Edebiyat diyseler nameka diyip yorenlerem bar.Yone men agzalara cheper-eserleri koprak okamagy maslahat beryan,chunki cheper-eser dilini baylashdyryar.Sonky dowur dogrusy kitap okayan azmyka diyyan mena.Muna-da sebapkar-internet.Dogrusy menem sonky gezek H.Deryayewin Ykbal romanyny okapdym 3 yyl boldy oydyan.Ondan barde her wagt G.Ezizowyn goshgularny okayan elim degen wagty.Sawyer dost men yazyanymy takytlajak bolyamyka oytmegin,men bolyan yagdayy aydyan.Tuweleme shu saytda sen uly goshandyn bar.Ishinde ustunlik!!!
Salam Merikk dost!! Ýok-la, näme üçin tankytlaýyn, dost?! Sen örän jaýdar bellediň. Häzirki döwürde kitap okaýanlar az. Sebäbi hem internet. Menem, hut şonuň üçin, türkmen çeper eserlerini digital, ýagny elektron görnüşe geçirmegi maksat edindim. Bu alyp barýan işimiň oňyn netijesi bolawersin-dä hernä!
Enshalla
Gökdepe mukamy hakynda aýdypdym
Bu tema üstünde durulyp-durulyp geçilmeli tema diýesim gelýär. Çünki biz ba$da 2 sany gowy oýlandyraýjak makala bilen ba$lapdyk. We eserde Nargylç Hojageldiýewiñ galamyna mahsus bolan ba$ gahrymana a a$a ynjyk(näz çekdiresi gelýän) häsiýet bermek duýulýanyna garamazdan. DYKMA SERDAR babatdaky ýazgylar golýazmalardaky ýaly alnanyny duýmak kyn däl
Sawýer berekella, edýän işiň sogap iş. Alla kuwwat bersin.
Sag bol, Garry serdar aga!! Meniň üçin eden dilegleriň kabul bolsun!!!
Minnetdar tanyryalkasyn yertirenine sawyer!