Platininin rekordy we cempionlyk. (FUTBOL)

Ilkinji çempionatdan 24 ýyl soň 7-nji Ýewropa çempionaty ikinji ge­zek Fransiýada gurnaldy. Ýurduň 7 şäherinde geçirilen çempionata 1980-nji ýyldaky ýaly 8 topar gatnaşdy. 4 ýyl öňki ýaryşdan üýtgeşik­likde bu gezek ýarym final oýunlary geçirildi.

Ýöne bu sapar 3-nji ýer ugrundaky oýun oýnalman, ýarym finalda utu­lan iki toparam bürünç medal bilen sylaglanyldy.

“A” toparçada ýer eýesi Fransiýa bilen bir hatarda Belgiýanyň, Daniýa­nyň hem-de Ýugoslawiýanyň milli ýygyndylary duşuşdylar. Fransiýa ilki Daniýany Platininiň ýeke-täk pökgini (78) esasynda 1-0 hasabyn­da utdy. Olar soňra Belgiýadan 5-0 (Platini 4, 74 p, 89, Žiress 33, Fer­nandes 43) Ýugoslawiýadan bolsa 3-2 (Platini 59, 62, 77 – Şestiç 32, Stoýkowiç 84 p) hasabynda üstün çykyp, ýarym finala çykmagy başar­dy. Her duşuşykda-da Mişel Platininiň “het-trik” edendigi bellärlikli­dir. Şeýle-de, toparçadaky 2-nji oýunlaryň netijesi 5-0, 3-nji duşuşyk­laryňky bolsa 3-2 hasabynda tamamlandy. 2 oýunda ýeňiş gazanan Daniýa ýarym finalda çykyş etmäge hukuk gazandy.

“B” toparçadaky oýunlarda o diýen köp pökgi geçirilmedi we Ispaniýa­dyr Portugaliýa ilkinji 2 orny alyp ýarym finalda çykyş etmäge ygty­ýar aldy. Toparçany Günbatar Germaniýa 3-nji, Rumyniýa bolsa 4-nji bolup tamamlady. Rumyniýa we Portugaliýa bilen 1-1 hasabynda deň­me-deň oýnan ispanlar soňky duşuşygynda Günbatar Germaniýadan Masedanyň 90-njy minutdaky goly esasynda üstün çykmagyň hötde­sinden geldi.

Ýarym finalda Fransiýa bilen Portugaliýanyň arasyndaky oýnuň esasy wagty deňlikde tamamlandy (Domerge 24 – Jordao 74). Goşmaça wagtda bolsa Jordaonyň (98) goluna garşylyk Domerge (114) we Plati­niniň (119) pökgüleri fransuzlara ýeňiş getirdi. Ispaniýa bilen Daniýa­nyň arasyndaky beýleki ýarym final duşuşygynyň esasy wagty 1-1 ha­sabynda tamamlandy (Maseda 67 – Lerbi 7). Penalti urgularynyň 5-si­ni dürs ýerine ýetiren ispanlar finala çykdy.

Ilkinji sapar finala çykan iki milli ýygyndynyň arasyndaky aýgytlaýjy duşuşyk 27-nji iýunda Pariždäki “Park de Prens” stadionynda oýnaldy. Çehoslowakiýaly Woiteç Kristowyň jürlewük çalan oýnuna 47368 adam tomaşa etdi. 1-nji ýarymynda hasap açylmadyk duşuşygyň 57-nji minutynda Mişel Platini çempionatdaky 9-njy pökgüsini öz adyna ýazdyrdy. Oýnuň 90-njy minutynda bolsa Bruno Bellonyň topy ýeňiji­ni ymykly mälim etdi we Fransiýa ilkinji gezek çempion bolmagy ba­şardy. Mişel Platininiň esasy rol oýnamagynda ilkinji çempionlygyny gazanan Fransiýanyň milli ýygyndysy çempionaty gurnap çempion bolan 3-nji ýurt boldy.

VII ÝEWROPA ÇEMPIONATY - 1984

Ýer eýesi: Fransiýa

Çempion: Fransiýa

Finalçy: Ispaniýa

Gatnaşanlar (8): Fransiýa, Daniýa, Portugaliýa, Rumyniýa,

Günbatar Germaniýa, Belgiýa, Ispaniýa, Ýugoslawiýa

Geçirilen wagty: 12-27-nji iýun 1984-nji ýyl

Pökgüleriň sany: 41 (ortaça 2,73)

Geçirilen duşuşyklar: 15

Tomaşaçy: 597639 (ortaça 39843)

Şäherler we stadionlary: Pariž (“Park de Prens”), Marsel (“Welod­rom”), Lion (“Žerlan”), Sent-Etien (“Jeffroý-Guişar”), Lans (“Feliks-Bol­lae”), Nant (“Stad de la Beažu”), Strasburg (“Stad de la Mein”)

Iň köp pökgi geçiren oýunçy: Mişel Platini (Fransiýa) – 9 pökgi

Çempionatyň simwoliki topary: Harald Şumaher (G.Germaniýa), Hoao Pinto (Portugaliýa), Karlheinz Förster, Andreas Breme (ikisem–G.Ger­maniýa), Morten Olsen (Daniýa), Fernando Çalana (Portugaliýa), Alan Žires, Žan Tigana (ikisem–Fransiýa), Frank Arnesen (Daniýa), Mişel Platini (Fransiýa), Rudi Wöller (G.Germaniýa).

ÇEMPIONATYŇ ÇÄKLERINDE OÝNALAN DUŞUŞYKLAR:

“A” TOPARÇA: Fransiýa-Daniýa: 1-0, Belgiýa-Ýugoslawiýa: 2-0, Fransiýa-Belgiýa: 5-0, Daniýa-Ýugoslawiýa: 5-0, Fransiýa-Ýugoslawiýa: 3-2, Dani­ýa-Belgiýa: 3-2

“B” TOPARÇA: G.Germaniýa-Portugaliýa: 0-0, Rumyniýa-Ispaniýa: 1-1, G.Germaniýa-Rumyniýa: 2-1, Portugaliýa-Ispaniýa: 1-1, G.Germaniýa-Is­paniýa: 0-1, Portugaliýa-Rumyniýa: 1-0.

ÝARYM FINAL: Fransiýa-Portugaliýa: 3-2 (g.w.) –Marsel, Ispaniýa-Dani­ýa: 1-1 (5-4, pen.) – Lion

FINAL: Fransiýa-Ispaniýa: 2-0 –Pariž

KÄBIR MAGLUMATLAR:

* 32 toparyň 7 toparçada çykyş eden saýlama tapgyrynda G.Germani­ýa bilen D.Irlandiýa, Ispaniýa bilenem Gollandiýa deň oçko toplandy­gyna garamazdan köp gol geçiren nemesler hem-de ispanlar final tap­gyryna gatnaşmaga hukuk gazandy.

* Saýlama tapgyrynda diňe Belgiýa toparçasynda 2-nji ýeri alan topar­dan 3 oçko öňe saýlandy. Ispanlar we nemeslerden başgasy toparça­larynda 2-nji ýeri alan toparlardan bary-ýogy 1 oçko öňe saýlanmagy başardy.

* Saýlama tapgyrynda G.Germaniýa öz meýdançasynda 29 oýundan soň Demirgazyk Irlandiýadan 1-0 hasabynda utuldy.

* Ilkinji gezek gatnaşan Portugaliýa ýarym finala çykmagy başardy. Ilkinji sapar UEFA-nyň şol wagtky ähli agzasy (33) ýaryşa gatnaşdy.

* Çempionatda 9 pökgini öz adyna ýazdyryp, iň köp pökgi geçiren oýunçysy diýen ady eýelän Mişel Platiniň bu derejesi häzirem rekord­lygyny saklaýar.

* Fransiýa Ýewropa çempionatyny özünde gurnap çempion bolan 3-nji we iň soňky milli ýygyndy boldy. Çempionaty gurnamak üçin Gün­batar Germaniýa hem isleg bildirdi.

* Çempionatda ilkinji gezek 3-nji ýer üçin geçirilýän duşuşyk oýnal­mady we bu düzgün şeýleligine dowam etdi.

* Çempionatyň iň çalt pökgüsini 4-nji minutda Mişel Platini tora girizdi (Fransiýa-Belgiýa).
www.biznestm.com

Platini dunyade yeke-tak futbolcy su gune cenli Yewropanyn in gowy oyuncysy adyny 3 gezek alan (1983-1984-1985 yyllar)?

Dogry(0%, 0 adam)

Nadogry(57%, 4 adam)

Bilemok(42%, 3 adam)