Dostmy ýa-da?!

Gadym zamanlarda ýaşap geçen bir patyşa, üýtgeşik  bir köşk gurmagy buýuranmyşyn. Onuň içinde her hili ajaýyplyklar köp eken. Şolaryň biri hem köşkde ýerleşýän ähli tarapy-diwarlary, ýokarsy, aşagy aýnalar bilen örtülen zalmyşyn. Ol aýnalar şeýle bir durmuşyn welin, zala girenler, alnynda aýnanyň barlygyny birbada oňly saýgarybam bilmeýänmişinler. Ol zalyň diwarlary hem täsin usul bilen ses ýaňlanar ýaly edip gurnalynmyşyn.  Bir gezek ol zala bir it girenmişin. Özüni ähli tarapdan-töwerekden, aşakdan, ýokardan gurşan itleri görüp, janawar haýran galypdyr. It dişlerini ýalpyldadyp, hyňranypdyr. Töwerekdäki itleriň hem bary oňa hyňranyp jogap gaýtarypdyr.Gorkudan ýaňa zähresi ýarylara gelen janawar üýrmäge durupdyr. Onuň sesi diwara düşüp ýaňlanyp, gaýtalanypdyr.  It näçe çasly üýrse, şonçada ýaňlanypdyr. It töweregine - howa agyz salyp, iki ýana topulypdyr. Onuň şekileri  hem dişlerini şakyrdadyp, kem galarly dälmişinler. Ertesi irden hyzmatkärler it janawaridem-düýtsüz ýatan halda tapypdyrlar, onuň töweregi hem öli itlerden dolumyşyn. Zalda it janawara jinnek ýalyjak hem zyýan ýetirip biljek janly-jemende ýok eken. It özüniň şekilleri  bilen garpyşyp heläk bolupdyr.