Her hepde bir saýt: TurkmenMarketing

Salawmaleýkim hormatly agzalar!

Soňky aýlarda bar güýjümizi websaýtlary döretmäge berdik. Öňler web programmalar bilen has meşguldyk, edil häzirki wagtda bolsa işiň köp bölegi websaýtlar bolup durýar. Şonuň üçin açan, has dogrusy taýýarlan websaýtlarymyz bilen her hepde birini tanyşdyrmakçy.

Bu gün, ilki bilen Türkmenistanyň birnäçe ýerinde hyzmat berýän TurkmenMarketing kärhanasynň websahypasy bilen tanyşdyrmakçy. Daşdan seredenimizde Baş sahypasynyň şeýleräk bir görnüşi bar:



Ýokarda görünişi ýaly TurkmenMarketing birnäçe teker satýan kompaniýalaryň resmi dilleri. Bridgestone, Petlas, Jantsa, Triangle, Petrol Ofisi... Bularyň ählisi hem bütin dünýä bazarynda öňdäki hatarda orny bar. Şonuň üçin her brand bilen tanyşdyrýan websahypasyny taýýarlamak maksat goýuldy. Olaryň satýan önümleri, kategoriýalary, maglumatlary hersi aýry-aýry bolany üçin, hersi üçin aýratyn bir web saýt taýýarlandy diýsek hem ýalňyşmarys.

Meselem, Bridgestone-e basan wagtymyzda saýt doly Bridgestone degişli maglumatlar bilen dolýar. Diňe aşakda beýleki brandlere hem geçip bolar ýaly linkler goýuldy. Bridgestone baş sahypasy şeýleräk görünýär:



Görşüňiz ýaly, ilki bilen üns çekmek üçin dünýä bazardaky orny görkezildi. Ol hem birinji ýerde. Soňundan Türkmenistanyň kartasy ýerleşdirilip, "Satyş nokatlary" görkezildi. Meselem Daşoguzyň üstündäki nokatjyga basanymyzda, şol ýerdäki satyş nokadyň suratlary, adresi, telefon nomerlerini almak mümkinçiligi döredildi.

Başgada belli-belli önümlere ünsi çekmek üçin saýlanan tekerler ýaly bir bölüm goýduk. Satylýan önümleri has düşnükli bolar ýaly birnäçe kategoriýalara bölündi.



Ýene-de üns berilen zatlaryň biri hem, köçelerde ýokarky brandleriň reklamalaryny görmek bolýandyr. Şol sebäpli sahypanyň hem köp ýerinde, köçelerde berilýän reklama suratlary ýerleşdirdik. Çünki bir adamyň kellesinde şol suraty galdyrmak üçin has peýdalymyka diýýärin.

Başgada sahypa 4 dilde taýýarlanyldy. Türkmençe, Rusça, Iňlisçe, Türkçe dillerde. Web sahypada iň kyn düşen ýeri hem şul boldymyka diýýärin. Umumy alanymyzda 300-den köp önüm bar. Olaryň hem hersiniň 4 dilde maglumatlary bar. Garaz bu saýdyň üstünde ownuk-uşak işler gaty kän boldy.

Blogy ýazmagymyň sebäbi, şeýle bir saýdyň bardygyndan habardar etmek, hem-de garaýyşlaryňyzy almak. Arkaýyn kritika etseňiz begenerin, sebäbi her tankyt kämilleşmäge iterýär.

Sahypany haladyňyzmy?

Hawa(74%, 20 adam)

Ýok(25%, 7 adam)