Durmuşymyň bir güni (Kakdyrmaşak, süsdirmeşek)
Bu gun irden oýandym. Daň indi agaran eken. "Ýagmyr sepeläpdir-ow, Çatmadan geçipdir, keçäniň gapdallary öllenipdir. Ýekeniň ustine palçyk kemiräk goýuldymyka. Aý dert boldy şuda..."
Jorabymyň ökjesi nirädir gidipdir, ýok... Oturyp dikdim. Geýinip daşa çykdym.
Sazak döwüp ot ýakdymda, taňkany suwdan dolduryp oda goýdym. Onýança surini barlap gelmek isledim.
Ýerinde...
Soň ýene çatma dolandym. Çaýy demläp bir-iki käse çaý içdim. Agşam gijä galyp gelenligim üçin naharam bişirmändim. Bu gun günortanlyk iýmek üçin çörek, 3-4 kartoşkadan başga hiç zat tapmadym.
Çörekdir kartoşkany, baklaşka salynan çaýy horjuna atdym. Horjunam eşege atdym, 300 goýun bilen ýola duşdik. Jubimden playerjygymy çykaryp, nauşnigide gulaga dakdym: "Tebigatyň özem serhoş, maňa serhoş diyme läläm..." Şu Öwezgeldi aganyň kasetasyny 2 aýdan bäri diňleýän. Arman batareyka çydadanok, ertir täze batareýka gelse hez edip diňlärin ýene... Nauşnigem öňkimden gowy ses çykarýar. Öňki nauşnigim eşekden duşjek diýip gaňňa ildirip üzdiripdim. Soň oba baranymda goňşynyň sone eriçssonmy teliniň bozulan nauşnigini beripdi. Şony çatypdym, bir birine degip aýtman galmasyn diýip gowy edip paket bilen oradym. Daşyna sapagam oradym, entägä aýdýar.
Bu gun men ýeke. Şärigim oba gitdi iýer-içere produkta getirmäne. Erte gelmeli... Täze tamdyr çöregi geler, wah...
Goýunlary otlyja ýerde sakladym, eşegide duşaklap goýberdim . Indi gunortanlyga çenli bir sazak duýbunde ýaplanaýyn...
Kakam beren "montana" sagadyna seretdim, 12:38. Ot ýakyp kartoşkany bişirýänçäm 1 bolar. Ot ýakyp, köz bolaryna garaşdym. Oturşyma pikire batypdyryn: Men bu dünýäde näme üçin ýaşaýan??? Geň sorag, bu soraga özümden başga hiç kim jogap berip bilmez. Ýöne kyn ýeri şu soraga özümem jogap tapyp bilemok.
Aýjerenem menden dändi. Magsadyň menden nämesi artykka, ol meni taşlap oňa barar ýaly. Jorasynyň sözüne ynanmandym, duşuşyp duranyny gözüm bilen görüp soň biwepalyk mesgeninde öý guranyma düşündim. Haý sizemä, kimiň jubisi galyň bolsa şoňa süýkenýäňizdä... Magsat indi Turkiyada okayar. Ol erte geljegi bar, işe girer, derejesi göteriler, maşynly bolar... A men... Men boljagym boldy indi şol çopançylyk bilen öterin...
Ýok beýle däl, men olaryň ýetip bilmedik bagtyna ýeterin. Allam her adamy öz jübüdi bilen ýaradan, maňada kimdir gyzyny berer-äää...
Pikir edip otyrşyma ot ýanyp gutaranynyda duýmandyryn. Kartoşkalary köze gömdum...
Goýunlar garnyny doýuran bolmaly köpüsi eýýäm bagryny ýere berişip ýatyrlar. Bu gün irden gaýtmak isledim. Goýunlary gaýtardymda goşa dolandym.
Bu gün ýene nahar bişirmäge elim barmady. Çörek bilen ýalaňaç süýji iýip ýataýmak pikri geldi. Garnymy doýuryp ýene suw goýdum. Naran şampun gutyň düýbinde bir kelle ýuwarlyk şampun galypdyr. Ýuwunyp süpürindimde kellä goýup ýatýan çäkmenimiň aşagyndan baýram kremini aldym. El-ýüzüme kremi çalyp ýerime geçdim.
Alla tagala bu gunki beren asuda gününe şükür aýdyp uka gitmek üçin gözlerimi ýumdum.
RuDe_boy 13.04.2012
Arşivin durumu
● Tam metin
● 36/36 yorum korunmuş
Yayımlandığı site: ertir.com · Kaynak: Web Archive kopyası — ertir.com, 9 Mayıs 2012 · Orijinal sayfayı gör ↗
Yorumlar 36
respect gowja oylanma...
Awtor $eýle ýagdaý gülkünç bolýamy?. Meselem menem e$ek münýän,malam bakýan. Aý borda gülküsi tutýan gülsin...
parodia,ýañsy.
Berkella gowy yazypsyn.Rude senem goyun bakyp gordunmi?
Merdan, Turkmentug dost dushundiripdir. Menem hakykatdan bar damarymdan chopanchylyk. Bolmasa nirden bileyin chäkmeni, chadyry yeken bilen basdyryp lay bilen suwalyanyny, naran shampuny, gyzyl, gök gutuly bayram kremini, uzulen naushnigi bayoglylaryñ chalyshyshy yaly chalyshman, chatyshdyryp peredelka edip oñushmagy...
Ehh... Bu yañsylama, parodiya, Hakykat, hemde biziñ aslymyz nireden gelenimizi yada salmak we Allam görkezmesin, biziñ geljekde durmushymyz sheyle yagdaya dushmegini yada salmak...
Kyn durmushy bashdan gechiren her bir adama bu oylanma dushunmek gaty yeñil bolar!
behh şeý diýsenäň sagja bol awtor...
1merdan özüniň söýgüli usulynda teswirlemeli boldy-da onda...
adaty çopan goşunda ukudan turan oglan suratlandyrlan
görşümiz ýaly gahrymanymyzyň diňe öz gaýgysy öz aladasy, plaýerinden habarlarama diňlänok. Diýjek bolýanym adaty zatlar hakda oýlandy bolany
ol ýenede öz aladasy bilen başagaý, adamzat näme üçin ýaşaýar? dälde, men näme üçin ýaşaýan diýýär, her kim hem öýlener däl-de , maňa-da biri gyzyny berer diýýär
inede uklady we ertir ýene şul gün gahrymanymyzda dogursy buny aýdanyňada degenok, ýagny oýlanma dälde, suratlandyrma bul. sebäbi gahrymanymyzyň hiç hili oýlanar ýaly pikir aýdanyny görmedik aladasy bilen başagaý...
dogry siz şoool ýokarda bellän oýlanmalarňyzdan tapawutlylykda gahrymanlary oba, çöl durmuşyndan almak isläpsiňiz bul gaty begendiriji maksat awtor sag bol. Emma suratlandyrma gaty gowy welin, gahrymanyň içgi dünýäsini açyp görkezýän fakt oýlanmada ýok diýen ýaly, we bul oýlanma dälde suratlandyrma meňzeýär isleseňiz iki bolyp yzyny dowam edeli?
we sagja bol awtor siz gaty zehinli menä haladym ýazyş stiliňizi, galamyň ýiti bolsyn
Berekella, üstünlik! Gaýrat etseň has gowy zatlaram çykjagyna ynanýan!
Gowy yazylypdyr. haladym))))))))))))))
Berkella
Bu hakykatmy yada bir oylanma?! birhili hakykata yakin yali...