Titanigiň syry
Içimizde Titanik diýen kinony görmedik azdyr.
Gämi öndürýän, Beýik Britaniýaly White Star Line (Ak Ýyldyz) firmasynyň bir arzuwy bar eken. 3 sany dünýäniň iň uly gämilerini ýasap, bu 3 gämi bilen bilelikde bir wagtda Ewropadan Amerika ýolagçylyga çykmak. Munyň üçin 1910-njy ýylyň Oktýabr aýynda ilkinjisi bolan Olimpik gämisini, 1912-nji ýylyň Aprel aýynda Titanik gämisini, 1914-njy ýylyň Fewral aýynda bolsa Britannik gämisini öndürýärler.
Gämileriň adlary nirden gelýär? Grek mifologiýasynda Olimpler we Titanlar diýp iki sany hudaýlaryň toparynynyň ady hasap edilýär. Britannik gämisine ilki bilen Gigantik diýp ad goýjak bolýarlar. Ýöne Titanik batan soň, bagt getirýän ad diýp Britannik ady bilen çykarýarlar.
Her bir gämi öndürilen wagty “iň beýik, beýik” manysyna gelýän adlar bilen çykarylan. Injenerleri hemde şereket “bu gämi batmaz" diýp reklama edýärler.
Ilkinji gämi bolan Olimpik 1911-nji ýyl 20-nji Sentýabrda Hawke gämisi bilen çakyşýar. Täzeden oňarylýar we 1934-nji ýyl 15-nji Maýda Nantuket gämisi bilen çakyşýar.
1912-nji ýyl Aprel aýynda ikinji gämi, Titanik hem aýsberg bilen çakyşýar we batýar.
Üçinji gämi bolan Britannikde, öňki tejribelerinden peýdalanylyp ähli howpsyzlyk çäreleri görülýär. Daşky demir 2 esse galyň edilýär. 1916-njy ýyl 21-nji Noýabrda mina degýär we 2 esse agyr demirden ýasalandygy sebäpli batýar.
Şeýlelikde üç gämiden diňe Olimpik galýar, ýöne olam iki çaknyşykdan soň umyt berenokdy. Soňlyk bilen, bölünip parçalary auksionda satylýar.
Batmaz diýlen gämileriň ömürleri kän dowam etmändir.
1898-nji ýyl, Titanik gämisiniň pajygaly hadysasyndan 14 ýyl öň, entäk Titanik gämisiniň pikri hem ýok wagty, Morgan Robertson adly bir ýazyjy tarapyndan bir gysga hekaýa ýazylýar. Hekaýa Titan adly gämi barada. Hekaýady Titan gämisi we hakyky Titanik gämisiniň meňzeş tarapbary gaty kän. Ikisi hem Beýik Britaniadan Aprel aýynda ýolagçylyga çykýar we Aýsberg bilen çakyşýar. Iki gämi hem 3000 adamlyk, ýöne gämilerde 2000 den sähel köp adam bar. Uzynlyklary hem bir meňzeş. Tizlikleri hem 25 knot. Iki gämi hem aýsberg bilen çaknyşanda şol bir tarapdan çaknyşýar. (Kitabyň ady The Wreck of the Titan or Futility)
Bu gämileriň üçisinde de stuardessa hökmünde ýolagçylyk eden bir gyz bar ekeni, üç gämidenem halas bolupdyr, ady: Violet Constance Jessop (October 2, 1887 – May 5, 1971).
Garaz oýlandyryjy faktlar.
Çeşme :
https://en.wikipedia.org/wiki/Olympic_class_ocean_liner
https://en.wikipedia.org/wiki/Violet_Jessop
Arşivin durumu
● Tam metin
● 45/45 yorum korunmuş
Yayımlandığı site: ertir.com · Kaynak: Web Archive kopyası — ertir.com, 6 Mayıs 2012 · Orijinal sayfayı gör ↗
Yorumlar 45
namesine ynanmaly dal?
yolay, yone soradym
Olimpik we Britannik hem konspirasiýanyň netijesinde şeýle boldymyka onsoň? Rentw diýlen kanalyň dokumentallaryna kän ynanamok. Sebäbi bir gezek 11-nji sentýabr wakasy barada dokumental berdiler. Gurhanda 9-njy süreniň 11-nji aýatynda şo terakta degişli manyda aýat bar diýp bir aýaty ýazdylar. Gurhany açyp seretdim 9-nji sürede ol aýat ýok. Ol aýat umuman ýok. Garaz rentw bilginçleýiň şeýle ýalanlary ýaýradýar.
Free tema acmady diyip otyrdyma bugun pikirlerde 🙂 neme, titanigin kinosy barada hichili zat yokmay? kino dushurmek uchin sholar yaly uly gami yasaldymy yene? nirede dushurilen...etc.
Kino barada biri tema açypdy öýdýän. Bärde gysgaça bir iki maglumat ýazyp geçeýin. James Çameronuň özü aslynda bilim bilenem gyzyklanýan adam ekeni, soň fakultetini üýtgedip sungata geçýär. Ýöne şol bilime bolan gyzyklanyşy sebäpli kinolarynda üýtgeşik efektler görkezip bilýär. Gämileriň batyşy, çaknyşygyna hem aýratyn gyzyklanýandygy sebäpli Titanik gämisini 1995 nji ýylda okeanyň düýbine inip kamera çekýär. Bu aslynda kino düşirmek niýeti bilen däl, ýanky bilim we gämilere bolan gyzyklanşy sebäpli. Soň bu düşirilen dokumentlany filmi oňa Titanik kinosyny düşirmek üçin ylham bolýar. Hakykatdanam şol ulylykda bir gämi studio gurnalýar. Meksikoda Baja Çalifornia diýlen ýerdeki bir porty satyn alýalar, we ýörtite studio edilýär. (Titanikden soňam birnäçe kino şo ýerde düşirilipdir). Gäminiň detallaryna çenli ýanky hakyky Titanikden seredip ýasalýar. Içi hem daşy hem. Tapawudy gaty az. Ýöne suwyň içinde ýüzip barýan gämi sahnalary ýörite ýasalan 14 metrlik maket bilen düşirilýär. Gäminiň ikä bölünen sahnasy 20 metrlik maket bilen düşirilen. Suw we efektler soň kompýuterde goşulýar. Şo döwürde taryhdaky iň gymmat iň köp çykdajyly kino 200 mln dollar.