Gadymy milli senenama.

Türkmen halkynyñ gadymdan gelýän aý-gün hasaplamalarynyñ biri hem ýyldyz senenamasydyr. Milady we hijri-kamary aý-gün hasabyndan tapawutlylykda, ol ýagty ýyldyzlaryñ dogýan we ýaşýan senelerine esaslanandyr. Bu senenama türkmenleriñ durmuşyna iñ bir ýörgünli senenamalaryñ biri bolupdyr. Ol hijri-kamary senenamasyndan tapawutlylykda, ekerançylar üçin hem, maldarlar üçin hem amatly bolupdyr. Türkmenler öz ýyldyz hasaby boýunça 365 güni - bir ýyly 12 döwre bölüpdirler. Ýyldyz döwürleriniñ has oñat ýatda galmagy üçin şeýle setirleri hem ýatda bellemek bolar:

Sanaw başy Nowruzdyr, yzynda bardyr Ülker,
Aralyk hem Üçýyldyz, Ýaldyrak göge galkar,
Mizan, Hazan, Akrapdyr, onsoñ geler Garagyş,
Uly hem Kiçi çille, Garagyşda biter gyş.

Türkmenleriñ ýyldyz senenamasy şeýle tertipde gelýär:

Çarwa nowruzy - 21-nji fewral - 20-nji mart.

Nowruz - 21-nji mart - 22-nji maý.

Ülker - 23-nji maý - 20-nji iýun.

Aralyk - 21-nji iýun - 22-nji iýul.

Üçýyldyz - 23-nji iýul - 11-nji awgust.

Ýaldyrak - 12-nji awgust - 22-nji sentýabr.

Mizan - 23-nji sentýabr - 21-nji oktýabr.

Akrap - 22-nji oktýabr - 22-nji noýabr.

Garagyş - 23-nji noýabr - 7-nji dekabr.

Uly çille - 8-nji dekabr - 16-njy ýanwar.

Kiçi çille - 17-nji ýanwar - 5-nji fewral.

Ahyrky garagyş - 6-njy fewral - 20-nji fewral.