Kakamjan senem bolsadyň...

Kakamjan senem bolsadyň...

Bu günem
adatydakylar ýaly günleriň biri ýalydy. Emma seniň bizden giden güniň bolup
galjagyny bilen bolsadym wah, onda seniň birje iň wajyp arzuwyňy hasyl etmäge
belki kömegim degerdi... Ol gün meniň hakydamdan hiç haçan çykmasa gerek, kakamyň
biziň gözümiň öňünde jan bermegi maşgalamyza has agyr degdi. Bilýäňmi kakamjan
sen agamyň toýuna şeýle bir höwes edipdiň, emma bu seniň nesibäňde ýokdurda,
şol aýylganç dert saňa berilmedik bolsady, onda belki sen ol toýa däl, eýsemde
meniňem toýumy görerdiň, agtyjyklaryňa
hem guwanardyň. Biziň bilen ýenede süýji günlerde ýaşardyň.

Kaka, ýenede bir
zat men bu ýyl okuwada girdim, talyp ady alan günim begenjimi seniň bilen şeýle
birpaýlaşasym geldi, şeýle birhatda seniň belgiňede jaň etdim, telefony
ejem alanda seniň ýoklugyň ýadyma düşip, tisginip gitdim. Kakamjan men seni
ýatlap seniň ýoklugyňa ejizlejek bolammok,emma ejeme hem kaka bolmak, hem eje
bolmak kyn düşýär ahyr ...



Bu gün galdy
seniň ogul-gyzlaryň,

Bu günki gün
gereklidiň sen oňa ,

Näme üçin taşlap gitdiň
olary,

Kim kaka bor
seniň ogul-gyzyňa?

Ýakynda agam Wepanyň toýuny toýlaýas, egerde
butoýda sen bolan bolsadyň onda toý
açmak üçin ejem bilen birlikde senem gelerdiň. Men bu toýda ejemiň ýenede aglamagyny
islämmok. Kakamjan belki , bu ajy aýralyk seniňem eliňde däldir, emma giden
gaýdyp gelýän bolsady, onda seniň agamyň toýuna geljegiňe ynanardym...



Taňrym
bilseňsen bu gün aglaýan sesim,

Ir tutmaly
boldum, kakamyň ýasyn,

Ýa-da eştmediňmi
ejemiň sesin,

Elden alyp
kakamjanyň höwesin.

Bilýäňmi kaka? Gyz
maşgala kaka garanyňda ejeçil bolýar, oglanlaram kakaçyl. Käwagtlar ejeme aýdyp
bilmeýän zatlarymy saňa aýdardym, a emma indi bolsa, derdimi diňe ejem bilen
paýlaşaýmsam bolanok. Emma ejeme men nädip, nädip bu derdimi kakama aýdasym
gelýär diýip bileýin kaka, sen meniň ýekeje derdimi, arzuwymy eştmek üçinem
gelmersiňizmi?... Wah meniň aýdyp duran zadym nämä kaka men unudaýypdyryna seniň
indi hiç wagt dolanmajagyňy....

Kakamjan il içinde Atada taňry hukugy bar
diýýäler. Siz bu söze iň mynsayp ynsansyňyz!Bellik: ýazgy meniň durmuşymdan däl, bolan waka esasynda biriniň (tanşymyň) durmuşyndan ýazdym.