Ünji
Ünji
Günbatarda Gün ýaşdy
Gan agladyp şapagy.
Ünji inip, ýüregim
Sabyr-karar tapmady.
Hamala çogly Güneş
Gaýdyp dogmajak kimin,
Sumat bolup ýagtylyk
Gara bürendi zemin.
Çogun deň çoýýan Güneş
Agras, hoşgylaw, pes päl.
Hoş gal, öten günlerim,
Öten şu günüm, hoş gal!
Gözýetimde şapagyň
Gyzyl saçy gyrkyldy.
Gündiz ýadan bulutlar
Ýyldyz sanap irkildi.
Sagat dähedem-dessem
Peýdasy ýok tijäniň.
Bar reňkleri öçürip
Şol bir bolşy gijäniň.
Garaňkydan gorkmasam,
Gije gaty görmesin.
Bir reňkli galam bilen
Güni çyzyp ýörmesin.
Ertir irden ýene-de
Horaz täsin heň eder.
Elwan öwser Gündogar,
Gözün gyrpyp Gün dogar.
07.04.2012.
Arşivin durumu
● Tam metin
● 22/22 yorum korunmuş
Yayımlandığı site: ertir.com · Kaynak: Web Archive kopyası — ertir.com, 8 Mayıs 2012 · Orijinal sayfayı gör ↗
Yorumlar 22
Atawatan agza öziñ düzdiñmi?
Barmyñay yitip gitdiñä.
Tüweleme, gaty owadan goşgy. Minnetdar!
Hamala çogly Güneş
Gaýdyp dogmajak kimin, 👍
Kerkä baryp geldim. Özüm ýazdym, eger-de başga biriniň goşgusy bolsa hökman awtoryny ýazaryn.
Sag boluň.
Cyndanam Kerkä baryp geldiñmä dost ya oyun edyäñmi?
Çynym.
Şu goşgyňyzy BIZ türkmen gruppa goýjak welin, ilki bilen mümkinmi, ikinji bilenem awtoryň ady Atawatan siýip goýmalymy ýa?
bagyşlaň diýip
Baş üstüne. Arkaýýyn alybermeli. Atawatan diýip goýaýyň.
Minnetdar!
Gowja setirler
sag bol ATAWATAN aga!
Bää, agam ahyry ýazdyňmy birzatlar?
Gaýgy gije döreýämi sizde, ýa-da gijä gara manysynda düşünmelimi?
Sebäbi edebiýatda Günüň ýaşmagy, başyňa gaýgyň çökmesi manysynda ulanylýar.
Gaty gowy goşgy bolupdyr, galamyňyza güýç!
gaty gowy goshgy
Tuweleme, gaty gowy, yetirip durun
Berekella awtor
Sag bolun biz bilen paylashanynyza. Gowy yazypsynyz.. Gaygylaryn bilen birlikde durmushy soymek o diyen ansadam dal. Gaygyn oz ozi gelyar diyyanler de bar, emma yene bashga bir jogap bar Allatagalanyn emri bolmasa chop bashy gymyldamaz...
gowy