"Plastmass" arzuwlar

Köp ki$i ömrüni plastmass arzuwlary kowalap geçýär.

Elbetde... ol her kimde bir hili.

Mugallym bolmak, doktor bolmak, biznesmen, isle millioner... öýlenmek/durmu$a çykmak hökman söýgi bilenem däl... ýa-da diñe söýgi bilen. Çaga ýeti$dirmek 2, 3 isle-de 5. Atly abraýly adam bolup ýeti$mek, hemme ki$i seni hormatlamagy üçin,guwanmagy üçin, seni ýatlarlary ýaly, yzyñda bir zatlar iñ bolmanda gowy at goýup gitmegiñ üçin.... hemem diñe $eýle, ýok ba$gaça däl, hut $eýle.

Ýa-da bolmasa $uña meñze$ arzuwlar...

Eger $ularyñ içinde bir zatlary amala a$yryp bilmeseñ- boldy, sen i$i oñuna bolmaýan adam... señ ukybyñ ýok, ba$arañok... asla sen $ulara mynasybam däl. Ömrüñi biderek ýa$adygyñ... arzuwlaryñam señ üçin döwülen, galan hemme zadam señ üçin reñkini ýitiren.

Ýöne. Hemme zat öñem $eýle çal reñkdedi ahrym... a hyýallar- juda ýiti reñkde, olaryñ bahasy hem gymmat. Hyýallar üçin hakykat bilen hasapla$ylar.

O barmana ömrüñem geçip dur. Geçýär mydamalyk. Biziñ deñimizden. Hemem bizi ikilenji gezek eýýäm hiç ýere çagyranok. Bizem biziñ arzuwlarymyz ýaly mydamalyk unudylyp galýas.

Beýle diýleni bilen arzuw etmeli däl, hiç zada ymtylmaly däl diýmek däl... Ýok!
Arzuw hakykatdanam saña ganat berip uçmak duýgusyny bag$ edýär... seniñ dünýäñi reñkleýär, gaýtalanmajak duýgulary berýär. Ýöne arzuwyñy körlük hem hyýal bilen kowalamaly däl. Köp meselelerde esasy netijesi däl-de, $oñ çözmek usuly wajypmyka diýýän.

Ömür-aslynda doglan wagtyñ we ölen wagtyñ aralygynda bitiren i$leriñ ýatlamasymyka diýýän.

Biz bolsa muny unudyp, ömrümizi ylgap geçirýäs... Hemme zadyñ deñinden ylgap geçýäs. Soñundanam oturyp- wagty yzyna dolamagyñ gamyny edýäris.

Durmu$ bu- ýol.

Maksadyñ özem däl, arzuwyñ özem däl. Durmu$ bu ýol- ýagty, gyzykly, özüneçekiji, dürli wakalardan doly ýol. Ýeñi$ler bilen hem-de ýeñli$ler bilen, gözýa$lar bilen gülki bilen... söýgiden, ýigrençden... hyjuw bilen lapykeçlik bilen emele gelýän ýol. $eýle dürli hadysalardan doly bolany üçinem ol gyzykly we ajaýyp.

Esasy zat öz halaýan i$leriñi amala a$yrmak we edýän i$iñi halamak. Halaýan adamlaryñ ýanynda bolmak, we olary söýmek.

Bitirýän i$leriñe itekleýän içiñdäki stimulyñy (terjimesini bilemok) tapmak, we $oña görä öz arzuwlaryñy gurmak. $ol arzuwa özüñde maksat bolmasa, ba$ga biriniñ arzuwy señ üçin plastmass ýaly gelmegi mümkin.

Özümizi aldaman ýa$asak belki, $onda ömrümiz manysyz geçmez.

Üns bereniñiz üçin sag boluñ!
(juda akyllysyran däldirinle)