1-nji kitap: 4-nji bap: Her kim nebsiniň ugrunda. Ata Gowşudowyň 'Perman' romany

— Ýok, dogrusyny aýdýan däldir. Muny Dykma serdar iberendir — diýip, Öwezmyrat batyr gygyrdy. — Munuň ýanynda hatam bardyr. Danyň goluny arkasynda. Tä haty özi çykaryp berýänçä, men oňa azap bereýin.

Öwezmyrat batyr näçe gazaba münse-de, Batyr hajy şol bir bolşuny saklaýardy.

— Daňsaňyz, daňyň, batyr. Şol derwüşi öldürip goşuny talan men. Mende şundan başga zat ýok — diýip, parahat gürledi.

— Barlap görüň. Ýanyndan şundan başga zat çykmasa, daňmak näme gerek —diýip, Stepan öz pikirini aýtdy. Batyr hajy hem onuň sözlerini tassyklady.

— Hawa, barlap göräýiň.

Boýdan-başa munuň endamyny telpeginiň işligine çenli barladylar. Emma hiç zat tapylmady. Stepan:

— Barlamaly ýeri ädigi — diýdi.

Ädigini hem çykaryp barladylar. Hiç bir üýtgeşik zat çykmady.

Batyr hajyda Dykma serdaryň iberen haty bardy. Emma Batyr hajy ol hatyndan arkaýyndy. Ol ädiginiň içinde laýyk bir petek goýupdy-da, haty hem şonuň aşagynda ýerleşdiripdi. Şonda-da ädik agzalanda onuň terzi biraz üýtgedi. Emma ony aňlan bolmady. Hiç bir delillik zat tapmandan soň, Öwezmyrat batyr:

— Aý, Batyr hajy seniň ajalyň ýetmän eken. Bolýar, bu sapar seni goýbereli. Emma mundan beýläk ýene bir gezek: «men ors patyşasynyň wekilleriniň ýanyna barýan» diýip, meniň elime düşäýseň, hökman seni çaparyn. Eşitdim, eşitmedim diýme... Özüň bir pikir et ahyryn. Beýle işiň özi şerigata-da düzüw däl ahyryn — diýip, şerigatyň nämedigine özi düşünmeýänem bolsa, Batyr hajyny şonuň ady bilen gorkuzmakçy bolup, şerigaty bilýän kişi bolup nesihat berdi. Batyr hajy:

— Şerigata meniň özümem gowy düşünýän-le — diýdi.

Batyr hajynyň şerigata gowy düşünýändigi şundan soň Öwezmyrat batyryň ýadyna düşdi.

— Hawa, ýogsa-da, asyl seniň özüň birneme okansyňam. Gowy bilýänsiň. Bar onda, şerigaty berk tutjak bol — diýdi.

Batyr hajy atlanyp, öz ugruna baka sürüp gitdi. Bu dördüsi hem öz ugurlaryna, atlylarynyň düşen ýerine baka gitdi. Olar tirkeşip barýarkalar, Nepes öz içinden «ol derwüşi öldüren Öwezmyrat batyr bolman, Batyr hajy eken-ow. Dykma serdar Öwezmyrat serdara töhmet edýän eken-ow» diýip, pikirlenip barýardy. Ol birden içinden edip barýan pikirini säwlik bilen daşyna çykaranyny duýman galdy.

— Batyr, ol derwüşi öldüren Batyr hajy bolup çykdy-ow — diýdi.

— Hawa, Batyr hajynyň aýdyşyna görä şeýle ýaly... Sen kimdir diýip güman edýärdiň? — diýip, Öwezmyrat batyr sorady.

— Aý, näbileýin — diýip, Nepes gümürtik gürledi.

— Meniň pikirimçe, bu işde Dykma serdaryň eli bardyr — diýip, bir salym dymandan soň, Öwezmyrat batyr gürrüňe başlady. — Bolmasa, Batyr hajy kim, işanlaryň myhmany bolan derwüşi öldürip bilmek kim? Dogry, Batyr hajy adam öldürmez diýip, men ony aklaman. Ol pula göz gyzdyryp, her zatdan gaýtmaz. Emma bu derwüşi öldürmegi oňa Dykma tabşyrandyr. Sebäbi derwüşin bu bolar-bolmaz goşuna göz gyzdyryp, Batyr hajy ony öldürmezdi.

Öz başyna pikir edip barýan Nepes Öwezmyrat batyra ýüzlendi:

— Batyr, ýaňka şerigat diýdiň, zat diýdiň. Şerigatdan habarlam bolsaň, sen bize şu wagta çenli şerigatdan gürrüň bermän ýören ekeniň-ow.

— Aý, Nepes, bilme nirde, zat nirde, şu güne çenli şerigat diýlen zat meniň eşiden zadymam däl — diýip, Öwezmyrat batyr boýun aldy. — Men onuň diňe adyny eşidýän. Dony çöwre ýapynyp, düýeleri ürküzilişi ýaly, men hem ýöne şerigat diýip, zat diýip, ýaňkynyň ýüregine wehim saljak boldum. Bolmasa, ol deýýus hiç zatdan gaýtmaz. Pula göz gyzdyryp, adam öldir, öý ýarar, il çapar, gowulykdan başga näme diýseň eder. Düşdüňmi? Ine meniň bilşim. — Ol bir azajyk dymdy-da, sözüniň üstüni ýetirdi. — Şonuň üçinem men şerigat diýen boldum-da. Başga näme diýeýin...

Zehinli ýazyjy Ata Gowşudowyň 'Perman' romanynyň 'Her kim nebsiniň ugrunda' atly 1-nji kitabynyň 4-nji babynyň soňy.

Bu eser ýa bu bap baradaky pikirleriňizdir ýa-da romanyň dowamyny ýazmak baradaky teklipleriňizi şu aşakda ýazyp bilersiňiz.

P.S. Romany elektron görnüşe geçirýärkäm, bilmezlikden goýberen säwliklerim, harp ýalňyşlary bar bolsa we eger ol harplar siziň romany okamagyňyza päsgelçilik döredýän bolsa, kyn görmän aýtmagyňyzy isleýärin. Men indikile ol ýalňyşlary düzetmekçidirin.

gaty gowy tema dost haladym
plyusa goyup bilmedim. Goyonoga gutarypdyr. Name ucin + cakli ?
Ertir nesip bolsa baryna menden +++++++++

Sagbol Sawyer men bu roman bilen onem tanysh gaty gowy kitap,shonun ucin hem okamadym yone haladym.

C.Ronaldo:
gaty gowy tema dost haladym
plyusa goyup bilmedim. Goyonoga gutarypdyr. Name ucin + cakli ?
Ertir nesip bolsa baryna menden +++++++++

Köp sag bol, dost! Senden tamamam şeýledi. Şeýdip çeper eserlerimiziň gadyryny bilýänlerem bolsun-da.

Sawyer sagbol dostym uly azap cekip ýazypsyn kop adamlar okamana ýaltanýa. Tuweleme sen bolsan ýazmanada ýaltanmaýan Minnetdar sawyer.

Sawyer sagbol dostym uly azap cekip ýazypsyn kop adamlar okamana ýaltanýa. Tuweleme sen bolsan ýazmanada ýaltanmaýan Minnetdar sawyer.

Men shu romany uc sapar okapdym. men ozumde oyde kitaby bar. peydaly ishin ucin Allahym eline diline saglyk bersin

Oglanlar, hemmäňize köp sag boluň!!! Bizi sylany Alla sylasyn!!! Okanyňyza minnetdar!!!

— Bu näme? — diýip, Öwezmyrat batyr Stepana bir zady görkezip sorady.

— Bu apparat. Surat apparaty. Munuň bilen surat alýarlar — diýip, Stepan düşündirdi. — Ol derwüş haýsy-da bolsa bir döwletiň jansyzy bolmaly.

behh ..... şunýaljak ýerlerini, awtor gowy suratlandyrypdyraý

Sag bol sawyer, uly ish edyan

Minnetdar sawyer,azap ceken ellerinize kuwwat dileyan

Minnetdar Dowletin artsyn yzyna hem garashyas!

Köp sag boluň, oglanlar! Edil şu wagtjyk 5-nji babynam ýazyp gutardym. Onam okaň. Soňam öz pikirleriňizi aýdyň. Garaşýan!