Oýlanma

<span lang="TK" style="font-family:" palatino="" linotype","serif";color:#1f497d;="">Ol, pukara bir işgärdi. Daglardan

daşlary döwüp satyp gününi dolap ýördi. Işi agyrdy we gazanjy diýseň azdy.

Şonuň üçin durmuşyndan närazy bolup elmyadama nalap ýördi. “Men beýleki

adamlardan has köp işleýän” diýen pikir elmydama kellesindedi. “meniň işim

beýlekileriň işinden has agyr we men olardan has az gazanjym bar. Baý bolasym

gelýär. Owadan gymmat eşiklerden geýinesim gelýär.” Şol bada asmandan bir

perişde gelip oňa: “Sen baý bolarsyň, gymmat eşiklerem geýersiň” diýdi. Işçi

şol bada baý boldy. Indi onuňam gymmatdan gowy eşikleri bardy. Öňki ýaly hergün

işe gitmelem däldi. Günlerden birgün patyşa muny saraýyna çagyrdy. Ol, saraýyň

owadanlygyna haýran boldy. Patyşa ondanam baýdy we şonuň üçin gynandy. “Menem

patyşa bolasym gelýär” diýdi. Islegi ýerine ýetirildi we patyşa boldy. Indi

öňkije hergün edýän işlerinem taşlady. Gaty yssy günlerden biridi. Gün ýakyp

barýardy. Patyşa gaharlandy. “Gün menden nähili güýçli bolup biler, men gün

bolasym gelýär” diýdi. Indem güne öwrüldi. Gün şöhlesini göniden göni dünýä

iberýärdi. Ähli zatlar ýanyp başlady. Emma bir bulut geldi, dünýä bilen günüň

arasyna girdi. Günüň şöhlesi dünýä gelmeýärdi. Gün gaharlandy: “Bu näme beýle?

Buluda hiç zat edip bilemok. Bulut menden güýçli eken. Bulut bolasym gelýär!”

diýende buluda öwrüldi. Az wagtdan bulut ýagyşa öwrülip ýagyp, deňizler

derýalar joşup başlady. Ähli ekin meýdanlaryny, öýleri suw aldy. Adamlaryň

öýleri, ähli zatlary zaýalandy. Siller durman akýardy. Gelen sil suwlary

gaýalara gelip ýetdi, emma gaýalara güýji ýetmedi. Bulut gaharlandy: “Munça köp

suw gaýalary näme üçin geçip bilmez?” gaýalar suwdan has güýçlidi. Bulut

gygyrmana durdy: “Men gaýa bolasym gelýär!”. Buludyň bu islegem ýerine

ýetirildi, gaýa boldy. Indi ne günden gorkýardy ne-de bulutdan, suwdan. Şol

günden köp wagt geçmänkä, elinde gurallary bolan bir adam geldi we gaýalaryň

ujundan daşlary döwmäne başlady. “Eý, buda näme?” diýdi gaýa. “Men adamdanam

güýçsüz ekenim” soňra birden güýç, kuwwatyň şatlykdan gelýändigine düşünip

ökünç bilen: “Adam bolasym gelýär” diýip gygyrmana başlady. Bu islegem ýerine

ýetirildi. Gaýa adama öwrüldi. Şuwagt şol adam öňkisi ýaly gaýalardan daşlary

döwüp eklenjini şondan gazanýar. Işi agyr, aýlygam az. Ýöne durmuşy söýýär we

bagtyýar ýaşaýar...

Oýlanma baradaky pikiriňiz? (menem özümi tanasam)

Öraz gowy(50%, 1 adam)

Gowy(50%, 1 adam)

Ýokdan gowy(0%, 0 adam)

Ýazmazaň gowy bolardy(0%, 0 adam)