Şol köne aýdymy ýene diňledim
Şol köne aýdymy ýene diňledim,
Ýene çümdüm senli geçen günlere.
Nämüçindir bu gün göni eňmedim,
Aýagym çekmedi sensiz ol ýere.
Platoniki duýgyň ak köçesinde
Ysnyşdyk. Aýrylyp bilmeris öýtdük.
Hakykat gizlidi durnaň sesinde,
Bagtyň gapdalyndan göz ýumup ötdük.
Ýazylmadyk kitap bolup eredi,
Aýdyp bilmän ýuwdan şonça sözümiz.
Güýzler şaýat boldy, gyşlar büredi
Soňam ýalňyş güldi biziň ýüzümiz
Ynha ýene şol aýdymy diňleýän,
Hem ýagyşyň sesi. Gijäniň ýary.
Näme sebäp bolýar ony bilmeýän
Ýyllar aýry salýar ýar bilen ýary.
Käte hemme zady bolanok aýdyp,
Belkem ýagtylardy günümiň reňki,
Sen-ä indi öňkiň bolmarsyň gaýdyp,
Menem indi bolup bilmerin seňki.
Arşivin durumu
● Tam metin
● 32/32 yorum korunmuş
Yayımlandığı site: ertir.com · Kaynak: Web Archive kopyası — ertir.com, 5 Mayıs 2012 · Orijinal sayfayı gör ↗
Yorumlar 32
Platoniki duygy namay
Näme bolsada goshgy maña yakyn! Gechen durmushy yada salyar, oylandyryar shol durmushda diñlenem aydym.
Awtory kimkä goshgynyñ?
mena haladym.. Awtor yetirenin ucin sagbol..
*Platoniki: Grek alymy Platonyň eserinden ylham alynyp, platoniki söýgi diýlen düşünje döredilipdir. Olam ideal diýen manyny aňladýar. Ýene bir manysy bolsa, garşylygyna garaşylmaýan, soňam bolmaýan söýgi diýmek.
gozel shygyr,minnetdar yetirenin ucin!
goshgy chylshyrymly mana eye, manysyna dushunmek gaty kyn..
Awtory Define, sizem sag boluň!
Platoniki diymek- da$yndan biri-birini gowy görmekmikä diýýän. Ýagny biri-biri hakynda hich zat bilmän, gowy görmek. Ýokarda awtoryñ özem dü$ündiripdir, menem öz pikirimi aýtdym.
Go$gy çyl$yrymly, ýöne men-ä $eýle go$gulary halaýan. Her gezek okañda bir zady açy$ edýän ýaly.
Awtora sagbolsun aýdýan!
Saola awtor
Saola awtor
Sagboluň, siziňem şol pikiriňiz ýaly manysy bar. Goşgymyň çylşyrymly çykmagyny özüm isleýän we halaýan! Sizem sagboluň!
näme etdilerkäraý?
bravissimmo! Berekella!
Onat düzüpsin,sag bol paýla$anyña
Onat düzüpsin,sag bol paýla$anyña
kööp ýazylýan (söýgi!) mowzukda, kääte du$ýan tapawutly go$gy bolupdyr.
Sag bol .galamyñ ýitelibersin!
Bahbit bolsunlay dost!🙂
Söýýän diýmedim ýöne!
Cylsyrymly gosgular... dusunulmesi kyn gosgulary men gaty halayan, sebabi hic dusunup bilmeyan, adamam dusunmedik zadynyn nahili ajayypdygyny pikir edip gezyar.. ajayyplyklary pikir etmegi halayan... kawagt awtoryn ozi hem oz cylsyrymly gosgusyna dusunman bilyar... bu edil sol wagtky duygularyna bagly bolyar...
Ýollar aýra salýar ýar bilen ýary