Ýagyş, ak derek we adam

Ýagyş, ak derek we adam

Dury-dury damjalap,

Ýagsa-da çaňly görünýän,

Bir-birini gujaklap,

Bir-birine sürünýär

Bulutlar.

Dag eteginde çabgaň,

Gaty aňsat çyrpynmasy,

Daş çyksa köňli çaglanar

Ýöne, kyn çykybermesi

Adamyň.

Töweregniň joşuny,

Erkin synlap beýikden,

Paýlaşyp köňül hoşuny,

Çyksam diýýär keýpden

Ak derek.

Mümkin oňa sen gereksiň,

Täsin syryn paýlaşmaga,

Ol ýokardan, sen aşakdan,

Bir-birege bakyşmaga

Eý adam.

Gör, henizem ýagýanyna,

Çaga ýaly begenýärler,

Gezseler-de agaýana,

Burçak-burçak derleýärler

Bulutlar.

Çekiler diýip soň ahmyr,

Dünýäni çensiz bahalap,

Derek asta çykdy ahyr,

Mal garasyn bahanalap

Adam.