ÜFLENÝÄN GUTUJYK
Birki gün bäri şäherde GAI-ler köpelipdir. Dokumenti düzüw bolmadyk, meselem, ynanç haty bolmadyk sürüjileriň ulaglaryny wagtlaýyn tussag edýärler, jerime salýarlar.
Şu gün menem sakladylar. Dokumentlerimi barlap, elindäki plastmassadan ýasalan kiçijik, ýörite gutyny agzyma tutup:
- Içgili dälsiň-ä, hany şuňa üfläp goýber - diýdi.
Üfledim. Ysgap gördi-de, dokumenlerimi uzatdy.
Ojagaz gutujyga öňem kän üfläp görüpdim. Şu gün şol gutujyk ünsümi çekdi-de, ýaňky GAI işgärine ýüzlendim:
- Her saklan sürüjiňe üfledip, ysgap ýörseň, bagyşla welin, kesel geçmegi mümkin. Gorkaňokmy?
Ýaňky dem salym oýurganyp, ýüzüme seretdi-de:
- Wah, gorkýan-la, agam, ýöne nätjek, döwletiň işi-dä. Etmeli bolýar - diýdi.
- Hawa-da, gaýrat ediň, janyň sag bolsun! - diýdim-de, GAI-ler hakynda täze eşiden anekdotymy aýdyp berip, onuň bilen hoşlaşdym.
Üflenýän gutujyk barada pikir edip, şu mowzugy açaýyn diýen pikire geldim. Biz ýigrimi birinji asyrda, gurply döwletde ýaşaýas. Gutujygy häzirki zamanyň döwrebap enjamlary bilen çalyşmagyň wagty bireýýäm gelip ýetdi. Ýewropada üflenýän gutujykdan atam eýýamynda oba göçdi. Täze enjamlar birneme çykdajy talap etse-de, saglygy goramak üçin-ä kem bolmazdy.
Arşivin durumu
● Tam metin
● 10/10 yorum korunmuş
Yayımlandığı site: ertir.com · Kaynak: Web Archive kopyası — ertir.com, 1 Mayıs 2012 · Orijinal sayfayı gör ↗
Yorumlar 10
Dogry aytyanyz Kab aga, bizde o zatlara uns beryan yoga.
Ol degismani biz bilen paylasyn? :-)
Wah, agamjan, düzedilmeli zat kän-le, ýöne... Ine, şu 'ýönede' problema hem.
Ýokarda oturan ketdelerimiziň düşünjeleri üýtgemese, biz ne eýläli?
Degişmäni menem eşidesim geldi 🙂
Üflenilýän barada bolsa bir näçe ýyl mundan öň gabat gelipdim, ýöne ýakyn wagtda hiç duşmandym üfledip duranlaryna. Hakykatdan hem 70 % kesel ýokup biler.
Bugünler mara Aşgabatdan GAİ ler gelipdir diyaler.Hemme yer strogymyş.
Şol anekdoty eşidip bolmazmyka?
Bu anekdoty eşiden bolmagyňyzam mümkin. Agzalar gyzyklanypdyr welin, ýazaýaýyn diýdim.
Aşgabatdan gaty uzak bolmadyk ýerde 90-njy razýezd diýip bir ýer bar. Il arasynda 90 diýýändirler. Onsoň bir gün ýaşulurak bir sürüji şol 90-njy razýezde baryp gelýän eken. Aşgabada ýetip gelýärkä radara düşüpdir. Gatyrak sürendir-dä. Onsoň GAI işgäri muny saklap,çes beripdir-de:
- Agam, 90-dan gelýäň, ine seredip göräý - diýip radary görkezipdir.
Ýaşuly sürüji aňk-taňk bolup:
- Aý, nätdiň-aý, inim, indi bu zadyňyz nirden gelýäniňem görkezýärmi? - diýipdir.
Gülmeli ýeri şu ýeri.
ay shol kocede gaty kan durya radarlar, tuneldan cykan yerindede bar, her yolkan ashagynda diyen yaly bar