Döwlet howpsuzlygymyz sorag astynda
Mundan öňki blogumda bitaraplykdan ýüz öwrüp biljegimiz barada pikirimi beýan edipdim. Käbir okaýjylar ýazanlaryma düşünmedi, käbirleri bolsa pikirimi biderek hasaplap gowy zatlary oýlamagy maslahat berdiler.
ABŞ goşunlary Owganystan çekilmäge taýýarlyk görýär. Nesip bolsa ýene iki ýyldan dolulygyna çekilerler. ABŞ Yrakdan çekiljekde regiona parahatçylyk geljek ýaly bolup görnüpdi. Ýöne tersine syýasy we dini polýuslaşma başlady. Demirgazykda Kürt awtonomiýasy yrakly türkmenleri hem içine aljak Kürdistan respublikasyny döretmäge synanyşýar. Günortada bolsa şaýy-sünni söweşleri bolýar.
Owganystandan çekilse regiona parahatçylyk gelermi? Ine şu ýerde gowy pikir etmek kynrak bolýar. Çünki talybanlar häzirlikçe kän hereketsiz görünse-de soňlugy bilen herekete geçmegi mümkin. Üstesine olar Özbegistandaky terroristik Yslam Hereketi bilen aragatnaşyk saklaýarlar. Ol hereketiň maksady bolsa Hazar we Hytaý arasynda Yslam Halyflygyny döretmek.
Şunlukda ABŞ aradan aýrylsa talybanlar Türkmenistana hem aralaşmak islärlermika diýip gorkýan. Şeýle bolsa ýurdumyza terrorizm howpy abanar. Hökümetimiz munuň öňüni almak islese Orsýetiň başlangyjyndaky Ýewraziýa birleşigine goşular. Netijede bitaraplykdan ýüz öwürmegimiz güýçli ähtimallyklardan biridir.
ABŞ BILEN DUŞUŞYKLAR
Geçen hepde bolsa howpsyzlyk maksatly birnäçe başlangyçlar boldy ýurdumyzda. Raşit Meredow Hillary Klinton we Obamanyň howpsuzlyk boýunça maslahatçysynyň kömekçisi bilen duşuşdy. Gepleşikleriň esasy temasy regionda döräp biljek terrorizme garşy göreşdi. Ýagny hökümetimiz 2014-den soňky bolup biljek wakalary çaklaýar we howpuň öňüni almana synanyşýar.
'Güýçli döwletler syýasatyny 50 ýyllyk plana görä ýöredýär' diýip meşhur bir şahsyýetiň sözi bardy. Owganystandan çekilýän ABŞ elbetde özüne peýdaly birzatlaryň planyny düzeni köplere mälim. Hökümetimiz şeýle planda ejir çekenleriň arasynda bolmak islemeýärler. Şol sebäplem Berdimuhamedow 'ABŞ-TÜRKMENISTAN SYÝASY ÝAKYNLAŞMASY' temaly täze maksatnama taýýarladypdy. Meredowuň sapary şu maksatnamanyň çäklerinde geçdi.
Görnüşe görä Türkmenistan 2014 soňunda Orsýet bilen däl-de ABŞ bilen hyzmatdaşlyk etmäne we bitaraplygy gorap saklamaga niýetli.
Meredow ABŞ-da esasy energiýa firmalary bilenem duşuşyklar geçirildi. Pikirimçe Meredow, nebit şereketlerine ýurdumyzda käbir hukuklary bermek arkaly ABŞ-da lobby hereketlerini amala aşyrmagyny gazanmana synanyşýar. Olara ýurtda paý berilse ABŞ-nyň syýasatynyň biziň zyýanymyza bolmazlygy üçin täsir edip bilerler.
Saparyň soňky gününde Aşgabatda Döwlet Howpsuzlyk Geňeşiniň Mejlisi geçirildi. Bolýan wakalar bir-biri bilen baglanşykly we ählisem howpsuzlyk maksatlydygy ünsden gaçmaly däl.
Beýleki bir tarapdan Eýran bilen hyzmatdaşlyk
Düýn, hökümetimiziň beýleki bir ýokary derejeli agzasy, Ministrler Kabinetimiziň baş sekretary Hojamuhummet Muhammedow bolsa Eýranyň prezidenti bilen duşuşdy. Täjigistanda bolan duşuşykda Ahmedinežad hyzmatdaşlygy ösdürmek üçin hiç bir zadyň päsgel bolmaly däldigini aýdypdyr. Şeýle hem Eýranyň Gürgen şäherine çekilýän demir-ýol ýylyň ahyryna tamamlanjak eken.
Haýsy polýusa ýakynlaşsak peýdaly bolar?
Orsýete, Ýewraziýa birleşigine goşulmaly(38%, 18 adam)
Amerika, Bitaraplygymyzy saklamaly(61%, 29 adam)
Arşivin durumu
● Tam metin
● 71/71 yorum korunmuş
Yayımlandığı site: ertir.com · Kaynak: Web Archive kopyası — ertir.com, 1 Mayıs 2012 · Orijinal sayfayı gör ↗
Yorumlar 71
Hahahahhah.. Ýaşuly znaçit seniň strategik merkezleri jurnalyň hem trendiň ýalňyş/fantastiki habarlaryndan ulanypdyr. Eýranllylar diňe familiýasyny ýazypdyrlar. Oňa düşünmedik Azeriler bolsa ýalňyş infony özlerinden goşup ýazypdyrlar.
Ondaňam şol zatlara düşünmäňsoň men saňa ýörite suratly habar goýdum belki suratyndan tanarsyň diýip. Görip otyryn welin sen Türkmenistanyň Wise presidentlerini hem tanaňok ekeniň.
Indi bir kabul edow ýalňyşyňy şol gidişip otyrmada. Isleseň ertir türkmen çeşmelerindenem habarlary goýaýyn belki ondan soň ynanarsyň!? TM-nyň Uprawdelamy Eyranyň Prezidenti bilen iki ýurduň arasyndaky demirýoluň gurluşugyny gürleşip gürleşmejekdigini çagalara çenli bilýär. Biraz pikirlenip gör.
Seniň Turkish Weekley-niň hem üns beren bolsaň Çeşme diýip trendi görkezýär.
Ondaňam görýäňmi ýekeje ýalňyş habar nirelere eltýär. Belki seniňem ýazanlaryňy birileri okap dogrymyka diýip pikir edip ýalňyş pikirlere sebäp döredendir. Şonuň üçin birzatlar ýazaňyzda biraz pikirlenip we anygyna ýetip ýazsak gowy bolar!?
1. A. Görkezen çeşmämiň ýalňyşdygy dogrusynda hiç hili subutnama ýok. Şol sebäpli häzirlikçe azeri agentligini dogry hasaplaýmak galýar.
B. Seniň görkezen salgylanmak düýbünden ýalňyş. Çünki hökümetde Hoja (Hajeh) Muhammedow atly adam ýok.
2. Meniň ýazanlarym dogry ýa-da ýalňyş täzelik däl. Bir çaklama.
3. Saňa-da edil şony; anygyna ýetip ýazmagy maslahat berýän!
Interesniý adam ekeniňaý Konserwator. Saňa söz ýok ilki bilen aşakdaky linki oka ertirem gaty gitse birigün (näme üçin ertir ýa-da birigün diýýänimiň sebäbini şol maglumaty resmi gazýetlerden görkezenimden soň düşünersiň/aslynda munça subutnamalardan soňam düşünersiň öýdemok ondada men saňa ýörite tema açyp şony ýene bir gezek subut etjek) kimiň kim bilen duşuşandygy baradaky maglumaty görkezerin.
http://www.turkmenistan.gov.tm/?id=1036
Eýran bilen gowy ýaşaşmaga synanyşýar diýip belläpdim temamda. Mysal hökmünde hökümet wekiliniň Duşanbede Ahmedižad bilen duşuşmagyny görkezdim. Ol wekiliň Baýmyrat ýa-da Hojamuhammet bolmagynyň tapawudy ýok şu ýerde. Esasy zat hökümetin Eyran tarapy bilen duşuşmagydyr. 🙂
Aý how Ýaşuly şeý diýip öňünden aýtda onda. Bir topar mysallar getirip jedel edip otyrman.
senkem dogry hahahahahhahahh, aslynda yalnyshmayan adam barmay? kim bilya sizin hemmaniz yalnyshyan bolayman!!!!!!!!!!!!!!!!!!!!
Baaaaa gowy tema achypsyng , pikirleringde ozbolushly logika bar , yone name yazyan bolsang bize faktny maglumat we nireden alanlygyng hakda yazsang gowy bolardy cheshmeleringi , hemem Turkmenistan Bitarap we Garshsyz yurt , Garashsyzlykdan bari shuncha ongyn ozgershlikler boldy , shuncha ishi basharan dowlet Terrorizmiede garshy durup biler , hachana chenli Ruslara yada Amerikanlara diyip oz ozungi waswas etjek , dotjan Turkmen adynga gelishenok Watanyngy her hili kirchikirden arassalap bilmejek bolsang , eger natakyk dushunje yazylan bolsa bagyshlap bilersingiz , milleting ichki yagdaynda nahili yagday bolmasyn Watan barybir bizingki
Ustesnede bir biring keming tapyp gyr pychak bolandan , hayrlyrak ish eding taryh subut etdi ahyryn ata babalarmyza kem tapmak agzalalyk nahili yagdaya eltenini , giryan yazyan zadyngyza dushunyangizmi bir ozi dostlar , bir biring bilen sylanshykly gurleshmani owren , gybatchy ayal yaly bir biring ustungden gulmede , gurletseng adama yan bermeyangiz hadyslardan yada parasatly zatlary bilen bolup