Aýralyk pursady. (G.Ezizow)

Beyle mowzuk on achylan bolsa bagyshlarsynyzda.

gaty gowy eken ozal mena okap gormandim.yene Ezizowyn goshgularyndan yazyngsana hich doyup bilemok shul adamyng goshgularyny okap🙂

Seni söýdüm.

Seni söýdüm. Söýüp bir gez beýgeldim.
Seni söýdüm. Has giñedi bu dünýäm.
Öz ýeñles gylygma gazaply boldum.
Öz durmush ornuma indi dü$ünýän.

Adamlara has ynamly garadym.
Ýeñish bilen tamam boldy gözlegim.
Kyn pursatym medet berdi kalbyma,
Jadyly däl-seniñ ynsan gözleriñ.

Kim men? Jogap tapman shu günlere çen,
Seni söýüp, kimdigimi bildim men,
Ýeñil gopdum bashyñdaky öýme dek,
Diýdim: Ejiz bu dünýäde söýmedik!

Seni söýüp, göz ýetirdim bir zada:
Kynçylyk ýok,
Ejizlik bar dünýäde.

gaty gowy goshgy.sagbol yayla

sagja bol, yene-de sahyryn doredijiliginden yetirip dur

Govy gosgy. Durmus gosgylaryny köpräk yazyp dur.

Berekella yene yazyp dur,menem duyn bir goshgysyny yazdym.Haladym

Boldy.
Besdir.
Hol deräniñ göwsünde
Özüme ümsümje çadyr guraýyn.
Säher-säher agras shemal öwsende,
Ýadan ýüregimi shoña gereýin,
Ýataýyn, turaýyn belli bir wagtda,
Belli wagty iýeýin men naharmy.
Shäherden,
goh,
aladadan uzakda,
Ýok zat üçin getirmäýin gaharmy.

Howlukmaýyn.
Söz bermäýin hiç kime,
Öýüm çetde-hiç bir zady bilmäýin.
Düme oýlanaýyn,
Ýashaýyn düme.
Gaty aglamaýyn,
Gaty gülmäýin.

Shygyrlar ýazaýyn shemal barada,
Gussajygmy ulus-ile sözläýin.
Iñrik bilen gün ýashary arada
Ýash bolsamam,
Gojalygmy gözläýin.

Indi näçe ýyldyr, shu hyýal mende
Toprakda nem ýetmez tohum deý ýatyr.
Ýöne çadyram ýok deräñ göwsünde,
Öýümem çetde däl.
Merkezde otyr.

Gaty aglaýaryn.
Gaty gülýärin.
Elmydama howlugýaryn bir ýere,
Haýyr etjek bolýaryn,
Maña galamyny beren illere.

Iñ zerur sözleriñ yzynda selpäp,
Büdreýärin.
Ýykylýaryn käýarym.
Öz shemaly bilen ýüzümi ýelpäp,
Shonda maña medet berýär diýarym.

Arma! diýýän ishe gümra daýhana,
Ýyndam otlulara elim bulaýan.
Bag astynda duran iki juwana
Özümkiden oñat ömür dileýän.

Sheýdip ýashap ýörün,
Il bilen ätläp,
Il bilen deñ çapyp ýyndam atymy
Hemem käte

Misli düýsh kimin ýatlap,
Çadyr hakyndaky rowaýatymy.

Aýralyk

Dañ atýar, gün ýashýar-Günesh ýashmaýar.
Ýyldyz öçýär, emma öçmeýär Älem.
Adam ölýär- hiç ölmeýär Adamzat.
Bag guraýar-tokaý ýashaýar hälem.

Bu sheýle bolupdy.
Sheýle-de bolar.
Tebigatyñ demir kanuny bular.

Dañ atýar, gün ýashýar- gyýylýar ýürek,
Bir ýyldyzjyk öçýär- gyýylýar ýürek.
Goja bag çüýreýär- gyýylýar ýürek.
Adam ölýär- hasam gyýylýar ýürek.

Eger Günesh, Älem, Tokaý, Adamzat-
Baky bolsa,
Gama batmak ne derkar?
Bag ölýär-bag döreýär,
Gün ýashsa- dañ atmaly.
Her ölümiñ yzynda oñ dowamy-ömür bar.

Shularyñ birisi dünýämden gitse,
Bilemok, ýüregmi gaplaýar gussa.

Serpaý.

Söýüñ meni-ýürek söýgi küýseýär,
Sheýle bir küýseýär-ýok çaky-çeni.
Ýekeje adama ýeterlik söýgi
Bilen
bir pursatlyk söýüñ siz meni.

Maña kän zat,
Uly bir zat gerek däl,
Eliñizi ýüregñize goýuñ siz:
Size söýgi bilen ýüzlenýän günlem
Sözlerimi kesä çekmän söýüñ siz.

Söýüñ meni-ähli erki hem durky
Bilen size tarap ýollar çekeni.
Ýeke özüñ söýüp ýörseñ elmydam
Birazajyk agyr dü$jek ekeni.

Söýüñ meni- siziñ sadyk guluñyz,
Soñra menden size galar sheýle paý.
Men size bahasyz serpaý ederin-
Shalaryñ elinden gelmejek serpaý.

kyncylyk yok, ejizlik bar dunyade

mana shu setir kop yerde poderjka edyar

• • *
    
    Hany, çal dutary, mähriban dostum,
    Egseli, ýüregmiz atmanka gasyn.
    Geçilen ýollaryñ shatlyk-bagtyny,
    Geçilmedik ýodalaryñ gussasyn.
    
    Egseli gussasyn ýalañaç baglañ,
    Güýzüñ ýaprak bürän ýata suwlarnyñ.
    Egseli gussasyn, duw ak gussasyn
    Mesopotamiýa barýan guwlaryñ.
    
    Bar zat boldy: söýgi, dostluk, ýalan söz.
    Budremeler, ýasly gündür bagtly gün.
    Asuda düzleriñ gussasy bile
    Düshündik biz manysyna shatlygyñ.
    
    Ýyllar geçdi durdy yzly-yzyna,
    Has agras ýashadyk, has agras söýdük.
    Shu eziz topraga belent ynamy
    Biz ähli zatlardan belentde goýduk.
    
    Biz söýüldik, bagtly bolduk shoñ üçin,
    Diñe söýen güýzde gussa düshünýär.
    Kim aýdypdyr pany diýip barlyga?
    Ýashanyña juda degýär bu dünýä.
    
    Ine, shu gözellik ýashany üçin,
    Küýsedik baharlar basymdan-basym.
    Güýzüñ ýaprak bürän ýata suwlarny,
    Onuñ ýadan ýodalarnyñ gussasyn!

Gülki ýygyp armaýyn.

Gorkýan elmydama oturýanlardan!
Söýýän Ashgabadyñ ýyly gyshlaryn.
Barýan
ýeñil ädip
trotuarlardan,
Ýygyp
adamlaryñ ýylgyryshlaryn.

Ine, beýik penjirede näzenin!
Ýylgyrshyna maýyl bolup galýaryn.
Penjiräñ perdesin syraýsa welin,
Gülküsin ýüzünden ýygyp alýaryn.

Gülýär ashyklarmyz, gülýär gojalar,
Doganlar gülýärler, dogjaklar güler.
Sheýdip,
Ýagty ykballaryñ üstünden
Her säher Gün bilen dogar gülküler.

Maña uzak ýolda kyn bolsa bolsun,
Ýöne gülki bilen dogsun gün-aýym.
Goý, ýüzlerden gülki yzy ýitmesin!
Gülki ýygmak kesbim bolsun ylaýym.

Ýürek.

Beriñ maña on ýürek, on sany äpet ýürek,

On ýüregiñ her biri bir zat duýmaga gerek.

Biri bilen söýeýin bu ümmülmez asmany,

Biri bilen dünýäni, biri bilen ynsany.

Biri bilen Watany, biri bilen enäni,

Galan bäshisi bilen ýigreneýin dushmany.

Dostum bilen oturyp, bolsadylar gursak-da,

Takat tapman ýüregim pyshyrdaýar gursakda:

-Nämä gerek on ýürek? Nämä gerek on ýürek,

Sen oñarsañ, bilip goý, meniñ özüm on ýürek

Ýyllar shuwlap geçende, baglar bashyn egende,

Siz juwanmy, danamy, ýa bolmasa gür sakgal,

Bir ýürege on ýürek sygdyrmasañ eger-de,

On ýüregiñ ýer tapmaz bir ýürekli gursakda.

Sen oñarsañ- bir ýürek deger müñüne derek!

Teswirleriñ tañkym men G.Ezizowyñ Fany men Sagbol Awtor.

Teswirleriñ tañkym men G.Ezizowyñ Fany men Sagbol Awtor.

Arzuw

Bilýän, ýyl dolanyp, asyrlar geçer,
Bulutlar göçer, çöller-de göçer.

Shonda damja dönsem, bolar bir kärim:
Men elmydam teshneleri gözlärin.

Eger baga dönsem, bolar bir kärim:
Men ynsana saýa salmak islärin.

Ýyldyz bolup aralashsam äleme,
Sheýle ykbalymdan sähel nalaman.

Ýasharyn uzakda bir arzuw bilen,
Ýeriñ adamlarna garasharyn men!

Tylla balyk.

Bardym kenaryna bulanyk derýañ
Atdym girdabyna mekir çeññegi.
Irizdi gowgasy gowgaly dünýäñ,
Gazandym men diñe gysyr emgegi.

Galkan kimin gat-gat edip tolkunyn,
Derýa menden baýlygyny gizledi.
Çeññek açyp däli derýañ gulpuny,
Meniñ arzuw-hyýalymy gözledi.

Çeññege ildirip derýañ baýlygyn
Kenara çykardym, synladym durdum.
Tapabilmän shol arzyly balygym,
Men olary ýene suwa goýberdim.

Agdardym, düñderdim derýa shalygyn,
Aw oñmady, gaýtdym yzyma bakan.
Sen haýsy suwlarda, tylla balygym?
Ýa bireýýäm tutup goýberdimmikäm?!

Shadyýan gün.

Aý, ýöne,
Keýpine aýdym aýdýaryn,
Keýpine hosh salam ýollaýan Güne.
Tanyshlyk üçin däl-
Gyzlara dushsam,
-Salam, keýgim-diýip, geçýän keýpine.

Garagol çagany gush deý göterip,
Mündürýärin sazdan doly kelläme.
Suwa dash zyñýaryn-bökýär, oýnaýar,
Ýeri, shol suwa dash zyñamda näme.

Dükanlaryñ vitrinasy enaýy,
Dükana dykylyp girýärin, ine.
Soraýaryn onuñ-munuñ bahasyn.
Satyn almakçy däl,
Ýöne keýpine.

Gushlaram baglarda jagylda-jugul,
Ýollarda baglaram gushlary bilen.
Bu täsin gün ýaýnap otyr enaýy.
Keýpine,
Keýpine,
Ýöne keýpine.

Çaga ýaly bu arassa asmana
Kelläm degip,
Owaz edýär keýp bile.
Onsoñ neneñ Saturnyñ halkasyn
Shlýapa dek geýmejek sen keýpine.

eeee dost betow sagja bol yazanyn ucin..