YARA YUZLENME!!!

Ýara ýüzlenme

Bir dem aladaňy pitikläp goýber,
Üfläp goýber sere üýşen pikiriň.
Satyp bolmaz başyňdaky derdiňi,
Ol seni ir-u-giç ýüpsüz kökerer.

Biz satyn almadyk derdi,
onsoňam
Artykmaç zatlar-da başa towky bor.
Ýapyp bolmaz ýetmeziňi el bilen,
Sen gyssanma, ähli zatlaň gowsy bor.

Ökjäňi galdyryp uly bolnanok,
Hiç kimiň ýetenok eli Aýa-da.
Geljek günleriňe sabyrly gara,
Ertiriňe güýjüň, gurbuň aýa-da.

Öz başymyň gaýgysy ýok beýnimde,
Ony owurt suw deý ýuwdup goýberýän.
Geçen günler geçip gidýär salgym deý,
Ertir hem şu güne gaýdyp goýbermez.

Günler ynamyňa ynamyn goşýar,
Bagtsyz galjagyňa ynanma, ýarym!
Kosmonawtlar Aýy elläp gaýdansoň,
Men bagtsyzlygyma ynanmaýaryn...