ÖZ ÖMRÜMIŇ AKTÝORY MEN. ( Shatlyk Hudaynazarow )

Öz ömrümiň aktýory men durmuşda,
Janlandyrýan Taňryň ynanan keşbin.
Gülýän, gaharlanýan,dymýan,aglaýan,
Käte aljyraýan,käte ýalňyşýan,
Kem gaýdan ýerlerne agyrýar nebsim.

Giň, juda giň bu durmuşyň sahnasy,
Islendik ''oýnada'' etmeýär darlyk.
Zehinimi synap ýörün dynmazy,
Ussat ''artistleriň'' içine garlyp.

Gelşi ýaly garşylaýan günleri,
Käte ýetişemok taýýarlanyp hem.
Bagyşlap bilýärin,söýüp bilýärin,
Bu göwni giňligim- abraýym eken.

Sözlerimi ýat tutamok öňünden,
Dile geleniçe dillenip ýörün.
Synaga salynýan sähel öwünsem,
Sylaga ýetýärin sähel öňürtsem,
Ýadanymda bir dem demimi dürsäp,
Dürsänden soň ýene zähmeti küýsäp,
Çagalarym üçin çapýan atymy,
Şolaň monjuk gözlerinde görýärin,
Şolaň süýji sözlerinde duýýaryn,
Gözleglermiň bagtyny.

Perişdeler ýazgy edýär ömrümi,
Sogabyma el çarpýandyr bigüman.
Günälerme toba edýän ,gyýylýan.
Yhlas bilen janladyrýan keşbimiň,
Şowly bolup çykmagyna howlugýan.