SÖÝGI

Söýgi gelip-geçip gidipdir eýýäm,
Dilim baglap, gamashdyryp çeshmimi.
Müshk ysyna beýhush edip bir meýdan
Hem aýñaltdy ysgadyp shol müshgüni.

Men söýginiñ nämedigin bilmedim,
Bilmedim men hut shol söýgä bash goýup.
Ol gursagym doldursa-da duýgudan,
Gitdi meniñ gujagymy bosh goýup.

Söýgi maña shygyr bolup galmady,
Galmady dilberme ýazan hatymda.
Shondan bäri goshgy ýazýan söýgi diýp,
Ýöne olañ bary söýgi hakynda.

Görübem, duýubam bolýar söýgini,
Ýöne nämedigin aýdyp bolmaýar.
Çünki, söýgi agyz-dilden aýyrman,
Jadylaman, beýhush etmän gelmeýär.

Nobatguly Rejebow