Cambridge "Uniwersitetine" gezelenç (Suratly)

Salam Hormatly agzalar! 

Bir ýarym ýyl öňürak size Oxford şäherine gezelenç barada gürrüň beripdim. Bu gun bolsa size duynki gezelenç, ýagny Beýik Britaniýanyn Cambridge şäherine gezelenjim barada gürrüň bermekçi. 
Şäher Londondan 2 sagat uzaklykda ýerleşýän ekeni. Özem meniň iň halaýan transportym - awtobuslarda gidip bolýan ekeni. Bahasy gidiş-geliş gymmat däl ekeni we gowy tarapy, takyk bellenen wagtdan 1 minut hem gija galman ýöreýän ekeni. Bileti almak hem gaty ansat ekeni, internet usti bilen satyn alýaň, bileti hem telefonyna sms bilen iberiläýýän ekeni. Onsoň sürüjä diňe sms-i gorkezmek yeterlik 🙂

Bir minus tarapy, ýoly 2 sagat diýsede, şonuň 1 sagadyny şäherden çykmak üçin gerek ekeni. Şäheriň iň traffik köp ýerinden, ýöne belli ýerlerinden äkitdi.

Most gorsem surata düşürip çykdym menem, ýöne bu heniz London 🙂

Parliamentyn arka yuzi 🙂

Şu Big Ben-a näçe seretseň seredip oturmalyda, arhitekturasy gaty inçe we sünnälenip edilen. 

Indi Cambridge-yn bir çetinden girip başlalyň, ýatda galyjy ýerleriniň suratlary bilen paýlaşmakçy. Şäheriň özi Oksford'dan ulurak ekeni, adamlar köplügi ýaşaýyş barlygyny bildirýär. Şäheriň içinde maşyn az, ýöne welosiped gaty kop eken. Şäher ilatyň esasy bölegi welikde 🙂 

Ylym şäherçesi hökmünde 1209-njy ýylda duýbi tutulypdyr. Ýöne biziň hemmämiziň eşitýän Cambridge Uniwersitetimiz ýok 🙂 Ýagny, biziň göz öňümize getirişimiz ýaly bitewi bir ýerde oturan uly Uniwersitet ýok. Şäheriň içine ýaýradylan Kollejler toplumy ekeni. Kollejleriň hersiniň öz ady bar, hersi birnäçe fakultete, her fakultet hem birnäçe departamente bölünen. Ýalňyşmasam, jemi 34 kollej bar, olaryň 29-sy Bakalawr (Undergraduate); 3-si Aspirantura we Doktorantura (Postrgaduate); we 2 sany hem arassa gyzlar kolleji bar eken. 

Suratlary aşakda paýlaşmakçy. 🙂