Futbol, ýoldaşlyk oýny: Ertir.com - TMDDI 17-9

Teswirleriň kitabyny çykaralyň, teswirleriň gazet-žurnalyny çykaralyň, teswirleriň plan zadyny edeliň, teswirleriň plan zadyny ýasalyň.. ― Şeýleräk mazmunly gürrüňler şu ýerde köp gezek orta atylypdy. Häzirlikçe bolsa bu gürrüňleriň ählisem netijesiz, başy bar-da soňy ýok. Ýöne şu ýerdäki şol gürrüňlerden öz netijesini beren ýekeje bir zat bar. Olam futbol, ýagny Teswirçileriň futbol topary. Ine şuny-ha döredip bildik. Dogry, edil resmi ýagdaýda däl, ýöne islendik wagt özümiz ýalyrak toparlar bilen oýnap biljek 9-10 adamlyk komandamyz-a taýýar. Garaz şeýleräk.

Duşuşykdan bir pursat

Düýn agşam howanyň -1°C sowukdygyna garamazdan, Köpetdag stadionyň gapdalyndaky mini polýada ýoldaşlyk oýnuny oýnamak üçin toparymyz bolup ýygnanyşdyk. Ýoldaşlyk oýnundaky garşydaşymyz TMDDI-niň 3-nji kurs oglanlaryndan düzülen ýygyndy topary. Duşuşyga agşam sagat 20:00 töwerekleri başladyk we sagat 21:30 töwereklerine çenli oýnadyk.

ChemicalMan we Generalissimus top ugrunda göreşýär

Biz oýna şeýleräk düzümde başladyk: ChemicalMan (captain), Nitrogen, Gudrat, Andy Roddick, Wyždanyň Sesi, Zenit. Men ätiýaçda oturdym. Soň Incredible agzanyň gelmegi bilen ätiýaçdaky oýunçylarymyzyň sany ikä ýetdi.

Garşydaş toparymyzyň hem ätiýaçynda 1-2 sany oglan bardy. Ýene bir bellemeli zadymyz, TMDDI-leriň düzüminde şu ýerdäki Generalissimus (captain) agza hem oýnady.

Andy Roddick agza-da düýn gowy oýnady

Duşuşyk biziň toparymyzyň artykmaçlygy bilen başlady. 3-4 minut golsuz oýnalan oýunda hasaby biz açdyk, takmynan 10-12 minut geçip-geçmänkä bolsa hasaby 4-0-a ýetirdik. Şondan soň azajyk arkaýynlaşdyk, goragymyzda, esasanam goragyň merkezinde ýalňyşlyklar goýberdik. TMDDI-niň talyplaram biziň ýalňyşlyklarymyzdan peýdalanyp, oýny öz ellerine aldylar, gol yzyna gol saldylar we hasaby 4-3-e ýetirdiler.

Bulam men (Batyr), 2-3 sany gol saldyrdym diýäýmeseň erbeden durmadym

Şondan soň ýa-ha biz güýçlendik ýa-da garşydaşymyz gowşady. Garaz gol tapawudyny ýene-de 4 gola çenli çykardyk (7-3).

Zenit düýn otduşy oýnady

7-3-den soň duşuşyk iktaraplaýyn hüjümler we ikitaraplaýyn gollar bilen dowam etdi. Garşylyklaýyn gollardan soň hasap 10-8-e çenli ýetdi. Ana şundan soň garşydaş toparymyz gowy gowşady. Goragy yzly-yzlyna birnäçe gezek boş goýdular.

Gudrat agza pökgi bilen

Netijede duşuşyk doly artykmaçlygy bilen biziň elimize geçdi. Gol salmakda kynçylyk çekmedik. Duşuşygyň soňuna çenli ýene-de birnäçe gollar saldyk we oýun aşakdaky hasap bilen tamamlandy:

FK Teswirler (Ertir.com) - TMDDI (3-nji kurs oglanlardan düzülen ýygyndy) 17-9

Bulam NitrogeN agza

Öwünip diýdigim däl. Düýnki duşuşykda biziň oglanlarymyzyň ählisem tüweleme gowy oýnady. Plany gowy oýnap plany gowy oýnamady diýer ýaly däl. Ýöne şolaň içindenem iň gowy oýnany saýlamaly bolsa, edil meň özüm-ä NitrogeNe sesimi bererdim. Goragyň çep tarapynda oýnady. Hem-ä çalasyn, hemem aýakdan top almaga ökde.

TMDDI-lilerde bolsa, bärdäki Generalissimus bilen Balkan diýip bir oglan bar, ana şol ikisi gowy oýnady. Generalissimus iň köp gol salan oýunçy boldy diýsem-ä ýalňyşaryn, emma iň köp asist beren futbolçy boldy diýsem ýalňyş bolmaz. Köp gollar şoň asisti bilen girdi.

Bulaň birem Incredible agza

Düýnki oýunda iň köp gol salan futbolçy ChemicalMan, Andy Roddick we Wyždanyň Sesi - şu üçisinden biri bolmaly. Iň owadan gol, aý, şuna saýlap bilmedimäý. Siziň özüňiz aýdaýmasaňyz.

Iň köp tapawutlanan futbolçylaryň biri - Wyždanyň Sesi agza

Umuman aýdylanda düýnki ýoldaşlyk oýny gyzyklyja geçdi. Şu temamyň soňunda düýnki duşuşyga gatnaşan oglanlara sag bolsun aýdýan. Şol duşuşygy gurnan ChemicalMan hem-de Generalissimus agzalara bolsa gatnaşanlaryň adyndan aýratyn minnetdarlygymy bildirýän.

Bellik: Suratlary hiç biriňizi kemsitmek ýa-da gülmek üçin goýan däldirin, temany gyzyklandyrmak üçin goýaýdym. Dogry düşünersiňiz diýip umyt edýän.

Duşuşygyň oň gowy futbolçysy kim?

Gudrat (Ertir.com)(7%, 3 adam)

Andy Roddick (Ertir.com)(2%, 1 adam)

ChemicalMan (Ertir.com)(11%, 5 adam)

NitrogeN (Ertir.com)(26%, 11 adam)

Wyždanyň Sesi (Ertir.com)(4%, 2 adam)

Zenit (Ertir.com)(23%, 10 adam)

Incredible (Ertir.com)(2%, 1 adam)

Generalissimus (TMDDI)(9%, 4 adam)

Balkan (TMDDI)(0%, 0 adam)

Başga biri(11%, 5 adam)