INE, DOGAN GELER
Ine, dogan geler, "Dirimiň?" diýer,
Ynanmaýan ýaly ýaşap ýörenme.
Men "Şükür" diýerin, begenerin-de,
Bu gün ýene aman-esen örenme.
Ol papagny bir gapdala taşlar-da,
Soňsuz nesihata başlar ýene-de.
Biz ikimiz başga-başga adamlar,
Döresegem bir ata, bir eneden.
"Şahyrlykdan çörek iýmek kyn düşer,
Yhlasyňy siňdir ýeňilräk käre".
Men bolsa diýerin "Ynanaý, agam,
Özümem alaçsyz, tapamok çäre.
Dünýämizde din köp, emma Hudaý bir,
Ol hemişe gorap ýörmez täk meni.
Girdaba gaçsamam, endişä galyp,
Başa çekip ýatma köne çäkmeni.
Men indi çaga däl, şükür, goja däl,
Öz başymy özüm çarajak borun.
Bir aýdymçy kimdigini bildirmez
Içinde bolanda köp sesli horuň!"
Ol gider kalbyma howsala salyp
Hem kisäme salyp bir az-owlak pul.
Men "Sag bol!" diýerin, "Sag bol, jan agam!"
Emma arzuw eden günüm däldi bul.
Ilki arzuwlarym başga-başgady,
Çaga arzuwlarnyň baryp ýatany.
Men öz adym bilen bezemekçidim
Bezege mätäç däl Eziz Watany.
Ähli ejizlere hossar boljakdym,
Naçarlara dogan, ýetime aga.
Emma bolsadydan hasyl önmeýär
Başky arzuwlamam gitdiler dagap.
Ýöne kemelmedi manysy ömrüň,
Kemelmedi durmuşyňam zynady.
Ykbal ähli kişä mahsus zatlarda
Ajy-süýji duýgusynda synady.
Men bütin ömrüme şu güne çenli
Agşam ýatyp, daň atarna howlukdym.
Çünki, bilýärdim men, ine, şu ýerde
Ýürek urup dursa, soňy gowlukdyr.
...Ine, dogan geler: "Dirimiň?" diýer
Ynanmaýan ýaly ýaşap ýörenme.
Men: "Şükür!" diýerin begenerin-de
Bu gün ýene aman-esen örenme...
AWTORY ÇARY ÝEGENMYRADOW.
Arşivin durumu
● Tam metin
● 22/22 yorum korunmuş
Yayımlandığı site: ertir.com · Kaynak: Web Archive kopyası — ertir.com, 11 Mayıs 2012 · Orijinal sayfayı gör ↗
Yorumlar 22
Şu goşgy Çary Ýegenmyradowyň ömrüniň soňky günlerinde ýazan goşgusy. Şu goşgyny ýazandan soň uzak ýaşamady.
köp sagbol awtor, sonky topbagy hasam yarady,
+ goydy hasap eday
sagja bol guychli goshgy.
Sag bol @kab dost goshgyny okap agalam ýada düshdi...
Juda tasirli goshgy eken . :(
Biz ikimiz başga-başga adamlar,
Döresegem bir ata, bir eneden. Shu setirlerem gowy .
Sag bolun Kab aga!
Gynansak-da
hakyky döredijilik adamlaň ykbaly hemişe şeýle bolan ýaly.. onda name Jemal
Saprowa döredijilik adamy dälmi-kä diýýäňmi 🙂 mümkün däldir
Ýaman gowy ýazylypdyreý... :'(
awtor sagbol yaltanman yazpsyn
Goshga sözum yok...
Cary agan yatan yeri yagty bolsun. Paylashanyna minnetdar
gowy eken +
Dogry, sungat adamsynyn duygylary has nazik, has inche bolya bize seredeninde... Awtor sag bolun bize yetireninize...
Jemal Saparowada hakyky doredijilik adamsy, hakykatyn hatyrasyna dogryny dogry aytmaly Huday tarapyn berlen sesi bar yöne indi önki yaly abrayy yok, olam öz tüyküligini özi yalanlaryn biri! Hany yadynyza du$yami Beyik Serdarymyz ölse menem öljek diyyadi, netije name boldy hemmaniz bilyaniz!
teswirsiz
Haladym,oylandyryjy goshgy.Sag bolun Kab aga
gaty gowy goshgy.yazyanlaryny yashap yazyany belli bolup dur
gaty gowy goshgy.yazyanlaryny yashap yazyany belli bolup dur
goshgy bilen chemen bogup Watana
gullering ustune gul goshup gitding.
sening omrung bal aryngka mengzeyaer
poeziyamyza bal goshup gitding.
Şahyrlykdan çörek iýmek kyn düşer,
Yhlasyňy siňdir ýeňilräk käre.
Men bolsa diýerin Ynanaý, agam,
Özümem alaçsyz, tapamok çäre.
halky
Şu ýazgyha gaty dogry dost! Şahyr halkyna dirikä kän hormat goýýan adam ýok. Haçanda ölensoň ýatlap ugraýalar, şolam bir hasap...