“Maşgala”

Ol ülkäniň meşhur suratçylaryndan hasaplanýardy. Emma onuň öz döreden eserlerinden göwni suw içenokdy. Ol bir gün özüniň iň gowy eserini döretmegi ýüregine düwdi. Ýöne ençe günläp özüniň çekjek suraty barada oýlansa–da, kellesine ajaýyp bir pikir gelmedi. Gözleýänini tapjak bolup, ýeke özi telbe ýaly obanyň çetinde aýlanyp ýörkä, ol öňünden çykan bir gojadan:
-Dünýäde iň gowy zadyň suratyny çekmekçi bolýaryn. Emma näme etjegimi bilemok. Maňa kömek edip bilermisiňiz? – diýip sorapdyr.
Goja suratça garap:
-Dünýäniň iň gowy zady ynamdyr. Ynamsyz ýaşap bolmaz, oglum!- diýip jogap beripdir.
Suratçy ýola rowana bolýar. Şäherde Nika köşgünden çykyp gelýän ýaş çatynjalara duşýar. Olardan–da:
-Siziň pikiriňizçe, dünýäniň iň gowy zady näme? – diýip soraýar.
Gelin adamsyna mähirli garap:
-Söýgi. Söýgi garyplygy baýlyga, gözýaşlary ýylgyryşa öwürýär.Söýgi azy köpeldýär. Şondan gowy zat bolmaz- diýip jogap berýär.
Suratçy bu eşidenleri barada oýabatyp gelýärkä, ýolda bir esgere gabat gelýär. Suratçy oňada bir sowal bilen ýüzlendi.
Durmuşda köp hupbatlary başyndan geçiren esger ikirjiňlenmän:
-Dünýäniň iň gowy zady asudalyk we parahatçylykdyr. Iň erbet zady bolsa uruşdyr. Parahatçylygyň bar ýerinde gowulyk hem bardyr–diýip jogap beripdir.

Suratçy:
- “Ynam, Söýgi, Asudalyk we Parahatçylyk.” Men bulary nädip bir surata ýerleşdirerkäm? – diýip, öýüne gaýdýar. Öýe gelip, gapyny açyp içeri girende ol dünýäde iň gowy zadyň nämedigini bilip galýar.
-Kakajan–diýip, gujagyna dolan gyzynyň gözündaki ynamy görüp, Hudaýa ýüzde müň şükür edýär. “Hoşgeldiň” diýen aýalynyň didelerindäki parlaýan söýginiň şöhlesi onuň kalbyny ýyladýar.Ojagynyň asudalygyna hem-de parahatlygyna buýsanýar.
Ol derrew reňklerine ýapyşýar. Az salymyň içinde “Maşgala” atly ajaýyp surat taýýar bolýar. Bu surat onuň arzuw edýan iň gowy suratydy.