Hakyky IMAN eýesi bolan bir ýaş GYZ

Hezreti Omar özüniň halyfalygy döwründe süýtçilere süýde suw goşmagyny gadagan edipdir we bu gadaganlyk buýrugyny ähli ýere habar berdiripdir. Şäheriň asudalygyny barlamak üçin her gije Medinä aýlanyp çykar eken. Bir gün örän ýadapdyr we dynç almak üçin bir howlynyň haýadyna ýaplanypdyr. Howlynyň içinde ejesi bilen gyzyň arasynda bolup geçen şu gürrüňi eşitdi:

 Ejesi:

 - Hany, tur, gyzym, basymrak bol-da, süýtlere birneme suw guýuşdyr.

Gyzy:

 - Eje, halyfanyň süýtlere suw goşmaklygy gadagan edenini bilmeýärmiň näme?!

Ejesi:

 - Elbetde bilýärin.

Gyzy:

 - Bilýän bolsaň, onda nädip men halyfanyň gadagan eden zadyny ýerine ýetireýin?

Ejesi:

 - Hany, biderek samrap durma-da, tizräk şu süýtlere suw guýuşdyr, Omar seni nireden görjek?

Gyzy:

 - Omar görmez, ýöne Rabbym görer. Wallahy men onuň görjek ýerinde etmejek işimi görmejek ýerinde-de edip bilmerin.


Hereti Omar muny diňläninden soňra öýüne gaýdyp geldi. Oňat bir dini terbiýe gören bu arassa ahlakly garyp gyzy özüniň ogly Asyma alyp berdi.


Ynha, Alla bolan ynanjyň ynsanlaryň işlerine edýän täsiriniň oňat nusgalaryndan biri...