Arslanmyrat Amanow - ýylyň futbolçysy

Geçen möwsümi ýokary derejede geçiren futbolçylaryň arasynda her ugur boýunça ökdeleri yglan edildi. Futbol boýunça Milli ligamyzyň tälimçileriniň, ýurdumyzyň sport žurnalistleriniň gatnaşmagynda geçirilen ses berlişigiň netijesinde geçen möwsümde ýurdumyzyň iň ökde futbolçysy diýlip, HTTU toparynyň ýarym goragçysy Arslanmyrat Amanow yglan edildi. Bu futbolçy şeýle-de, ýarym goragçylaryň arasynda hem iň ökdesi hökmünde ykrar edildi. Geçen möwsümde 24 pökgini garşydaşlarynyň derwezesine girizen Mämmedaly Garadanow bolsa, iň netijeli oýunçylaryň arasynda tapawutlandy.

Geçen ýylyň iň ökde futbolçylary:
Iň ökde derwezeçi - Nikita Gorbunow («Balkan»);
Iň ökde goragçy - Akmyrat Jumanazarow («Merw»);
Iň ökde ýarym goragçy - Arslanmyrat Amanow (HTTU);
Iň ökde hüjümçi - Berdi Şamyradow («Aşgabat»).

«WATAN» gazeti, №9 (11879). 2012-nji ýylyň 21-nji ýanwary, şenbe.

Tema goşmaça: Geçen möwsüm Milli ligamyzda iň soňky bolanlygy sebäpli Daşoguzyň «Turan» («Daşoguz») futbol topary öňümizdäki möwsüm 1-nji ligada oýnar. Daşoguzlylara derek bolsa, geçen möwsüm Türkmenistanyň futbol boýunça 1-nji ligasynda çempion bolan TMS we SI-niň «Talyp Sporty» futbol kluby Milli ligamyzyň täze topary bolar.
Garaz, bu ýylky Milli ligamyzy Daşoguzly futbol fanatlary klubsyz geçirjekler-dä.