Beýle-de futbol görjek ekenik: 74 öli, 1000-den gowrak ýaraly..

«Bu gün futbol taryhynyň iň "garaňky" günleriniň biri..» - bu sözler FIFA prezidenti Sepp Blattere degişli. Näme üçin beýle diýenini aşakda düşündireýin.

Düýn (1.02.2012ý) Müsüriň futbol çempionatynyň çäklerinde Port-Said şäherinde oýnalan, ýerli «Al-Masri» bilen çempionatyň lideri Kair şäheriniň «Al-Ahli» futbol toparynyň arasyndaky oýnalan oýun 74 adamyň ölümi bilen tamamlandy.



Duşuşygyň 90 minudy gül ýaly oýnaldy. «Al-Masri» garşydaşyny 3-1 hasap bilen ýeňmegi başardy. Hemme bulam-bujarlyklar bolsa, eminiň duşuşygyň gutaranlygy barada jürlewigini çalmagyndan soň başlandy. Oýun gutaran badyna ýerli «Al-Masriniň» müňlerçe janköýerleri meýdança girip, myhman toparyň janköýerleriniň üstüne daş, pitarda, çüýşe ýaly zatlary zyňyp hüjüm edip başladylar. Olar myhman janköýerlere ony-muny zyňyp hüjüm edenlerini hem az görüp, myhman topar «Al-Ahliniň» futbolçylaryna, tälimçilerine hem hüjüm etdiler. Futbolçylardan hem birnäçe ýaralananlar boldy, stadionyň howpsyzlyk gullugynyň işgärleriniň kömegi bilen bolsa, futbolçylardan ölen adam bolmady.



Ýerli wekilleriň habar bermegine görä, bu wakadan soň häzirlikçe 74 adamyň ölendigi, 1000-den gowrak adamyň (şolaryň arasynda polisiýa işgärleri bilen birlikde myhman toparyň futbolçylaryndan hem bar) bolsa ýaralanandygy hasaba alyndy.

Bu wakadan soň «Al-Masri» futbol toparynyň prezidenti wezipesinden gitdi, Port-Said şäheriniň gubernatory hem-de şäheriň howpsyzlyk ministri wezipesinden kowuldy, birnäçe janköýerler bolsa tussag edildi.

Port-Said şäherindäki gyrgynçylygy eşden myhman toparyň wekilçilik edýän şäheriniň ýaşaýjylary, ýagny Kairliler şol pursat köçä çykdylar. Kairde oýnalyp oturan «Az-Zamalek» bilen «Al-Ismaili» toparlarynyň arasyndaky duşuşygyň ýatyrylmagy üçin stadiona protesta etdiler. Ähli zatdan bihabar emin ilki duşuşygy dowam etdirdi. Emma Port-Saidden gelen habarlar emine duşuşygy wagtyndan öň ýatyrmaga mejbur etdi. Şeýlelik bilen ol duşuşyk ýatyryldy, stadiona protesta eden janköýerler köşeşdirildi.

Habar-a şeýleräk. Meň şu ýerde bir düşünmedik zadym bar. «Al-Masri»-liler 3-1 utansoň näme üçin uruş turuzýalarka? Utulan bolsaň onda başga gürrüň. Utaňsoň bir götiňi gysda otur-da, myhman janköýerler bilen näme işiň bar.. Muňa gysgaça şuny diýsek bolar: «Görümsiziň ogly boldy, oýnap-oýnap çüküni ýoldy».

Menem futbol fanaty hökmünde bu wakada ölenlere öz gynanjymy bildirýän. 74 öli, 1000-den gowrak ýaraly diýmek az zat däl..