Milli ýygyndymyzyň Antaliýa kampyndan soňky habarlar, «FC Petrolul» - Türkmenistan 0-1

Salam agzalar. Şu temada sizi Milli futbol ýygyndymyzyň Antaliýa kampyndaky oýnan ýoldaşlyk oýunlaryndan habarly etmekçi.

Milli ýygyndymyz bu ýerde öz ilkinji oýnuny 21-nji ýanwarda Azerbeýjanyň «Hazar Lenkoran» kluby bilen oýnady. Bu oýunda 3-1 hasap bilen ýeňildik. Ýeri gelende ýatladaýyn, Azerileriň bize salan 3 golunyň birini Türkmenistanly ildeşimiz Elman Tagaýew salmagy başardy.

«Hazar Lenkoran» - Türkmenistan 3-1
5' Andreý Mureşan, 23' Katalin Doman, 90' Elman Tagaýew - (Bizden kim gol salanyny bilemok)

Bu ýerdäki 2-nji oýnumyzy 26-njy ýanwarda Polşanyň «Legiýa Warşawa» klubyna garşy oýnadyk. Bu oýunda hem utuldyk.

«Legiýa Warşawa» - Türkmenistan 4-1
24' Koşeçki, 33' Borisuk, 45' Wawžinýak, 47' Furman - 52' Didar Durdyýew

Aýyň 27-sine FIFA reýtinginde 50näçenji ýerde barýan Rumyniýanyň Milli ýygyndysy bilen oýnadyk. Ýene-de utuldyk.

Rumyniýa - Türkmenistan 4-0
3' Niculae, 47' Tanase, 51' Tanase, 90+1' Niculae

29-njy ýanwarda bolsa Rumyniýanyň «FC Petrolul» topary bilen oýnadyk. Öňki oýunlardan tapawutlylykda bu gezek utan tarap biz bolduk.

«FC Petrolul» - Türkmenistan 0-1
(Goly kim salanyny bilemok)

Ýazguly Hojageldiýewiň tälimçiligindäki Milli ýygyndymyz Antaliýa şu düzüm bilen gitdi:

Nikita Gorbunow (Nebitçi), Rahmanberdi Alyhanow (HTTU), Hemaýat Kömekow (HTTU), Serdar Annaorazow (HTTU), Şöhrat Söýünow (HTTU), Ahmet Ataýew (HTTU), Rahymberdi Baltaýew (Aşgabat), Döwlet Baýramow (Merw), Guwanç Hangeldiýew (HTTU), Nazar Çöliýew (Aşgabat), Arslanmyrat Amanow (HTTU), Didar Durdyýew (Aşgabat), Berdi Şamyradow (Aşgabat), Maksim Belyh (HTTU), Bagtyýar Hojaahmedow (Merw), Guwanç Rejepow (HTTU), Guwanç Abylow (HTTU), Dawid Sarkisow (HTTU).

«FC Petrolul» - Türkmenistan duşuşyndan bir pursat

Size ýetirmekçi bolan habarlam häzirlikçe şular. Gyzyklananyňyz üçin sag boluň.