DANA SÖZLER...

• Gezen derýa, oturan gümra.• Genç (rysgal, döwlet) jomardyňky.• Ýagşy sowal - ylmyň ýarsy.• Dilden gelen elden gelse, çyn gedaý patyşa bolar.• Ogryň garga bolsa, itiň bialaç.Gedaý mala, saýyl takdyra mätäç.• Derýa bolsaň pesde bol, daglaň suwy seniňdir, gadamyňy assa goý, toprak seniň eneňdir.• Bihasap uçan guş gonalgasyny tapmaz.• Ylmy ogurlatsaň, köpeler, maly ogurlatsaň kemeler.• Adamy däl-de, häsiýetini ýigren.• Ýagşy ynsan bilen dostlaşmak - akylyň ýarsy.• Eždat-pederlerimiz: “Dört zatdan bol, birisinden bolmagyl” diýipdir. Ylym oka, alym bol. Ussatdan tälim al. Gulak asyjy bol. Alymlar bilen dost bol. Bäşinjiden bolma, ýagny dördüsine garşy bolma, heläk bolarsyň.• Ata-babalarymyz hassa sorajaklara şeýle sargyt edipdirler: „Ýygy bar-da, tiz tur”.• Bende sylasa, aş berer, Hudaý sylasa, ýaş berer.• Keýmirkör: “Öwgi hantamaçylykdandyr” diýipdir.• Är gezer, bagty açylar, aýal gezer, aýby açylar.• Diňe miweli agajy keseklärler.• Yzda galjaga ýük urdurma, ýola bile gitjege urdur.• Iliň betbagtçylygyndan peýdalanmak, betbagtçylyga eltýändir.• Nadan: “Meni çakmadyk ýylan müň ýaşasyn” diýer.• Agyry aşdan geler, dawa garyndaşdan.• Ataň mirap bolandan, ýeriň pesde bolsun.• Adam ölse adam geler, alym ölse älem geler.