HALYS ÝADADYM
-
- *
Men halys ýadadym, eje!
Gapyl dünýäň görgüsinden, alyndan.
Ýyllaň penjesiniň yzy galypdyr
Birçak seniň demiň düşen alnymda.
Men halys ýadadym, eje!
Bu ýollaryň hupbatyndan, tümünden.
Süýnýän ýyldyzlardan, agyllan Aýdan.
(Ejizlik däl, mertligem-ä däl welin),
Çawlanda ýüzüňi hazanyň ýeli
Sowuk gijelerde üşeýär adam.
Gyşlar sowuk, eje,
Ýat iliň gyşy hasam.
Armany bolmazmy mert bolan merdiň,
Dermany bolmazmy dert bolan derdiň,
Gülgüne ömrümi gülgün hyýala,
Ömrümi ýollara rowana berdim.
Ýyllara aldyryp çagalygymy,
Juda daşda galandygna düşündim.
Geýim deý sypyryp çaga gylygmy,
Bu zatlaryň ýalandygna düşündim.
Çalaran saçlarňa gurban bolaýyn,
Eziz, ejem, berme gözlerňi ýaşa.
Men bu ýolda herne bolsam bolaýyn,
Sen bir, sen bir, sen bir umytda ýaşa.
Ogluň Eýýup kibi derdine çydar,
Derdimem ýok meniň il aglar ýaly.
Zeminde sen, eje, asmanda Huda,
Başga kim galypdyr bil baglar ýaly.
Sergezdan balalar ir-giç hor bolsa,
Enesiniň huzuryna gelýändir.
Diýgin, eziz, heläk bolsam ýollarda"
"Adalat agtaran ýolda ölýändir".
Çölde bolup Hydyr görmän,
Ilde bolup gadyr görmän,
Mydam alyp durman gamyň huzuryn,
Bar-a meňem derdinmäge hukugym.
Ýüregim gözýaşly küýze,
Çeşmim gark edip gutaryn.
Peýda bolsun diýip ile,
Aglap dünýäň derdi üçin
Baryn sarp edip gutaryn.
Gulaklam ýadady, eje!
Kän gepler eşdip minnetli.
Ýasama ýüzleň derdinden
Didelermiň nury gitdi.
Aýaklarym halys boldy,
Ýowuz ýollaryň kadasy.
Ellerim ýadady, eje!
Gerek wagty bogazymy
Owup biljek, bogup biljek
Elleri gysyp ýadady.
Ölüm däl maňa hatarly,
Sebäp olam ýaşaýyş deý
Bary-ýogy bir sapardyr.
Ýyldyz köräp ýaşyl yş deý
Alawlap ýanýar ýokarda.
Men halys ýadadym, eje!
Awtory Gurbandurdy Orazow.
- *
Arşivin durumu
● Tam metin
● 9/9 yorum korunmuş
Yayımlandığı site: ertir.com · Kaynak: Web Archive kopyası — ertir.com, 9 Mayıs 2012 · Orijinal sayfayı gör ↗
Yorumlar 9
Özboluşly, tasin goşgy! Alla Ýalkasyn!
KAb dost sag bol !
sagjabol betinden dost.yetiripdur
bir ömrüng öwrümli yollarynyng yoljysynyng yürek owazyny mundan gowy sypatlandyryp bolmaz...edil mening yaly,okap herkimem öz dünyasini oylanmyşdyr diyip düşünyan...Mahribanlarymyzyng ömürleri ziyada bolsyn...!!!paylaşanynyz üçin tangryyalkasyn...
Kab aga, sag bolun paylashanynyz ucin!
Teswirlerde turkce sozlere gozum dushup, ozumin hem ilkinji gunlerde sahypada yazyarkam her iki dili garyp yazyanym yadyma dushup gitdi 🙂
yoljysynyng - yolAGCHYsynyng,
oylanmyşdyr - oylanANdyr,
dushunyan - pikir edyan
PS: niyetim sawlik tapmak daldir, iki dilin garylman ulanylmagyny undemek, hayysh etmekdir.
Ata aga teswir yazypdyr.. Üsdüne birzatlar goşmak gelişmez..
Sag bol paylaşanyn üçin! 3 4 sapar okadym.. Ejemi yada saldym.. Son durmushy.. Son kyncylyklary.. Son namartlary.. Son biperwaylary.. Son hakykatlary.. Son yene ejemi.. Ejemjanymy...
''Sowuk gijelerde üşeýär adam.
Gyşlar sowuk, eje,
Ýat iliň gyşy hasam.''
''Men halys ýadadym, eje!'' ...
Ata aga teswir yazypdyr.. Üsdüne birzatlar goşmak gelişmez..
Sag bol paylaşanyn üçin! 3 4 sapar okadym.. Ejemi yada saldym.. Son durmushy.. Son kyncylyklary.. Son namartlary.. Son biperwaylary.. Son hakykatlary.. Son yene ejemi.. Ejemjanymy...
''Sowuk gijelerde üşeýär adam.
Gyşlar sowuk, eje,
Ýat iliň gyşy hasam.''
''Men halys ýadadym, eje!'' ...
Yureginden ayak yalanach yoreyan setirler, haladym , galamynyz hiiiiiiiiiich kutelmesin)
Sahyr josupdyr. Super