“Söýgi näme?”
“Söýgi näme?” diýip soradym Taldan.
Ol diýdi: “Söýgimi gidirip goldan,
Örtenip, miwesiz galdym men, guzym.
Indi miwäm ýok-da,
Boýum bar uzyn”.
“Söýgi näme?” diýip soradym Hozdan.
Hoz diýdi: “Ýeňilip bir ajap gyzdan,
Gabygym gatady, çürüşdi maňzym.
Ondan beýlesinem
Özüň bil, oglum!”
“Söýgi näme?” diýdim bi gara Garga.
Ol diýdi: “Sataşyp yşk diýen ugra,
Garalyp galdym men: bişirdi hazan.
Edil pamyk ýaly
Ak guşdum ozal”.
“Söýgi näme?” diýip ýüzlendim Serçä.
Ol diýdi: “Entedip gijeden gijä,
Agrammy mysgala getirdi yşlym.
Men ozal dünýäde
Iň uly guşdum”.
“Söýgi näme?” diýdim zynjyrly Dälä.
(Pikirini bilmek aýyp zat däl-ä!)
Däli jogap berdi elhenç ses bilen:
“Men, men, men…
Ynha, Söýgi men!..”
“Söýgi näme?” diýdim bir ajap Gyza.
Ol iki elini uzatdy yza,
Diýdi: “Söýgi meniň edebim, haýam.
Ýogsa şol ýigidi
Guçardym eýýäm!”
“Söýgi näme?” diýdim Şahyra garap.
Şahyr bir ýylgyrdy kellesin yrap.
Diýdi: “Sorag bar-da, jogap ýok yşka,
Jogap bir başgadyr,
Söýgi bir başga!”
http://www.turkmenedebiyaty.com/kerim-gurbannepes/697-soeygi-naeme.html
Arşivin durumu
● Tam metin
● 34/34 yorum korunmuş
Yayımlandığı site: ertir.com · Kaynak: Web Archive kopyası — ertir.com, 19 Mayıs 2012 · Orijinal sayfayı gör ↗
Yorumlar 34
soygi toydan son bashlaya
Men telpek geyemoga 🙂
oyunde asyp goyarsyn, modern gyzlara beren bet jogabym uchin diyp
gowy goşgy eken
Haladym
Söýgi näme? Siz
oňa
Nähili garaýaňyz?
(Okyjy gyzyň soragyndan)
Söýgi hakda takal
okap durmaýyn
Uslyp däl-elliden
aňryk ätledim.
Ýöne keýgim, bu
soragy bereňde
Men şu mahal bir
aýaly ýatladym
Ol aýal arada
altmyş ýaşady
...Äre çykyp urşyň
başlanan ýyly,
Sekiz aý ýaşapdyr
adamsy bilen.
Indem tes tegelek
kyrk ýylyň duly
Onuň ýala
diýýäris biz adatça:
“Ah biçäräň ýitip
bütin ömri köýipdir”
Emma çynlakaýrak
oýlanyp görseň,
Beýle diýmek hem
ýalan, hem aýypdyr
...Sekiz aý
ýaşapdyr adamsy bilen
(Ynanmazlyk etseň
özünden sora!)
Soňam adamsynyň
patasyn alyp,
Çykmandyr ärinden
başga bir äre.
Arada şol aýal
altmyş ýaşady.
Sopbaş özi.
Ne ogly bar ne
gyzy.
Beýle kişä
diýýäris biz adatça:
“Ah biçäräň ýitip
gitjegow yzy”
Howwa, mümkin,
şeýle bolmagy mümkin.
Dogry zady inkär
etjek bolmaýyn.
Ýöne men şeýle
mert, şeýle wepaly,
Tämiz ömre tagzym
etmäge taýyn.
Sebäbi bu ömriň
gazaply görki,
Onuň zabunlygy,
egrelmez erki,
Bu ömriň hyjuwy
hem-de perýady-
Hemmesi söýginiň
etdirýän zady!
Galanynam, ine
özüň görersiň,
Sorap durman
menden söýgiň döreýşin.
Ýöne alan
mysalymy ýatlap dur-
Ana keýgim, MENIŇ
SÖÝGÄ GARAÝŞYM
(B.Hudaýnazarow)
@barter natdindao menin golumy teswir edipdirdinsandao %-)
“Söýgi näme?” diýdim bir ajap Gyza.
Ol iki elini uzatdy yza,
Diýdi: “Söýgi meniň edebim, haýam.
Ýogsa şol ýigidi
Guçardym eýýäm!”
SHEYLE GYZLARA DUŞSAKDA
SÖÝGI - dert! Ol kellagyry - kellä agram berýär. Ol ýüregagyry - ýürege agram berýär. Ol gözagyry - gözleri kör edýär. Ol gulagagyry - gulaklary ker edýär. Ol dälilik - añymyzy diñe ýekeje zada baglap goýýar. Ol SÖÝGI - dünýämizi ýaz edýär..!
Shunça dertden sonam dunyan yaza owrulyami???? 🙂
Lezzetli dert...🙂
hmmm!!!!! Allah shyfasyny bersin bu dertlerin!
tuvelem dostlar erbet dal! gul yaly! kopinizinkini hsam haladym!
dogry aytyan