Futbol: Türkmenistan (U21) - Rossiýa (U21) 0-0

GDA kubogyny almak ugrunda Sankt-Peterburgda geçirilýän ýaryşyň toparçalardaky oýunlary ertir tamamlanar. Şu gün bolsa, biziň ýaşlar ýygyndymyzyň çykyş edýän "A" toparçasynyň soňky oýunlary oýnaldy.

Şonda biziň ýaşlarymyz Rossiýaly deň-duşlary bilen deňme-deň (0-0) oýnap, ýaryşyň 1/4 finalyna çykmak şansyny sakladylar. Toparçamyzyň beýleki oýnunda bolsa Gazagystan Estoniýany 3-1 hasap bilen utmagy başardy. Häzirlikçe toparçalaryň ýagdaýy şeýleräk:

"A" toparça:
1. Rossiýa: 3 oýun - 7 oçko, 2-0;
2. Gazagystan: 3 oýun - 6 oçko, 6-3;
3. Türkmenistan: 3 oýun - 4 oçko, 2-3;
4. Estoniýa: 3 oýun -0 oçko, 1-5;

"B" toparça:
1. Ukraýina: 3 oýun - 9 oçko, 7-0;
2. Moldawa: 3 oýun - 4 oçko, 2-2;
3. Latwiýa: 3 oýun - 4 oçko, 3-4;
4. Gyrgyzystan: 3 oýun - 0 oçko, 3-9;

"C" toparça:
1. Eýran: 2 oýun - 4 oçko, 3-0;
2. Belorussiýa: 2 oýun - 4 oçko, 2-0;
3. Täjigistan: 2 oýun - 1 oçko, 0-2;
4. Litwa: 2 oýun - 1 oçko, 0-3.

Ertir nesip bolsa toparçalardaky soňky iki oýun oýnalmaly. Şonda Täjikler Eýrany 2 gol tapawut bilen utmasa, Litwalylar bolsa Beloruslary 3 gol tapawut bilen utmasa biz 1/4 finala çykýas. Umuman, 90% biz 1/4 finalda diýip bileris. Sebäbi ertir Eýran Täjiklere, Belorus Litwalylara utular öýdemok.

Ýene bir zady ýatladaýyn, eger-de biz 1/4 finala çykaýsak, onda biziň garşydaşymyz Ukraýina bolar.


Oýundan soň ýaşlar ýygyndymyzyň baş tälimçisi Baýram Durdyýew:
- «Bize bu oýunda deňlik gerekdi we biz deňme-deň oýnamak maksady bilen meýdança çykypdyk. Şonuň üçin bu oýunda esasy goragda oýnanymyzy kem görmedik. Rossiýa - güýçli garşydaş. Muňa garamazdan biz öz geregimizi aldyk. Oýnuň netijesinden biz-ä dawolnyý».


Berekella oglanlar! Türkmenistan öňe!