Gözüm Düşdi

Men bu gün säher oýanyp, çykdym lälezarlyga,
Depäm üste ümmülmez gümmeze gözüm düşdi.
Bu äleme guwandym, guwandym men barlyga,
Ýylda solup, baky solmaz güllere gözüm düşdi.
 
Güýzün agras köçesinde ýaprak kowlaýar şemal,
Men onun waspyn edipler tapmak isledim wysal,
Ýüz sowal wysalyn tapdym, galdy ýene mün sowal,
Sowal-jogapsyz ýören, dil bilmeze gözüm düşdi.
 
El-aýaksyz, merdiwansyz buldun göge galysy,
Gunçalaryn açylysy, ter güllerin solusy,
Tebigatyn şu ajaýyp, baky sazy çalyşy, —
Bizi üwrän sallançaga, düzlere gözüm düşdi.
 
El hünäri il gezermiş, aň hünäri Dünýäni!
Sen Watansyz hasap etme gonup-göçen durnany,
Onun üçin serhet bolmaz, ol dünýäň, bendiwany...
Bir-birine gollar beren illere gözüm düşdi.
 
Eger senin köňül içre bolmasa hoş sözlerin,
Sen ony öten ärlerin diwanyndan gözlegin,
Çünki bizden sonky döwre dikip baky gözlerin
Biziň hoş sözlere mätäç günlere gözüm düsdi.
 
Gurbannazar EZIZOW