Söz berýän...

Bu gün bolşy ýaly ertirem, ertirden soňra hem, ondan has soňraky günlerde hem gözlerimdäki ýeriň üýtgemejekdigine, seni bir ömür söýjekdigime, kebelekleriň reňkleriniň ynsany jadylaýşy ýaly ertirimde-de diňe seniň söýgiň bilen ýaşajakdygyma, iň ýakyn dostuň, iň ýakyn syrdaşyň, iň ýakynyň boljakdygyma, aladalaryňy -aladalarym, gaýgylaryňy -gaýgylarym hasap etjekdigime, her gaharly pursatyň seni köşeşdirjekdigime, gynanan wagtyň ýüzüňe ýylgyryşyňy gaýtaryp getirmek üçin elimden gelenini gaýgyrmajakdygyma, hiç wagt sowukdan ýa-da ýekelikden üşemejekdigiňe, ýanyňda bolmadyk wagtym meni küýsäniňde, mylaýym şemal bolup ýanyňa barjakdygyma, gözüm gözüňe düşen her pursatynda, saňa täzeden aşyk boljakdygyma, ömürboýy irdenler saňa aşyk bolup oýanjakdygyma, sen uklap ýataňda saňa seredip ÝARADANDAN ikimiz üçin dileg etjekdigime, syrkawlap ýataňda öý işleriň ählisini özüm etjekdigime, hiç haçan seniň göwnüňe degmejekdigime, seni gaharlandyraýsamambilmän edenligim üçin şol bada ötünç sorajakdygyma, meni tanan günüň men nähili bolan bolsam ömrüm ötünçä-de şonuň ýaly boljakdygyma, saňa bolan söýgümiň üýtgemejekdigine, söýgimiň hiç haçan egsilmejekdigine, saňa ýalan sözlemejekdigime, nirede bolsam-da diňe sen barada pikir etjekdigime, ölünçäm elimi eliňden düşürmejekdigime, her setirimi diňe sen barada ýazjakdygyma, surat çeksem diňe seniň suratyňy çekjekdigime, hiç bir zady hiç haçan senden öňe geçirmejekdigime, saňa elmydama ömrüm, ezizim, läläm, mähribanym diýjekdigime, seni baky söýgä bürejekdigime, seni sen bolanyň üçin söýjekdigime, her wagt her ýerde ilki ALLA, soňra sen diýjekdigime söz berýän..!
Söz berýän...
Söz berýän...