Öýüňe hoş geldiň, Thierry Henry!

Анри вернулся в "Арсенал"
Şu sözbaşy bilen çykan habary gündelik sport habarlaryny yzarlaýan sahypam m.sport-express.ruda okamda diýseň begendim.

ABŞ-nyň "New York Red Bulls" futbol klubynyň Fransiýaly hüjümçisi Thierry Henry öz "öýüne", ýagny, Londonyň "Arsenal" futbol klubyna dolandy. Arsenal öz rowaýaty futbolçysy Henryny Amerikan klubyndan az wagtlyk hem bolsa arendasyna almagy başardy. Arsen Wenger aýtmyşlaýyn: "Henry 9-njy ýanwarda Lids United bilen oýnaljak kubok oýnunda Arsenalyň köýnekçesi bilen meýdança çykyp biler".

Arsenalyň hüjüm pozisiýasynda çykyş edýän futbolçylar Gervinho bilen Chamahyň Afrikaň çempionaty üçin Milli ýygyndylaryna çagyrylmagyndan soň, Arsen Wenger bu futbolçylaryň ýoklugynda boşan ýeri öz öňkije futbolçysy Henry bilen doldurmak isledi we muny başardy.



Ýeri gelende belläp geçesim gelýär. Thierry Henry Arsenalda mundan öň 1999-2007-nji ýyllar aralygynda çykyş edipdi we Arsenalyň legendasy bolmagy başarypdy. Henry 8 ýyllyk Arsenal karýerasynda 254 oýunda 174 gol salmagy başarypdy. Ol Arsenalda çykyş eden döwürleri 2 gezek Angliýanyň çempiony bolmagy, şeýle-de 3 gezek Angliýanyň kubogynyň, 1 gezek bolsa Angliýanyň super kubogynyň ýeňijisi bolmagy başardy.

34 ýaşyndaky Henry 10-njy marta çenli Amerika dolanmaly bolar. Sebäbi 10-njy martda Henrynyň kluby New York Red Bullsyň çykyş edýän MLS ligasy başlanar.

Carlos Tévez Milanda gowja çykyş edip bilermi?

Milanda öňräk gelmeli ekenim diýer(63%, 7 adam)

Milana gelenine öküner(36%, 4 adam)