Seni ýatlaýan

Ahyry bir gün ynsan unudýarmyş
Süýji ýatlamalarny. Ajy günleri.
Bu gün etjek senden ýekeje haýyş
Her gijäniň ýarynda unutma meni.


Sebäp men her gije şol sagatlarda
Seni ýatlap karar tapman oturýan.
Arzuwlam aglaýar perişan halda.
Gözüm gurap kör bolsam-da unutma.


Şol pursat ýaňlanar gülkiň äleme.
Bir ogurt suw bolup, içim sowadar.
Diňe şemal ynanar meň nalama
Däli bolup öwsenimi unutma.


Aýagym ýalaňaç, elimde hasa
Seniň üçin uzak ýollara düşdüm.
Ençe ýyllardan soň saňa dolansam
Magşar güni duşjak meni unutma.


Entegem ýadymda ýaşyl köýnegiň.
Ony bir gün meniň üçin geý ýene.
Bagyňdaky erik güller açsa ýene
Ýaraly guş görseň unutma meni


Aýralyk oduna ýanan günlerim,
Nirde bolsaň haýal etmän dolan. Gel.
Seni söýýän diýip ýumulsa gözüm
Allaň huzurynda unutma meni.


Men seni henizem unudyp bilemok
Hamana unutsam öläýjek ýaly
Saňa duýgularmy aýdyp bilemok
Aýtsam ýüregim duraýjak ýaly


Men seni entägem unudyp bilemok
Göýä sen yzyňa dolanjak ýaly
Seni pikirimden aýyryp bilemok
Senem meni çyndan söýäýjek ýaly


Seň bakyşyň gözöňümden gidenok
Ýakma meni mundan artyk çydamok
Ynan. Hiç gyz seň ýeriňi tutanok
Agşam ýatsam daňym atmajak ýaly.

Özüme iň ýakyn goşguny siziň baýramyňyza sowgat etmegi makul bildim.TÄZE ÝYLYŇYZ GUTLY BOLSUN!