***

Hyýallaň yzynda ylgap ýadadym
Aç  gujagňy, bas bagryňa jan eje
Az wagtdan daň atjagyn aýdypdyň
Heniz gutaranok gorkuly gije

Seň ertekiňdäki gahrymanlar hem
Kömek etmek üçin beripdi wada
Emma bir gahryman gol uzatmady

Düşünýän däldirin eje hiç zada

Ýada ertekileň gahrymanlarny
Bolşy dälde, isleýşiňçe aýtdyňmy,
Olaň sypatyna, edeni işine
Az-kem ýalan, owadanlyk gatdyňmy

Belki ol merdana gerçek ýigitler
Meň etýän işimi gördi biderek
Ýa-da meňem ägirt bolmagym üçin
Aýlyganç gorkyly düýşlermi gerek?

Mümkin şu gijejik görjek düýşümde
Paýyma düşendi gorkyly bije
Sen balaňy ýalňyz goýma gowysy
Aç gujagňy bas bagryňa jan eje.

17 dekabr 2011