Bayyn omri hich bir haýra yetmedi!

Şäherde bir baý adam bardy. Bir
üýşmeleňde giden märekäniň
içinde:”Meniň şäherde 50 sany
öýüm, çölde 500 iri şahly malym,
bankda 5 milýon dollarym, öýde 5
sany maşynym,..., başga-da
birnäçe baýlykdyr mümkinçilik
bar!” diýip magtanýardy.
Märekäniň içinden bir ynsan
örboýuna galyp:
- Eý, pylany! Bize öz şahsy
baýlygyňdan söz etme! Şu wagta
deňiç halka eden kömegiňden,
beren zekatlaryňdan(sadaka) we
haýyrlaryňdan söz et! – diýdi.
Şonda şol baý adam az salym
dymyp durdy-da
- Olary etmäge-de wagt geler! –
diýip, gysgajyk jogap berdi.
Kän wagt däl, bary-ýogy bir gün
geçensoň, şol baýyň jynazasyna
soragy soran adam hem
gatnaşypdy. Şonda ynsanlar öz
içlerinden:”Diýmek, baý hem
bolsa haýra ömri ýetmedi, Biribar
oňa bu ýagdaýy rowa görmedi,
beýle ýagdaýdan Allahyň Özi bizi
uzak tutsyn!” diýip oýa
batypdylar.
Hawa, kim bilýär, “Ýagşylyk et,
derýa at. Balyk biler, balyk
bilmese Halyk !”, ýogsam bolmasa
“az salymdan giç bolar!” , şeýlelik
bilen “yzyna gaýtaryp bolmajak
bir pursat” emele geler.
Ählimizi mükinçiliklerimize görä
haýyr eden bendeleriniň
hataryna goşmagyny Biribardan
dilemek bilen!